انا بارشح ليكى طبعا شرم وفعلا فى عروض حلوة قوى فى شرم سواء عن طريق الشركات السياحية او انك تدخلى على المواقع اللى بتحجز على النت وفى فنادق 5 نجوم وب 1200 تقريبا .... شوفى وهاتعجبك حجت كثيرة قوى واسعارها هاتتوافق معكى جدا ياجميلة :)
عرض للطباعة
انا بارشح ليكى طبعا شرم وفعلا فى عروض حلوة قوى فى شرم سواء عن طريق الشركات السياحية او انك تدخلى على المواقع اللى بتحجز على النت وفى فنادق 5 نجوم وب 1200 تقريبا .... شوفى وهاتعجبك حجت كثيرة قوى واسعارها هاتتوافق معكى جدا ياجميلة :)
مرسي مطروح جميلة اووي والبحر بتاعها روعة وشواطيء كتير اللي بيحب السباحة هيستمتع اووي هناك
المشكلة فى البلد والامان مكتفين ناس كتير من المرواح والمجى
فيه فى شرم الشيخ منتجع كبير اسمه دومينا كورال باى
انا بنزل فيه
انا مش عارف ازاى واحد ايطالى يمتلك المساحه الفظيعه دى فى بلدنا المهم
هو فندق على النظام المغربى عامل زى منتجع او قريه كبيره جداا بيطل على البحر
على فكره يا جماعه شركات السياحه كلها بتنصب
انا اول مره حجزت هناك كان عن طريق واحد صاحبى عنده شركه سياحه بس يحجز من النت حجزلى الغرفه دابل شايفه البحر بس مش على البحر ( كلمه اشتغاله ) ب 470 فطار بس ولما كنت فى الفندق وبدردش مع موظف الاستقبال هناك قالى انه العرض بتاعك ده من الفندق ب 270 وفطار وعشا
فالى يعرف يبقى على اتصال بالفنادق مباشرة احسن بكتير
في عرض حلو قوي في بورتو السخنة موجود في offerna
على فكرة 2000 جنية دول يقعدوكوا ليلتين فى فندق 5 نجوم فى السخنه .. و ممكن full board كمان.
عندك بورتو و ستيلا دى ماري .. و بعد كده فى حاجات أرخص .. رومانس بيتش و هورايزون الوادي و رد كاربت.
طبعا بورتو فيها تلفريك .. و رومانس فيها العاب أطفال كتير .. و ريد كاربت فيها كريزي ووتر.
شفته امبارح وعجبني اوي بس مش عارفة نظام الاكل ايه full board ولا half ولا من غير خالص
انا شفت اسعار رد كاربت معقولة وفي كمان منتجع براديس اسعاره معقولة بس مش عارفة الحاجات دي مستواها ايه لاني ما رحتش قبل كدة
الصور بتبقى ما حصلتش بس الله اعلم الحقيقة ايه ؟
بص يا سيدتى
فيه قرية سياحيى اسمها اكواريوس فى العين السختة
فيها شاليهات للايجار من ادارة القرية (حاجة 3 نجوم)
شاليه بيبقى 3 اوض وريسشبين مجهز فيه كل حاجة
والليلة حوالى 450 ل 550 جنيه فى اليوم
القرية فيها شط وحمامات سباحة
روحى غيرى جو
مش محتاجة حجز انتى روحى ادخلى على الريسبشن على طول واحجزى
وطبعا فيه الفنادق اللى فى العين السخنة بس ممكن تبقى اغلى وعبارة عن حجرة بس هيبقى فيها ميزة الاكل يعنى فطار او نص اقامة
مكانك عندى وهتنبسطي اوى
انا كنت زيك كدا السنه الي فاتت بس والله روحت من غير ترتيب خت بعضى وعلي السخنة عدل من غير حتى معرف انا هنزل فين وربنا رزقنى بواحد عامل شغال ف بورتو السخنه وقلي علي فندق بعديهم ب 3 كيلو اسمه دلما مارينا سويس ان حاجة في منتهى الجمال ورخيص واربع نجوم وحاجة زى المانجة العويسي
سعر الغرفة كان 360 في اليوم فطار وغداء اوبن بوفية
وانا انصحك تروحى هناك ومتنسيش تدعيلي
ملحوظة انا لما روحت السنة الي فاتت كان ف شهر 7
وبالتوفيق
اخبار الكماين اية فى طريق السخنة عشان الرخصة منتهية