الموضوع: بشرى لكل اللى عربيته هتتخبط على الطريق

مش هتعرف تاخد حقك

مش هتعرف تاخد حقك

مش هتعرف تاخد حقك

النهاردة وانا جاى الصبح على الشغل ماشى فى امان الله وكان فى زحمة عند الكلية الجوية بلبيس علشان شالوا الاسفلت وبيعملوه من جديد المهم جاى من شارع جانبى يطلعنى على نص الطريق اللى بيتسفلت علشان اختصر الوقت فى الزحمة وكنت ماشى يمين وده الطبيعى وجنبى عربية ربع نقل دبابة شمالى..... كسرت يمين علشان اخش الطريق راح كاسر هو كمان وصدر نفسة قدام العربية قعدت اديلة فى كلكسات ولميت وش العربية يمين على الاخر علشن ميخبطنيش ولا هو هنا راح زانق الربع الاخير من عربيتة فى الرفرف الشمال بتاعى واتحشر روحت نازل متنرفز وقعدت ازعقلة قالى ارجع انت قلتلة انت اللى داخل غلط ارجع تانى علشان متشلش الرفرف فضل مصر قولتلة انا مش راجع انا ماشى صح قالى طيب وسع الباب كده قولت هيعقل ويرجع راح قارص ومكمل راح شايلى الاكصدام من ناحية الشمال وحك الرفرف الناس اللى واقفة وبتحاول تحل الموقف معايا قالولى خد نمرتة وانا اساسا خدت النمرة من ساعة ما خبطنى المهم اتنرفزت جدا والدم طلع فى نفوخى وروحت راكب العربية وطالع وراة علشان احصلة واوقفة ووقرصت على الغيارات لدرجة انى جبت 120 فى مسافة قصيرة جدا جدا ومكنتش اعرف انى متمكن فى السواقة قوى كده وانا بخد غرز على السرعة دى حسيت انى فى فيلم اكشن ومطاردة لان السكة كانت زحمة المهم حصلتة وجيت قدام العربية وهديت علشان اوقفة قعد يخش يمين وشمال علشان يعدينى ويحاول يخبطنى تانى انا كبرت فى دماغى وقولت ان شالله العربية تدغدغ هوقفة يعنى هوقفة السكة زحمت خالص وهو قعد يخش بين العربيات علشان مشفوش ويفلت منى روحت سايبة خالص وقعدت اسلك نفسى على قد ما اقدر علشان كنت داخل على الكارتة بتاعة طريق السلام وقولت هبلغ الكمين اللى هناك يوقفة وفعلا وصلت الكارتة قبلة عديت الكارتة ووقفت يمين بسرعة وندهت على العسكرى علشان يوقفة علشان خبطنى قالى وقفة روحت رايح قدامة وحاولت اوقفة قرص بالعربية وكان هيشيلنى قولت للعسكرى شوفت كان عايز يشيلنى كمان بص العربية وتنح قولتلة انا خدت نمرة العربية بلغ بيها الكارتة الثانية علشان يوقفوة قالى النمرة كام قلتهاله قالى طيب الظابط اللى كان واقف فى شباك مكتبة بتاع الكمين قاله فى ايه قولتلة اللى حصل قالة طيب هو هيرجع علينا تانى اكيد قولتلة طيب هتعملة ايه قالى هنوقفة ونشوف رخصة قلتلة وبعدين قالى لو سليمة خلاص قولتلة نعم بقولك خبط العربية وكان هيشيلنى وتقولى هشوف رخصة لسه بيقولى مقدرش اعمل غير كده قولتلة شكرا وروحت ماشى اتصلت بالنجدة على التيلفون وقولتة اللى حصل قعد يضيع 5 دقايق فى وصف الطريق اللى اتخبطت عليه وفى الاخر قالى هنبعتلك عربية نجدة قولتلة بقولك خبطنى وجرى وانا حصلتة عند الكارتة تقولى هبعتلك عربية نجدة قالى طيب هبلغ القسم اللى تابع للمنطقة اللى انت اتخبطت فيها قولتلة شكرا وطلعت على نقطة مرور دائمة فى العبور على نفس الطريق الظابط قاعد وحاطيين القراطيس وبيوقفوا فى العربيات دخلت عليه قولتلة اللى حصل قعد يقولى طيب اوصاف العربية ايه ولونها ايه قولت فى نفسى ابشر هاخد حقى اخيرا قالى انا بصراحة مقدرش اعملة مخالفة وانا مشوفتش حاجة قولتلة اقسم بالله هو ده اللى حصل والعربية مخبوطة قدامك اهى قالى روح بلغ فى المركز خبطت كف على كف وقولت لا حول ولا قوة الا بالله وحسبى الله ونعم الوكيل وروحت الشغل عندنا مدير الشركة كان لواء فى الشرطة قولتلة القسم فين علشان اروح ابلغ قالى اولا انت غلطان انك جريت وراة كان ممكن تضيع نفسك والعربية لان النوعية دى بهايم قولتلة حرام اتخبط ومعرفش اخد حقى ده كده تبقى البلد باظت خالص قالى انا ليا عقيد زميلى اتسرقت من قدام بيتة واطلب فيها 10000 جنية وراح بلغ فى القسم زميلة فى القسم اللى بيبلغ عندة قاله ادفع الفلوس احسن ورجعها وانت عايز تروح تبلغ فى خبطة على الطريق والعربية اللى خبطتك جريت قالى مش هيتعملك حاجة انا بقعد مع زمايلى الظباط مش عايزين يشتغلوا ومحدش هيفيدك بحاجة ولو حتى رجعت استشهدت بالعسكرى اللى شاف العربية وهى هتخبطك هيقولك مشوفتش حاجة شوفتوا وصلنا لايه مفيش فى ايديا الا انى اقول لا حول ولا قوة الا بالله هو الناصر اكيد وهو اللى هيجبلى حقى من السواق ده وهيقتصلى منه