الموضوع: بشرى لكل اللى عربيته هتتخبط على الطريق

على فكرة انا نمرة عربيتة محفورة فى دماغى ومن يومها طول منا ماشى بحاول الاقية فى سكتى لانى ناوى ان شاء الله لو لقيتة هعمل معاه الصح ان شالله لو طبقت العربية لانى كده كده ناوى اجدد قريب يعنى مش هتفرق معايا بس مش هسيب واحد زى ده يفلت بعملتة انا كان ممكن انسى الموضوع لو كنت لقيت حد وقف جنبى وجابلى حقى لكن للاسف الشرطة ولا ليها اى ثلاثين لازمة كفاية انه كان هيخبطنى قدام عنيهم ومعملوش حاجة وعايز اقولكوا كمان حاجة جديدة الكمين اللى وقفت عندة وحاولت اوقفة وكان هيدوسنى فيه عربيتين نجدة واحدة جيب والثانية تيجو ومرشقة عساكر والعساكر بصراحة تعاطفوا مع الموقف بس ميقدروش يتحركوا الا بأوامر

حسبى الله ونعم الوكيل

حسبي الله و نعم الوكيل

هو محدش قرا المشركة دي وللا إيه؟؟....كان في ظني انها هتعمل فرق

المشاركة الأصلية كتبت بواسطة exact

حصل معايا موقف مشابه
حضرتك داخل ملف شهير فالمنصورة على السريع الملف ده للي جاي من الدولي وداخل المنصورة واللي رايح للمحلة.... المهم هو صينية كبيرة كده
البيه ابو نص نقل طلع من تحت الارض وطير لي وش العربية وطبق الأصل اللي انت عملته وعلى 120 والموتور دخل الريد زون مرتين من كتر الحرق لحد بس ما جبت نمرته

النظام انك بتعرف المنطقة اللي فيها الحادثة تبع قسم ايه وتروح تبلغ في القسم ده برقم العربية وتعمل محضر بالحادثة وتأكد عالأمين وهو بيكتبه ان يكتب في كل فقرة فالمحضر جملة (وحاولت استيقافه ولكنه فر هاربا) عشان دي تهمة تانية لوحدهاممكن لو انت معاك محامي توصلها له شروع في قتل... وبعد كده الأمين ينزل معاك يرفق بالمحضر الاساسي محضر تاني اسمه محضر معاينة ودي بيكتب فيها كل التلفيات الخارجية في العربية... ويا ريت والامين واقف تصور الخبطات وحاول يكون الامين طالع فالصورة قدر الامكان عشان تثبت ان التصوير فالمعاينة

وتدي الامين بعدها اي مبلغ جدعنه وتاخد رقم موبايله وتتابع

انا شخصيا عملت كده اللي حصل بعد كده
استعلموا عن مكان العربية وبعتوا المحضر لمركز الشرطة اللي فيه عنوان صاحب العربية ويحققوا معاه ولو جدع ميروحش وده يبقى من حظك... عشان بيتعمل له ساعتها ضبط واحضار وبيروح متكلبش للقسم

وبعد كده بتروحوا النيابة... وغالبا بيعرضوا عليكم الصلح...

اما الباشا راح في حديد... جالي من المنصورة لسمنود ولف عليا ييجي 3 ايام على ما عرف يوصل لي ومسحت باللي جايبينه الأرض ومكنش فاضل الا اني اتف في وشه ودفعته كل التكاليف ومسحت بيه الأرض

الموضوع في المتوسط بياخد له من شهر لشهرين بس عاوز منك متابعة مستمرة... وده النظام انك بتشتكي في القسم... وانت غلطان... انت حاولت توقفه مره ومعرفتش فمينفعش تجري وراه لأنه مش هيقف وممكن يخبطك تاني

حمدالله على سلامتك.
أنا قرأت رسالتك وكلي حزن اللي الحالة اللي احنا فيها , لكن نقول ربنا يولي علينا من يصلح.
كل واحد مش بيراعي ربنا في عمله ربنا حسابه عظيم