الحل النهائي لتوكيل فولكس

**adelmagdy** · 15-06-2008 12:33 PM

طبعا انتو عارفين توكيل فولكس عامل ازاي يكفي اقولكم ان واحد صاحبي معاه جيتا كاملة لما بيقوللي تعالي نروح التوكيل ببقي عارف اننا حنروح ونرجع بلليل لطول الانتظار والمعاملة الباردة المهم انو عمل حادثة من كام شهر ووداها التوكيل المهم العربية قعدت اكتر من ثلاث اشهر علشان معندهمش الفوانيس اللي بزينون والاكصدام ابو رشاشات المهم انو من اسبوع عمل حادثة في صلاح سالم العربية جابت كابوت ورفرف واكصدام وفانوس يمين طبعا هو عارف لو راح التوكيل العربية حتعد كتير المهم قال يروح وامره لله المهم كالعادة قالولو حتستني لغاية شهر 9 علشان التوكيل محجوز لغاية 9 المهم قعد يحاول قالولو ممكن تروح فرع اسكندرية قال يجرب المهم هو راح بيقوللي التوكيييل فاضيييييييييييييييييييييي ي خالص والمهندس قاللو العربية تخلص في اسبوعين فانا قولت اقولوكوا عشان الي يحب يجرب توكيل اسكندرية

**mohamed ibiza** · 15-06-2008 09:13 PM

والله هي فكرة بس برضه مش اد كده يعني الواحد لو عربيته عطلانة خالص يجيب ونش و يقطرها لاسكندرية و يدفع تمن القطر ما لا يقل عن 250 جنيه و بعدها تروح اسكندرية و يرجع القاهرة تاني و بعدها بأسبوعين يروح اسكندرية تاني و يمكن تكون مخلصتش لا ده كتير اوي هو الحل النهائي فعلا يا اما فولكس المانيا تنتبه لتوكيلها او يغيروه عشان نخلص

**Ahmad Allawy** · 15-06-2008 11:44 PM

انا مش شايفه حل عملي قوي..
يعني في حالات وحالات..
يعني لو في الصيانات و الكلام ده.. ماشي مش مشكلة..
واهي بالمكرة فسحة و تجربة للعربية قبل و بعد الصيانة..
لكن لا قدر الله في الاصلاحات و الحوادث.. الموضوع صعب شوية..
الحل فعلا علي رأي حمادة حبيب هارتي,.. ان التوكيل يتفتح ليه بدل الفرع 2 و تلاتة في القاهرة عشان الزحام ده..
عشان كده مبقتش عربية اعتمادية..
متنفعش تبقي عربية البيت الوحيدة..
وده عيب قوي لما يحصل مع ماركة زي فولكس..

**معاذ الشرباصى** · 15-06-2008 11:48 PM

هما هيفتحوا فى ابو رواش قريب (ده على كلامهم)

بس على فكرة فى حالة الحوادث, احسن لك تروح اسكندرية و تريح دماغك

هنا الضغط جامد جدا, و ساعات بيكروتوا

اما فى الصيانة فمش هتفرق انك تعملها هنا

هما عندهم العمال محترفين جدا فى الصيانة, و فاهمين العربيات كويس جدا

**zozobozo** · 16-06-2008 12:13 AM

ممكن اعرف من فضلكم مكان الفرع فى اسكندرية؟؟؟؟

**Mostafa Taher** · 16-06-2008 05:44 AM

يا عم رووووح لمحمد سميير احسن

**iBiZa** · 16-06-2008 08:50 AM

المشاركة الأصلية كتبت بواسطة mohamed ibiza

الواحد لو عربيته عطلانة خالص يجيب ونش و يقطرها لاسكندرية و يدفع تمن القطر ما لا يقل عن 250 جني

250 جنية اية يا باشا, دانا واحد صاحبى عربيتة عطلت فى صلاح سالم و كان عايز ونش يودية للحرفيين ما فيش حد اتكلم فى اقل من 100 جنية.

روح لمحمد سمير احسن

**Ahmad Allawy** · 16-06-2008 09:08 AM

يا جماعه..
انتو بتهرجوا..؟؟
يبقي الواحد جايب عربية دافع فيها علي الاقل 180 الف جنيه..
و يروح يعمل الصيانات بتاعتها برة في الحرفيين ولا عند اي حد..؟؟
انا مش معترض علي محمد سمير او محمد عبيد.. معنديش اي كلام عليهم..
اي نعم ناس كويسين و محترفين علي عيني و راسي
بس انت دافع تمن عربية جديدة بضمان.. عشان تستفيد بالضمان ده و الصيانات في التوكيل..
مش بترمي فلوس في الشارع..

**Mostafa Taher** · 16-06-2008 01:00 PM

المشاركة الأصلية كتبت بواسطة Ahmad Allawy

يا جماعه..
انتو بتهرجوا..؟؟
يبقي الواحد جايب عربية دافع فيها علي الاقل 180 الف جنيه..
و يروح يعمل الصيانات بتاعتها برة في الحرفيين ولا عند اي حد..؟؟
انا مش معترض علي محمد سمير او محمد عبيد.. معنديش اي كلام عليهم..
اي نعم ناس كويسين و محترفين علي عيني و راسي
بس انت دافع تمن عربية جديدة بضمان.. عشان تستفيد بالضمان ده و الصيانات في التوكيل..
مش بترمي فلوس في الشارع..

يبقى استنى 3 شهور جنب العربية في التوكيل يا صاحبى :)

**mohamed ibiza** · 16-06-2008 06:42 PM

المشاركة الأصلية كتبت بواسطة iBiZa

250 جنية اية يا باشا, دانا واحد صاحبى عربيتة عطلت فى صلاح سالم و كان عايز ونش يودية للحرفيين ما فيش حد اتكلم فى اقل من 100 جنية.

روح لمحمد سمير احسن

شفت بقي انا راجل طيب ازاي :):):) اكيد هتبقي اكتر

الموضوع: الحل النهائي لتوكيل فولكس

LinkBack

أدوات الموضوع

عرض

الحل النهائي لتوكيل فولكس - انشر الموضوع فى :

-

-

-

-

-

-

المواضيع المتشابهه

قطع الغيار و غلوها فى التوكيل و الحل النهائي

الحل النهائي لمنع المرور عكس الاتجاه

الحل النهائي لسخونة الفليشيا

مرايه الماروتي و الحل النهائي

الحل النهائي لفيرس الاوتورن

الكلمات الدلالية لهذا الموضوع

المفضلات

المفضلات

ضوابط المشاركة