بشرى لكل اللى عربيته هتتخبط على الطريق

**kar!m** · 19-05-2012 08:36 PM

لا حول ولا قوة الا بالله.

قول حسبي الله و نعم الوكيل .. و فوض أمرك الى الله .. و ربنا هيقتص منه.

**grand hand** · 19-05-2012 09:04 PM

القصة دى بهديها لاى مصرى عايش بره مصر وناوى ينزل ويستقر
ربنا يرحمنا ونسلك من ام البلد دى

**egyptiandiver** · 19-05-2012 09:06 PM

حسبي الله و نعم الوكيل

**egyptiandiver** · 19-05-2012 09:06 PM

حسبي الله و نعم الوكيل

**matrix_it** · 19-05-2012 09:32 PM

المشاركة الأصلية كتبت بواسطة eng.geo

انا مش عامل موضوع
ده ال status علي ال face عشان ساعتها كان العفريت لسة قدامي ومش لاقي حد يهديني

ماشي في حالي ولقيت واحد بـ (توكتوك ) في شارع عمومي المفروض مايمشيش فيه ... بس مش ده مشكلتي
زنق عليا وعديته
شوية وجه جنبي وراح شاتم ... علي أساس اني انا اللي زنقته يعني
شئ طبيعي مني ... رديت عليه
راح تافف علي رفرف العربية وطلع يجري
كان في عربية زنقت عليا شوية
طلعت منها وجريت وراه
كان بيقفل عليا وراح مطلعلي مطوة ... قال يعني ( خد بالك انا معايا مطوة )
خبطة من ورا وجيت جنبه خبطه جامد ... لبس في الرصيف ونزل وتقريبا المطوة وقعت منه
انا في شطان قدامي ولو كنت عرفت أموته كنت موته
مسكته وقعدت عمال ألطش فيه ... هو مش ساكت بس تقريبا شارب بلاوي منيلة علي دماغ اللي خلفوه
مسحت بهدومة الزبالة اللي عملها عالعربية والناس عمالة تحوش
رحت عند الشنطة عشان هجيب الكوريك وهكمل عليه
واحد شالني رماني في العربية
قعدوا يهدوا فيا والواد عمال بيشتم وانا باغلي من جوة
مشيت وسيبته !

بس كدة
كله بيقولي اني غلطان ومش غلطان ! ... مش فاهم برضه المفروض كنت هسيبه يعني ؟!

نفسى ابقى زيك والله

**exact** · 20-05-2012 01:54 AM

حصل معايا موقف مشابه
حضرتك داخل ملف شهير فالمنصورة على السريع الملف ده للي جاي من الدولي وداخل المنصورة واللي رايح للمحلة.... المهم هو صينية كبيرة كده
البيه ابو نص نقل طلع من تحت الارض وطير لي وش العربية وطبق الأصل اللي انت عملته وعلى 120 والموتور دخل الريد زون مرتين من كتر الحرق لحد بس ما جبت نمرته

النظام انك بتعرف المنطقة اللي فيها الحادثة تبع قسم ايه وتروح تبلغ في القسم ده برقم العربية وتعمل محضر بالحادثة وتأكد عالأمين وهو بيكتبه ان يكتب في كل فقرة فالمحضر جملة (وحاولت استيقافه ولكنه فر هاربا) عشان دي تهمة تانية لوحدهاممكن لو انت معاك محامي توصلها له شروع في قتل... وبعد كده الأمين ينزل معاك يرفق بالمحضر الاساسي محضر تاني اسمه محضر معاينة ودي بيكتب فيها كل التلفيات الخارجية في العربية... ويا ريت والامين واقف تصور الخبطات وحاول يكون الامين طالع فالصورة قدر الامكان عشان تثبت ان التصوير فالمعاينة

وتدي الامين بعدها اي مبلغ جدعنه وتاخد رقم موبايله وتتابع

انا شخصيا عملت كده اللي حصل بعد كده
استعلموا عن مكان العربية وبعتوا المحضر لمركز الشرطة اللي فيه عنوان صاحب العربية ويحققوا معاه ولو جدع ميروحش وده يبقى من حظك... عشان بيتعمل له ساعتها ضبط واحضار وبيروح متكلبش للقسم

وبعد كده بتروحوا النيابة... وغالبا بيعرضوا عليكم الصلح...

اما الباشا راح في حديد... جالي من المنصورة لسمنود ولف عليا ييجي 3 ايام على ما عرف يوصل لي ومسحت باللي جايبينه الأرض ومكنش فاضل الا اني اتف في وشه ودفعته كل التكاليف ومسحت بيه الأرض

الموضوع في المتوسط بياخد له من شهر لشهرين بس عاوز منك متابعة مستمرة... وده النظام انك بتشتكي في القسم... وانت غلطان... انت حاولت توقفه مره ومعرفتش فمينفعش تجري وراه لأنه مش هيقف وممكن يخبطك تاني