الله يبارك فيك يا باشا و شكرا لمشارعك النبيله:flowers:
المسابقه خلاص ال 10 الاوائل اتحددوا و انا منهم احم احم :icon_bs:
جيت متاخر يا باشا لو كنت قدمت يومين كنت ممكن تكسب :idea:
عرض للطباعة
عامل دماغ تلج انت طبعا..
لابس الايس كاب.. و مقفز.. و اتقل هدوم ف الدولاب.. :) :) :)
فكرتني باجمل رحلة طلعتها ف حياتي كلها..
بس للأسف مكانش في كاميرات ديجيتال لسة.. مكانتش متوفرة زي دلوقتي..
و مكنتش اعرف حد معاه لسة..
اجمل منظر ممكن الواحد يشوفه في حياته للشروق..
يا باشا إنت لما تطلع الجبل ده في الشتاء بتحس بشعور بالندم على كل قطعة هدوم إنت سيبتها في الدولاب وما لبستهاش :)
يا عم ده أنا كنت لابس الدولاب كله وإستلفت شويه من أصحابي كمان وبرضه كنت حاسس كإني لابس تي شرت بحمالات، البرد هناك ما بيفرقش معاه هدوم يا ريس.
بس ده فعلاً أكتر مكان باحب أروحه في حياتي
ممكن إن شاء الله ننظم رحله لأعضاء المنتدى بس بعد رمضان إن شاء الله
كمسافة مش عارف بصراحة.. بس كان في جمال اخر مرة روحت هناك.. ممكن تاخد جمل يطلعك فوق في ظرف ساعة ولا حاجة..
لكن علي الاقدام.. مش اقل من 4 ساعات تقريبا.. وفي حتة كمان بقي كانت بهدلة.. شعلقة و تسلق و حوارات.. بسدي عشان تطلع لقمة الجبل بجد.. شايف من فوق منظر الجبال اللي حواليك قصة..
هيه فيها جمال كمان ....دي كده كملت ....... انا ممكن اركب عفريت ... لكن جمل .... ما أظنش
.........
اربع ساعات صعود .....ده مجهود جبار .....لكن اعتقد ان المكان بيبقى له شعور لا يوصف ..... المكان الذي كلم الله فيه موسى عليه السلام .... لكن المكان ده هو فعل المقصود ...يعني المعلومة مؤكدة ؟؟؟؟؟
........
اكيد رحلة تستاهل المجهود الجبار ده
بصوا يا جماعه،،،
جبل موسى هو تاني أعلى جبل في مصر بعد جبل كاترينا، إرتفاعه عند أعلى نقطه هو 2285 متر.
بس ده الإرتفاع الرأسي طبعاً لكن المسافه اللي إنت بتطلعها أكتر بكتير عشان الطريق عباره عن مدق لافف حول الجبل.
بس طلوع الجبل مش صعب أوي يا جماعه، بس آخر ربع في الجبل هو اللي صعب شويه لأنه عباره عن سلالم والسلمه مش صغيره يعني.
أنا شخصياً باطلعه في حوالي 3 ساعات والوقت ده متضمن أوقات الراحه طبعاً.
بس يا جماعه طلوع الجبل ده متعه من ساعة أما تركب المواصله اللي هاتوديك لحد ما تنزل من الجبل، بتمشي قي طرق جميله جداً وكمان وإنت طالع الجبل لما تعد تريح وتاكل ولا تشرب حاجه وتطفي الكشاف اللي معاك بتشوف كمية تجوم رهيبه والمنظر بيكون مهيب ورائع وبتحس إنك كاشف الدنيا كلها.
أنا شخصيا باروح سانت كاترين لما باكون في دهب، المسافه ما بين دهب وسانت كاترين حوالي ساعه ونص، بس طبعاً مش باروح سايق عشان لما تنزل من الجبل مش هاتقدر تسوق خالص عشان بتكون مطبق وبتكون تعبان جداً.
ممكن تروح سانت كاترين من أي مدينه في جنوب سيناء بسهوله، لكن أنا في رايي إنها مش هاتكون لذيذه عشان تروحها من القاهره مخصوص عشان تطلع الجبل وبس.
ممكن إن شاء الله نبقى نطلع دهب أو نويبع بعد رمضان ومنها نطلع سانت كاترين.