الار بى ام عمال يطلع و ينزل

الار بى ام ساعات يفضل يطلع و ينزل و ساعات اما ادور العربيه يطلع لحد 2.5 و ينزل واحده واحده و ساعات و انا ماشى ينزل تحت الواحد بكتيير اوى لدرجة ان العربيه تبطل منى.. فلو ممكن حد يقولى العيب ده ممكن يكون ايه ؟؟ شكرا

تم عرض نفس المشكله في موضوع هنا من كام يوم و كان رد أ/ محمد ممدوح - استشاري القسم - إن العيب من حساس tps

بيحدث الكلام ده والسيارة ثابته ام وهي متحركة وهل الموتور بيعلي ويوطي معاه ام لا

اقتباس:

---

المشاركة الأصلية كتبت بواسطة tarek_2005

بيحدث الكلام ده والسيارة ثابته ام وهي متحركة وهل الموتور بيعلي ويوطي معاه ام لا

---

الار بى ام مش بيفضل يطلع و ينزل غير لما تكون العربيه واقفه خالص.. بقيت الحاجات مع الثبات و الحركه..
الموتور بيعلى و يوطى مع حركة الار بى ام..

مشكله فى الtps

طب هجرب tps تانى و اشوف ايه الوضع..
المهم ان لمبة التشيك نورت منى مره او مرتين و بعدين طفت و مبقتش تنور و المشكله بردوه موجوده

شوف ال tps وبلف الايدل وحساس السرعة لن تيخرج العيب عنهم

ده حساس بوابة البنزين كان عندى نفس العيب و الحمد لله راح و السحب رجع زى الزيرو انا جيبته جديد ب 200 جنية من دمشق

اقتباس:

---

المشاركة الأصلية كتبت بواسطة tarek_2005

شوف ال tps وبلف الايدل وحساس السرعة لن تيخرج العيب عنهم

---

طب فين مكان حساس السرعه ؟؟

اقتباس:

---

المشاركة الأصلية كتبت بواسطة midooo_119

ده حساس بوابة البنزين كان عندى نفس العيب و الحمد لله راح و السحب رجع زى الزيرو انا جيبته جديد ب 200 جنية من دمشق

---

بص هو انا معنديش مشكله فى السحب الحمد لله انا كل المشكله ان الار بى ام مش ثابت

بصوا يا جماعه.. انا غيرت الtps لاقيت المشكله زى ما هى,, قولت اغير الايدل غيرته و جيت ادور من غير ماعمل ايدل ليرن لاقيت العربيه تدور بس الار بى ام تحت الواحد بكتييير دوست بنزين علشان يرفع, رفع لحد 1.5 و نزل واحده واحده و راحت مبطله.. فكيت البطاريه و قولت اعمل ايدل ليرن عملته و وانا فى ال3دقائق اللى بدون احمال لاقيت الار بى ام رفع وبقى بعد الواحد بشرطه قولت اكمل و برده لحد دلوقتى حاسس ان الار بى ام مش مظبوط.. اعمل ايه بقى ؟؟

اعمل ايدل ليرن صح و المشكله هتبقى محلوله باذن الله

مشكلة حساس سرعة وبص علي الموضوع ده

http://www.nilemotors.net/Nile/286876-a.html

اقتباس:

---

المشاركة الأصلية كتبت بواسطة lanos_power

اعمل ايدل ليرن صح و المشكله هتبقى محلوله باذن الله

---

1000 شكر يا باشا على ردك و زوقك :)
بس انا عملت الايدل ليرن الطبيعى اعرف منين انه صح او غلط ؟؟ لو ممكن توضحلى

[quote=tarek_2005;3874321395]مشكلة حساس سرعة وبص علي الموضوع ده

http://www.nilemotors.net/nile/286876-a.html[/quot

1000 شكر يا أ.طارق :)
بس انا اللى عندى ان الار بى ام هو اللى بيعمل كده مش الكيلو متر فبرده اعمل كده ولا ايه ؟
وهل دى مشكلة الحساس نفسه ولا الفيشه ؟
معلش اخر حاجه :) هو مكانه فى الفتيس ؟

عيب حساس السرعة
1 - يلعب موشر السرعة
2 - يعلي العربية
3 - يبرجل الموتور
اي عيب من دول او كلهم مجتمعين او اثنين منهم