العربية قشرت !

**alaa7sh** · 19-05-2012 01:55 AM

العربية عندي قشرت ! ظهر فيها نقر متفرقة علي الكبوت والنقر دي شايلة القشرة وواصلة للصاج.
وطبعا الموضوع أبعد ما يكون حد عملهالي بـ طوبة والكلام ده :@
مخنووووق جدا ومحروق دمي ومش عارف أعمل اية؟
لأني مش من هواة اروح واجي ع التوكيل واتحايل عليهم واتخانق والكلام ده. خصوصا بعد ما البطارية بقت بتنام مني كتير ومابتقعدش يومين لما بكون مشغل السنتر لوك. والتوكيل قالي البطارية بتاعتك تمام وقالي طيب سيبها تبات عندنا والكلام ده وانا طبعا محتاجها. قمت كبرت دماغي وروحت. وبقيت بسيب العربية من غير ماقفلها باللوك عشان مايسحبش م البطارية في جراج بيتنا.
بحب أريح دماغي. بس في نفس الوقت مشكلة زي دي ماينفعش يتسكت عليها !
أعمل اية واروح لأي فرع واقوله اية؟ وخايف يقعد يسنجفني ويقولي اصل دي عيب منك ودي حد عملهالك والكلام الاهبل ده. "رغم ان والله هي قشرت من نفسها !"

**mido_soliman** · 19-05-2012 02:48 AM

القر دى بتبقى من رمل او زلط على الطريق انا عندى كام نقرة كدة مش عارف ومش فاهم بردوا جم ازاى وحاولت احط فى تصورات بردوا مفيش فايدة المنطق مش جايبهم بس انا النقر مش مقشرة البوية علشان كدة سايبهم
عموما لو حتروج حتروح فرع الصحراوى مفيش غيرة
لكن معتقدش ان حد حيفيدك لان محدش حيقتنع انها ظهرت لوحدها او بدون تدخل
رائى تعمل شوية بوية بلون العربية عند اى حد بتاع دوكو وبحتة قطنة صغيرة وترمم الحتت دى بحيث انك تعزل الصاج بس ومتعملش حاجة تانية
بالنسبة للبطارية
انت عندك اكيد تسريب كهربا ولازم تروح تكشف عليها ومينفعش متستغلش اوبشن مهم زى السنتر والانزار علشان البطارية
تحياتى

**koheya** · 19-05-2012 03:50 AM

مع كامل احترامى مفيش حاجة اسمها الانذار ينيم بطارية.كدة اما البطارية بايظة ودة حصل معايا فى 2008 لما استلمت العربية كانت بتنام وتشخر بعد يومين ولما رحت التوكيل قالى الانذار ولما اقتنع انة بيتكلم غلط غيرت البطارية ضمان وكلة تمام .او يكون عندك تسريب كهربا ودة صعب فى عربيى جديدة.

**alaa7sh** · 19-05-2012 05:04 AM

المشاركة الأصلية كتبت بواسطة mido_soliman

القر دى بتبقى من رمل او زلط على الطريق انا عندى كام نقرة كدة مش عارف ومش فاهم بردوا جم ازاى وحاولت احط فى تصورات بردوا مفيش فايدة المنطق مش جايبهم بس انا النقر مش مقشرة البوية علشان كدة سايبهم
عموما لو حتروج حتروح فرع الصحراوى مفيش غيرة
لكن معتقدش ان حد حيفيدك لان محدش حيقتنع انها ظهرت لوحدها او بدون تدخل
رائى تعمل شوية بوية بلون العربية عند اى حد بتاع دوكو وبحتة قطنة صغيرة وترمم الحتت دى بحيث انك تعزل الصاج بس ومتعملش حاجة تانية
بالنسبة للبطارية
انت عندك اكيد تسريب كهربا ولازم تروح تكشف عليها ومينفعش متستغلش اوبشن مهم زى السنتر والانزار علشان البطارية
تحياتى

بس أنا مش عندي نقر بمعني نقرة ومعلمة ع الصاج
أنا عندي النقرة نص سنتيمتر ومتشال منها البوية وبس
أنا عايز حد محترم أتعامل معاه في التوكيل ده من غير وجع دماغ وقلة قيمة

**mido_soliman** · 19-05-2012 05:43 AM

المشاركة الأصلية كتبت بواسطة alaa7sh

بس أنا مش عندي نقر بمعني نقرة ومعلمة ع الصاج
أنا عندي النقرة نص سنتيمتر ومتشال منها البوية وبس
أنا عايز حد محترم أتعامل معاه في التوكيل ده من غير وجع دماغ وقلة قيمة

تص سنتى عمق ؟؟؟ لجوة يعنى ؟؟
اصل الوصف دة لازم تبقى طوبة او حاجة وقعت عليها غالبا من ارتفاع عالى من بلكونة سطح وهى راكنة فى اى مكان
تحليلى زى ما قلتلك كل اللى فى التوكيل محترمين بس محدش حيحللك المشكلة لانها مش من عندهم :(
انا عايز اجرب والله التلج الجاف على الحجات اللى عندى يمكن يجيب نتيجة زى ما فى الفيديوهات على اليوتيوب كدة بس مش عارف اساسا اجيبة منين :)

**alaa7sh** · 19-05-2012 06:41 AM

المشاركة الأصلية كتبت بواسطة mido_soliman

تص سنتى عمق ؟؟؟ لجوة يعنى ؟؟
اصل الوصف دة لازم تبقى طوبة او حاجة وقعت عليها غالبا من ارتفاع عالى من بلكونة سطح وهى راكنة فى اى مكان
تحليلى زى ما قلتلك كل اللى فى التوكيل محترمين بس محدش حيحللك المشكلة لانها مش من عندهم :(
انا عايز اجرب والله التلج الجاف على الحجات اللى عندى يمكن يجيب نتيجة زى ما فى الفيديوهات على اليوتيوب كدة بس مش عارف اساسا اجيبة منين :)

لأ مفيش أي حاجة داخلة لجوة نهائي
هي نقر متفرقة ع الكبوت نص سنتي عرض النقرة "يعني متشال منها قشرة البوية وبس"
استني بالليل كدة هصورها وارفعها هنا

**amrelsha3er** · 19-05-2012 02:45 PM

عربيتك موديل كم ولسه فى الضمان؟!!!

**alaa7sh** · 20-05-2012 11:32 PM

2011 وقاطعة 9500 كيلو

**ghareeb** · 25-05-2012 07:48 PM

انا عربيتى جين حمرا موديل 2012 و فيها نفس النقر على الكبوت و سمعت إن ماليزيا قالتلهم إنة كان فية مشكلة فى الموديل ده مع اللون الأحمر بيخلية يقشر و هو فى التوكيل بيرشوا القطع المقشرة ده مجانا روح التوكيل و إتكلم معاهم و شوف الدنيا