بصراحة الواحد ندم انة اشترى السيراتو
اخويا ادانى الاكسنت ار بى اجربها بصراحة عربية تحفة ... فى السيراتو حاسس انى راكب شاهين من نشوفية العفشة اما الاكسنت اربى نعمة جدا وسلسة وبتستجيب بسرعة .
عرض للطباعة
بصراحة الواحد ندم انة اشترى السيراتو
اخويا ادانى الاكسنت ار بى اجربها بصراحة عربية تحفة ... فى السيراتو حاسس انى راكب شاهين من نشوفية العفشة اما الاكسنت اربى نعمة جدا وسلسة وبتستجيب بسرعة .
طيب هى المشكله فى العفشه والسحب بس ولا فى ايه تانى ؟
وبعدين المقارنه بين السيراتو والاربى فى العفشه ماتنفعش الاربى جنوط 14 وكاوتش 175/70
السيراتو اللى يتقال عليها ناشفه الجنط 17 وممكن ال 16 , ال 15 كويسه
وموضوع السحب لان العربيتين نفس الموتور بس السيراتو اتقل وكاوتش اعرض
انا شايف الموضوع بسيط مش لدرجة انك تندم وكيا خسرت الرهان وبتاع , انت ممكن تكون زهقت من العربيه
بالاضافة انك بتقارن جيل جديد بجيل قديم .. اومال لو ركبت الريو الجديدة الهايلاين ؟؟ انا كرهت الالنترا ياراجل بسببها و سبب شكلها lol :)
هي السيراتو الصراحة من ناحية النشوفية فهي تتفوق على أي عربية تانية بجدارة.. عربية ناشفة ناشفة يعني و الموضوع ملهوش علاقة بالجنوط خالص لأن الألماني مثلاً بينزل بجنوط 17 و 18 و ممكن 19 كمان و مبيبقاش فيه موضوع النشوفية بالمنظر ده خالص..
شوف انا هقول لك الاسباب الصحيحة
اولاً كلام الاستاذ حسام صح انت دلوقتي بتتكلم عن عربية الجنوط بتاعتها 17 وكلنا عارفين ده بيتقل العربية "لكن مش بالشكل اللي هو حضرتك بتقول عليه بينشفها ايوه ولكن شويه" الاكسنت ار بي خفيفة جداً لدرجة انها لو مشيت فوق الـ120 او 130 بحس انها بتطير وبتتحرك يمين وشمال لو مكنتش محترف خلاص العربية هتطير منك
الحاجة التانية انت بتتكلم عن فرق جيل تاني بجيل ثالث تعال عندك عربيات السنة دي الريو والاكسنت وكل دول اسمهم جيل تالت قارنهم ببعض متقارنش 2010 بجيل تالت
صدقني اذا ركبت الريو 2012 هاي لاين وركبت الاكسنت هتقول الريو دي اودي ولكن مركبين شعار الكيا عليه "الريو جنوط 15 لعلمك"
بيعها ومتذعلش نفسك وهات اللى نفسك فية
بلاش البيع هو لازم يشوف ايه مميزات الي معاه الاول قبل السلبيات
علشان الاكسنت اكيد بردوا فيها عيوب ..
مجرد راي
هو أنا ممكن أعرف حضرتك متضايق من ايه
انا متهيألي حضرتك كانت معاك عربيه طريه و بعتها و جبت السيراتو
فعشان كده ناشفه
أنا كان معايا مازدا و فيرنا
و الاتنين كانت عفشتهم طريه جداً
اول ما جبنا السيراتو كنت متضايق
بس مع الوقت اتعودت علي العفشه
و بقيت بالعكس بحب العفشه الناشفه عن الطريه تخيل
فهو الموضوع تعود مش اكتر
حتى لو كانت فى سلبية اواتين قصاد ايجابيات كتير فده الطبيعى
مفيش عربية كاملة فى مصر