ارجو النصيحه

**zaher84** · 15-06-2008 12:01 PM

انا كان معروض علي عربيه و يرا 1500 موديل 10 \ 2004 و الراجل شكله مزنوق و عايز يبيعها باي شكل ... المهم جبت ميكانيكي من طرفي ( مش واثق فيه اوي من ناحية الفهم .. بس هو اللي قصادي ) قالي العربيه متلصمه و هاتتعبك و تساوي 34 بالكتير !!!! انا بصراحه مستغرب من كلامه ...( عموما العربيه رشه قوايم ) الراجل صاحب العربيه قاللي العربيه عايزه ظبط موتور بس و العربيه سعرها ممكن يوصل ل 40 او 39 .. انا كنت عايز حد يقوللي اعمل ايه و ينفع اروح عند التوكيل علشان يتمنها او يكشف عليها و ده يكون فين و بكام ...

**tutankhamoun** · 15-06-2008 12:44 PM

العربيات الويرا 1500 عربيات حلوة قوي
و طبعا ممكن تروح التوكيل علشان يقولك على حالة العربية و تقريبا التكلفة بتكون حوالي 150 جنيه مصري للكشف الشامل
إنما يسعرها .............. لاءة
لازم تشوف سعرها كام في السوق ( العربية الكويسة ) و تقارن بينه و بين دي و اللي عايز يتعمل فيها و في النهاية تقدر تقرر
و اللي ممكن يفيدك في السعر الأخ توربو و الأخ محمود حفناوي علشان هما معاهم الويرا
و ربنا يوفقك في شراء عربية كويسة

**zaher84** · 15-06-2008 01:48 PM

شكرا استاذ توت و ربنا يباركلك .. انا هاكلم هابعتلهم رسائل خاصه و يا رب يردو

**MohabSaeed** · 16-06-2008 03:19 AM

طيب ما حضرتك تزود 6 او 7 الاف جنيه وتجيب واحده فبريقه وبحاله جيده جدا او على الاقل حتبقى رشه بره بس ...... ليه تجيب حاجه ملعوب فيها .
نصيحه بلاش ..... الى لو سعرها رخيص اوى
انا مش فاهم يعنى ايه موتورها محتاج ظبط !!! ورشه قوايم ؟؟