الموضوع: طالب بكلية هندسة يريد العمل سائق خاص لمدة شهور الصيف فقط

بجد الف شكر ليكم على ردودكم اللى فيها نصيحه فعلا جميله

وعلى فكره انا برضوا اهلى بيقولى كده بيقولى (يعنى احنا نصرف عليك مصاريف جامعه بس عشر تلاف جنية فى السنه غير مصاريفك غير ان انت معاك عربيه بتاعتك وتوروح اخرتها تشتغل سواااق ) اه والله زى ما بقولكم وانا اقولهم الشغل مش عيب يقولولى بس هتتبهدل وتتهان مع العلم وانا كان عاندى 15 سنه كنت شغال it فى شركة فى السادس من اكتوبر شركة كبيرة دا بدون ذكر اسما وطبعا ماكنوش يعرفوا انى عندى 15 سنه لانهم كانوا هيطردونى انا واللى مشغلنى وكنت بقولهم انى فى جامعه مع انى كنت لسه طالع اولى ثانوى ههههههههههه والحمد لله قريبى اللى شغلنى هناك علشان هو اللى معلمنى صيانة الاجهزة و التعامل مع جميع المشاكل علشان كدا كنت ممكن مشوفوش غير بعد يومين تلاته وانا لواحدى فى الشركه والحمد لله اللى انقذنى ربنا ثم خبرتى وبعدين اشتغلت بياع فى محل حلويات بنادى الصيد وفعلا كانت اسواء ايام شوفتها فى حياتى وكان عندى كره كبيير لنادى الصيد كله بمديره باللى شغالين فيه باغلب الناس اللى مشتركه فيه مش كلهم بس اغلبهم وكان فيه واحد هناك يدخل علينا كل يوم لو مثلا مشغليين قران علشان لسه فى بداية اليوم الساعه 8 مثالا كان يدخل ويقول ( وطوا البتاع ده ) لغاية ما مره واحد زميلنا اتعصب عليه وقالوا لا مش هوطيه (راح قاله لا هتطويطيه غصب عنك وقعد بقى انتوا عملتوا ايه غير قلة الادب والوس .. خ... ة غير الناس الى لو قلتلهم صباح الخير يروحوا يشتكوك للاداره وينزلوا غرامه على الفرع غير الكلام اللى مالوش لازمه وبجد كانت اصعب ايام فى حياتى فعلا وسبتها وانا داخل على ثالثه ثانوى وانا عزمت انى اعمل اشتراك فى النادى ده ان شاء الله و انا عن نفسى مش شايف ان الشغل عيب ولكن اكيد لو فيه حاجه افضل هروحها بس انا بقول سواق لانى معايا عربيتى وكل يوم بروح الجمعه بيها غير انى سوقت عربيات كتيير الحمد لله فمتعود على السواقه جامد وربنا يسهل الاموور للجميع ان شاء الله

راجل و الله، و أنا في الكلية اشتغلت في شركة منظفات و بعد كدة اشتغلت تور ليدر في جنوب سينا عشان بعرف إيطالي و إنجليزي. هي الدنيا كدة كفاح و أكيد بتتعلم و بتكتسب حاجات كتير جداً، ربنا يوفقك - أخوك أحمد سامي

فعلا اشكر الجميع على تعاونهم الطيب معى بالاقوال والافعال وفعلا الشغل موجود بس اللى يشتغل يعنى مش واحد يلاقى شغل حتى لو مش فى نفس مهنته ويقول لا مشتغلش علشان انا المفروض اشتغل كذا لا اشتغل لغاية ما ربنا ييسر الاحوال وتلاقى الشغل اللى انت عاوزه وعلى فكره انا على اد ما مثلا كنت زهقان من نفسى ايام نادى الصيد الا انه فعلا فادنى جدا فى كيفية التعامل مع البشر باختلاف انواعهم وتفكيرهم وفعلا الشغل موجود ولكن اللى بيبقوا عاوزيين يقعدوا على مكاتب اكتر وفعلا انا بعتبر كل شغل اشتغلته وسام لانه فعلا بيعلمنى حاجات جديده انا مكنتش اعرفها ومره تانية جزاكم الله خيرا على تشجيعكم ليا اخوكم فى الله سيد

المشاركة الأصلية كتبت بواسطة هيثم المنياوى

معلش يا أخ سيد صحبى اللى كلمتهولك طلع معاه سواق
هو كان محتاج سواق من فتره لكن...هحاول تانى ورقم حضرتك معايا

يا اخى الله يكرمك وجزاك الله خيرا على تعبك معايا وبجد انت من الناس اللى ربنا اختصهم بقضاء حوائج الناس وليك ثواب كبير عند ربنا ان شاء الله وبجد مش عارف اشكرك ازاى بس مش اقدر اقول غير جزاك الله خيرا