بشرى لكل اللى عربيته هتتخبط على الطريق

**khalid_adel** · 19-05-2012 03:10 PM

المشاركة الأصلية كتبت بواسطة eng.geo

الحمد لله
يبقي اللي انا عملته ده كان صح
معلش يا باشا الأشكال ده واطية ونفسيتهم تعبانة
حصل حاجة قريبة من كدة من أسبوع تقريبا بس انا خدت حقي
ولما حكيت لناس اللي حصل عشان كنت متعصب قالولي اني غلطان عشان نزلت لمستواه .... ماهو لو سيبنا كل واحد كدة ... يبقي المصريين هيبقوا نوعين مابيتعاملوش مع بعض

طب ياريت تقولنا عملت ايه بالظبط او تحط لينك للموضوع بتاعك

**mazher_m** · 19-05-2012 04:40 PM

انا لله وانا اليه راجعون

**S O P H O S** · 19-05-2012 04:44 PM

معلش ربنا هيعوضك خير
ان شاء الله

**mshmshm3** · 19-05-2012 04:57 PM

كدة معناها كل واحد يشيل سلاح معاه طبنجة او فرد او اليكترك و اي حد يخبطه يجب اجله بس كدة الموضوع سهل وبسيط خالص

**medasamir** · 19-05-2012 05:21 PM

ربنا حيخدلك حقك ..... الحاجات دى سلف ودين والله.... بس على فكرة مش العربيات النص نقل والتكاتك بس اللى بيعملوا كده موقف مشابه لسه حاصل معايا من 3 اسابيع عند مول العرب ف اكتوبر من عربية النترا اللى راكبها من هيئته وشكله محترم بس اخلاقه وسلوكه حظلم بتوع التكاتك والميكروباصات لو قولت زيهم ولما البيه قعد يدينى وصلت ردح من العيار التقيل على الرغم من انه هو اللى خبط فيا اخد العربية وجرى وطلعت اجرى واره لحد ما جيبتو عند بنزينة كالتكس اللى ف نفس شارع مول العرب ووقفت العربية بعرض الشارع ونزلتلوا بقفل الدركسيون لقيت طريقته اختلفت تماما فى الكلام وقاللى تمن الفانوس حدهولك ... والناس اتلمت وكده وممشتش الا لما كسرتلوا الفانوس و بوظتهولوا عشان مبقبلش عوض ... والله انا اخلاقى مش كده بس للأسف فى بعض الاحيان لما بتحاول تعامل الناس بإحترام بيكلوك.... ربنا يجيرك فى مصيبتك و اهم حاجة حمد لله على سلامتك

**mshmshm3** · 19-05-2012 05:41 PM

المشاركة الأصلية كتبت بواسطة medasamir

ربنا حيخدلك حقك ..... الحاجات دى سلف ودين والله.... بس على فكرة مش العربيات النص نقل والتكاتك بس اللى بيعملوا كده موقف مشابه لسه حاصل معايا من 3 اسابيع عند مول العرب ف اكتوبر من عربية النترا اللى راكبها من هيئته وشكله محترم بس اخلاقه وسلوكه حظلم بتوع التكاتك والميكروباصات لو قولت زيهم ولما البيه قعد يدينى وصلت ردح من العيار التقيل على الرغم من انه هو اللى خبط فيا اخد العربية وجرى وطلعت اجرى واره لحد ما جيبتو عند بنزينة كالتكس اللى ف نفس شارع مول العرب ووقفت العربية بعرض الشارع ونزلتلوا بقفل الدركسيون لقيت طريقته اختلفت تماما فى الكلام وقاللى تمن الفانوس حدهولك ... والناس اتلمت وكده وممشتش الا لما كسرتلوا الفانوس و بوظتهولوا عشان مبقبلش عوض ... والله انا اخلاقى مش كده بس للأسف فى بعض الاحيان لما بتحاول تعامل الناس بإحترام بيكلوك.... ربنا يجيرك فى مصيبتك و اهم حاجة حمد لله على سلامتك

معلش احنا شعب يمشي بالكرباج غير كدة يتعوج انت صح جدااااااا في اللي عملته وانا لو مكانك كنت كسرت دماغه

**semi** · 19-05-2012 05:59 PM

العيب مش عليه العيب على اللي بيطبق القانون
الداخلية عايزه تتهد وتتبني من جديد
لما ظابط ب3 دبابير راكب اوكتافيا جديدة لنج ومشغل التكييف وملمع البدلة
ده باشا ابن باشا هيحمي البلد ازاي
والله العظيم اتحسرت لما شوفت المنظر
طبعا شئ جميل ان يكون الناس اللي بتخاطر بحياتها بتاخد مقابل محترم
ولهم وضعهم لكن احنا مش شايفين كده ابدا

**أبو صلاح** · 19-05-2012 07:55 PM

الكلام ده بيحصل من زماااااااااااان قوي

للاسف حقك ضايع طالما مش هتعرف تاخده بايدك

مش عارف ايه المشكلة لما نكون عندنا نظام زي اللي في السعودية
شرطة قوية وليها هيبة
ونظام وقانون بيطبق بدون تهاون - لا مانع من بعض التجاوزات-
وقت لما تحصل حادثة او مجرد العربيات لمست بعض بدون اضرار لازم تثبت مكانك لحد لما الشرطة توصل في دقائق وتحدد من الغلطان وشركة التامين هي اللي تتحمل الاصلاح

كلام سهل وبسيط بس مين يعمل بيه؟

يارب ارحمنا