الموضوع: لو ركبت اله الزمن ... هتروح سنه كام ؟

المشاركة الأصلية كتبت بواسطة totaa

أنا مش هحدد تاريخ معين لكن أنا نفسي جدا يرجع بيا الزمن لفترة كان الناس كلهم واحد...الجيران قلبهم على قلب بعض ..مفيش حد بينام وعارف ان اخوه فى مشكلة... إن لما يكون فيه مناسبة تلاقي كل الشارع معاك وجوة بيتك ولما يكون فيه مناسبة وحشة برضه بتلاقي اللى يشيل عنك ويقف كتفه بكتفك ...لما كان يدخل رمضان وتحس ان ريحة الجو بتتغير ... السهر والزينة والفوانيس واللمة والأهل.. وصلاة التراويح والفجر اللى كان بيتجمع فيها كل رجالة الشارع ويروحوا سوا وتفضل الستات فى بيوتها تصلي هى وبناتها.... أنا من وصف جدتي لكل ده بقيت جواه بكل احساسي برغم انى مش حاساه دلوقتى....ياترى ده كان سنة كام بقى؟؟؟

الكام ده كله موجود فى الارياف الى حد ما
حتى عندنا كان موجود لحد وقت قريب جدا يعنى قبل الثورة وبعدها لحدفتره بسيطه
بس الناس الى اتغيرت
ولحد دلوقتى موجود بس قليل شويه