الموضوع: مقارنة فيرنا - النترا 2010 - النترا 2012 - صني - تيدا - التو

المشاركة الأصلية كتبت بواسطة y2y1500

تقرير رائع ومميز ونقد فى محله 100% ..


بس اسمحلى ازود من الشعر بيت فى المقلب اللى اسمه هيونداى الانترا 2012 اللى حرام يتدفع فيها 90 الف مش 145 الف جنيه بحالهم والناس هاتموت نفسها عليها وده من خلال تجربتى ليها كعربية ايجار والعداد كان 24500 كم

1. المساحة الداخلية الامامية سيئة جداااااااااااااااااا (طولى 185 سم) وكنت منزل الكرسى للاخر كارتفاع ومرجعه للاخر ومريح المسند كمان وقاعد مش مرتاح خالص
2. توزيع فتحات التكييف سيىء جداااااااا خاصة فى المنتصف .. اخرها تهوى ركبتك اليمين وركبة اللى راكب جنبك الشمال وكمان مش بتتقفل زى الجوانب والتكييف ادائه ضعيف بالنسبة لى كواحد نيساناوى (كنت مشغله على 2 وmax a/c) ودرجة الحرارة الخارجية 35 ومش عامل اى حاجة وعقبال ما يقول اكون وصلت مشوارى ونزلت
3. الحق يتقال التسارع جيد جداااااااا خاصة مع الفتيس الاتوماتيك ال6 سرعات سواء ستيبترونيك او d
4. الباور الكهرباء .. سيىء لدرجة لا تشعرك بالامان تماما لا فى السرعات المنخفضة او العالية ولما تاخد يوترن تلاقيه مش بيرجع لوحده وكمان تعويم للصبح على اى سرعة وعدم دقة فى التوجيه !!!
5. ابعاد العربية .. صعبة على اى واحد انه ياخد عليها بسرعة لأنها منفخة من برة وضيقة من جوة والادهى ان القوايم الامامية عاملة نقط عامية كبيرة وانت سايق وداخل على تقاطعات او بتاخد ملفات بتبقى داخل على عماك وانت ونصيبك بقى وكمان المرايات رؤيتها سيئة بالنسبة للركن
6. التصميم الداخلى .. العدادات جيدة مع الاضاءة لكن التابلوه وجودة الخامات وتوزيع الازرار بحاجة لاعادة النظر خاصة ازرار تحكم الزجاج فى باب السائق (مكانها سيىء جدااااااااا)

من الاخر .. العربية دى مقلب كبير وتقليد فاشل للهوندا سيفيك وبصراحة كده السيراتو اللى ليها نفس الشاسيه واغلب المكونات اريح منها فى سواقتها.

متشكر يا باشا للاضافة الرائعة في التقيييم انا الحقيقة لسه مجربتهاش سرعات لكن فعلا زي ما اوضح التقرير اننا نتفق في عدة نقاط
خاصة موضوع السعر يعني العربية فعلا وجهة نظري سعرها مبالغ فيه
نورت يا باشا :)