الموضوع: مقارنة فيرنا - النترا 2010 - النترا 2012 - صني - تيدا - التو

تقرير رائع ومميز ونقد فى محله 100% ..

المشاركة الأصلية كتبت بواسطة axel

ثالثا : هيونداي النترا 2012

جينا للوحش الجديد اللي صدمني ع عكس ما كنت متوقع و تجربتي لا تعتبر تجربة لكن ان شاء الله فيه تجربة تانية ليها قريب ع السريع
لكن العربية كشكل طبعا من وجهة نظري يتفوق ع سابقه بمراحل ثورة في التصميم
و لكن للأسف الشكل و الايرودينامك و الحوض جيه ع حساب الوسع الداخلي
و كذلك السقف لو واحد طويل او معلي الكرسي ع الاخر مع اي نقرة جامدة شوية او مطب هيخبط في السقف كانت محتاجة ان الحوض يصغر شوية و السقف يترفع شوية و التابلوه يتسحب لقدام كانت هتظبط الوسع في الطول اما في العرض فتحس انها كنزة
الشكل الداخلي ما شاء الله اول ما تقعد تحس بالفخامة لكن للأسف اجزاء الخامات تحس انها تعبانة شوية ده اللي شوفته بليل طبعا اما نشوف بالنهار :)
الباور طبعا كهربا لا كلام و هيتم تجربته ان شاء الله ع السرعات
الفتيس تقيل في نقلاته شوية
ابعاد العربية للأسف متقدرش تشوفها و صعبة في الركن و انك تمشي بيها وسط العربيات يعني ممكن تاخد وقت شوية من الناس في حفظ الابعاد لكن شايف ان العربية طريقها الامثل هو الدائري و السفر
طبعا ده انطباعي المبدأي عنها و لسه ان شاء الله التجربة ع السرعات هتبين اداء الفرامل و الباور و الثبات
لكن عامة مش ده اللي كان متوقع من هيونداي بخصوص الوسع و الخامات اما باقي العربية ما شاء الله حلوة بس محتاجة ان سعرها يتخفض شوية

بس اسمحلى ازود من الشعر بيت فى المقلب اللى اسمه هيونداى الانترا 2012 اللى حرام يتدفع فيها 90 الف مش 145 الف جنيه بحالهم والناس هاتموت نفسها عليها وده من خلال تجربتى ليها كعربية ايجار والعداد كان 24500 كم

1. المساحة الداخلية الامامية سيئة جداااااااااااااااااا (طولى 185 سم) وكنت منزل الكرسى للاخر كارتفاع ومرجعه للاخر ومريح المسند كمان وقاعد مش مرتاح خالص
2. توزيع فتحات التكييف سيىء جداااااااا خاصة فى المنتصف .. اخرها تهوى ركبتك اليمين وركبة اللى راكب جنبك الشمال وكمان مش بتتقفل زى الجوانب والتكييف ادائه ضعيف بالنسبة لى كواحد نيساناوى (كنت مشغله على 2 وmax a/c) ودرجة الحرارة الخارجية 35 ومش عامل اى حاجة وعقبال ما يقول اكون وصلت مشوارى ونزلت
3. الحق يتقال التسارع جيد جداااااااا خاصة مع الفتيس الاتوماتيك ال6 سرعات سواء ستيبترونيك او d
4. الباور الكهرباء .. سيىء لدرجة لا تشعرك بالامان تماما لا فى السرعات المنخفضة او العالية ولما تاخد يوترن تلاقيه مش بيرجع لوحده وكمان تعويم للصبح على اى سرعة وعدم دقة فى التوجيه !!!
5. ابعاد العربية .. صعبة على اى واحد انه ياخد عليها بسرعة لأنها منفخة من برة وضيقة من جوة والادهى ان القوايم الامامية عاملة نقط عامية كبيرة وانت سايق وداخل على تقاطعات او بتاخد ملفات بتبقى داخل على عماك وانت ونصيبك بقى وكمان المرايات رؤيتها سيئة بالنسبة للركن
6. التصميم الداخلى .. العدادات جيدة مع الاضاءة لكن التابلوه وجودة الخامات وتوزيع الازرار بحاجة لاعادة النظر خاصة ازرار تحكم الزجاج فى باب السائق (مكانها سيىء جدااااااااا)

من الاخر .. العربية دى مقلب كبير وتقليد فاشل للهوندا سيفيك وبصراحة كده السيراتو اللى ليها نفس الشاسيه واغلب المكونات اريح منها فى سواقتها.