مقارنة فيرنا - النترا 2010 - النترا 2012 - صني - تيدا - التو
بسم الله الرحمن الرحيم
السلام عليكم و رحمة الله و بركاته
طبعا اللي مجاش مقابلة نيسان فاتوا كتييير و قليل و طويل و عريض و مش هتكلم اكتر من كده و هسيب الباقي للباشا احمد مصطفي ينزل تقرير المقابلة في قسم نيسان
و طبعا بشكر احمد مصطفي ( Ahmed.tv ) ع دعوته ليا
و بشكر الحج \ احمد مشعل صاحب جينز كار Jeans Car ع استضافته لينا و ما قدمه
بصراحة الراجل خلص فيه الكلام من اللي بيعمله معانا
لكن اللي أحب أقوله اني مفيش عربية في المقابلة اتعتقت او طلعت من تحت ايدي الا للأسف القشقاي هربت قبل ما اعملها التست درايف الخاص بأكسل
و للأسف تم الاتفاق ع تخبئة مفاتيح جميع السيارات في المقابلات القادمة التي تحتوي ع هذا الشخص الذي يسمي أكسل هههههههههه
اقدملكم تقرير تجربة هذه السيارات التي تألقت بوجود مالكيها في المقابلة و لو سمحت محدش ينسي السوزوكي التو مش كفاية ان احمد مصطفي كان خاطفني عشان يخليني قاعد زي القزم وسط العمالقة ههههههه المهم العربيات هي
هيونداي فيرنا مانيوال - هيونداي النترا 2010 - هيونداي النترا 2012 - نيسان صني - نيسان تيدا
و للأسف عدت من تحت ايدي القشقاي و كنت هعوضها في متسوبيشي لانسر 1300 بس يلا ملهاش نصيب بقي تدوق العذاب ههههههههههه - سوزوكي التو 2008 مش عايزين حقد بقي
[gdwl]
و لكن قبل اي شئ أحب اقولكم ان ده انطباعي المبدأي عن بعض العربيات و ليس النهائي و التجربة تمت في شارع الطيران بليل [/gdwl]
أولا : الهيونداي فيرنا
http://t2.gstatic.com/images?q=tbn:A..._cAZRTUIgn-KOA
طبعا الفيرنا او كما اطلق عليها فوفا ( بتشديد الفاء ) كما عودتنا دائما و ابدا ع سحبها ما شاء الله تبقي عايز تطير بيها و كنت عايز اتهور بس مرضتش احسن أشرف يرميني من الشباك ههههههه كفاية انل ما محمد عفيفي ركب انا قلبي نط ف الشارع و طالع من الشباك بقول الحقوني انا خاطفهم عايز ارجع المحل دلوقتي حالا نزلوني طيب و انا ارجع مشي ههههههههههه
الفتيس مانيوال الي حدا ما تقيل و زي عضة في النقلة
الفرامل ادائها ضعيف لو هنكلم في واحد مقضيها فورميلا انما لو واحد سواقته عادية و ملوش في الشد تبقي تمام التمام معاه
لكن الفرامل و الفتيس و اي حاجة تانية فيها ليها حل و يمكن التغلب عليها بكل سهولة بس محتاجة شوية حركات و هي تبقي تمام التمام
و طبعا نتمني ان هيونداي تنزل اي حركات جديدة في الشكل الخارجي
لكن بشكل عام العربية ما شاء الله حلوة و اللي فيها ده كل زي مقولت يمكن التغلب عليه
ثانيا : هيونداي النترا 2010
http://t1.gstatic.com/images?q=tbn:A...Xu8qh4ANXwXr4A
جينا للعملاقة النترا2010 او كما أطلق عليها تنتورة ( حبيبي يا حودة هههههه احنا جيران اه بس متستغلش ده و تيجي تضربني عشان تنتورة ههههههههههه )
العربية من اول ما تقعد فيها ما شاء الله تحس بالوسع بس هو يغير بس الفرش الجلد بجلد في قماش او يزيت الجلد و هي تظبط معاه عشان كل ما الواحد يتحرك تزييق هههههههههههههههه
العزل كويس
كسحب العربية كويسة لكن للأسف كانت محتاجة موتور اكبر شوية هيخليها طيارة لكن نعمل ايه مفيش اكتر من 1600 هنا
العفشة كما تعودت في الالنترا انها ناعمة لكن لما ركبتها امبارح لقيتها ناشفة شوية لكن اعتقد ده بسبب نوعية الكاوتش اللي راكبة او يمكن محتاجة تربيط عفشة الله اعلم
الفرامل ادائها ما شاء الله بالنسبة لحجم العربية و بلاش فضايح في الحتة ديه كنت هفتكر الفرامل دبرياج في نقطة ما يلا ما علينا ههههههههههه
الفتيس الاوتو ناعم في نقلاته
الباور كويس
الثبات ما شاء الله كويس
ثالثا : هيونداي النترا 2012
http://t3.gstatic.com/images?q=tbn:A...2uTY55O-0WObIi
جينا للوحش الجديد اللي صدمني ع عكس ما كنت متوقع و تجربتي لا تعتبر تجربة لكن ان شاء الله فيه تجربة تانية ليها قريب ع السريع
لكن العربية كشكل طبعا من وجهة نظري يتفوق ع سابقه بمراحل ثورة في التصميم
و لكن للأسف الشكل و الايرودينامك و الحوض جيه ع حساب الوسع الداخلي
و كذلك السقف لو واحد طويل او معلي الكرسي ع الاخر مع اي نقرة جامدة شوية او مطب هيخبط في السقف كانت محتاجة ان الحوض يصغر شوية و السقف يترفع شوية و التابلوه يتسحب لقدام كانت هتظبط الوسع في الطول اما في العرض فتحس انها كنزة
الشكل الداخلي ما شاء الله اول ما تقعد تحس بالفخامة لكن للأسف اجزاء الخامات تحس انها تعبانة شوية ده اللي شوفته بليل طبعا اما نشوف بالنهار :)
الباور طبعا كهربا لا كلام و هيتم تجربته ان شاء الله ع السرعات
الفتيس تقيل في نقلاته شوية
ابعاد العربية للأسف متقدرش تشوفها و صعبة في الركن و انك تمشي بيها وسط العربيات يعني ممكن تاخد وقت شوية من الناس في حفظ الابعاد لكن شايف ان العربية طريقها الامثل هو الدائري و السفر
طبعا ده انطباعي المبدأي عنها و لسه ان شاء الله التجربة ع السرعات هتبين اداء الفرامل و الباور و الثبات
لكن عامة مش ده اللي كان متوقع من هيونداي بخصوص الوسع و الخامات اما باقي العربية ما شاء الله حلوة بس محتاجة ان سعرها يتخفض شوية
رابعا :نيسان صني
http://t3.gstatic.com/images?q=tbn:A...hi13M-zobkg37g
جينا للشهيرة نيسان صني او كما احب ان اطلق عليها النيسان صوني او صاوصاو ههههههههه
عربية ميختلفش عليها اتنين
العربية كاداء في السحب ما شاء الله كويس
فتيس كويس
الفرامل ما شاء الله تكة بتكلبش
العزل ما شاء الله كويس و صوت الموتور مش كراكة زي ما فيه ناس قالت و طبعا كان محطوط ليكوي مولي و الاستاذ كان قاعد جنبي بيقنعني بيه بس انا عامل عبيط هههههههههه
من الاخر العربية كلها مفيهاش كلام لكن الكلام ممكن يكون في الشكل الكلاسيكي او العائلي اكتر من اللازم و كنا نتمني الـ2012 تكسر الموضوع ده لكن للأسف صدمتنا زيادة بعربية اعتبرها هجين من التويوتا ياريس و الهيونداي اكسنت الجديدة
لكن لاحظت فيها حدفة او حاجة مش مظبوطة في الدريكسيون في رجوعه مش عارف السبب ايه
خامسا : نيسان تيدا
http://t1.gstatic.com/images?q=tbn:A...AD102DVVOZ6H2M
وصلنا لتيدا او كما اطلق عليها أيضا تودو بس مش بالشيكولاتة ههههههههه شكلي هضرب انهاردة من احمد مصطفي
التيدا طبعا من اول ما تقعد فيها مش محتاجة كلام بالرغم ان الشكل الخارجي مش عاجبني الي حدا ما تحديدا الشنطة لكن العربية من جوة ما شاء الله حاجة تانية لكن وسعها واخد طول اكتر من عرض يعني هي كنزة شوية لكن وسعها في الطول
العزل ما شاء الله مفيش كلام مش هتحس انك شغلت الموتور الا لما تركز
العربية اخف من الصني في الوزن و سحبها ما شاء الله كويس
الباور رائع
الفرامل ما شاء الله كويسة جدااا تفكرك بالماروتي او الـ128 موديل 75 اللي مش نازلة ع سيرفو هههههههههههه انا بهزر ع فكرة احسن احمد يجي يرميني من فوق كوبري قصر النيل
الفتيس نقلاته ناعمة
العفشة ما شاء الله ناعمة جداااا
الغريب بقي اني عمال احاول اظبط المراية بايدي مش عايزة تتظبط و احمد مصطفي جاله جنان امبارح مني و عمال يزعق في وسط الشارع
يا عم ديه اوتوماتيك يا عم ديه كهربا يخربيتك المرايات بتتظبط من جوة يا عم العربية هو انت فاكرها ماروتي و لا التو
و انا و محمود عفيفي ميتين ع نفسنا من الضحك و هو كل ده فاكرني بحاول فعلا اظبطها من برة
عامة العربية ما شاء الله تستاهل الا اني مازال عندي تحفظ من شكلها الخارجي اما موضوع انها كنزة اعتقد ان دلوقتي المفروض اي عربية تنزل تكون كنزة الشوارع مبقتش مستحملة اساسا
سادسا : سوزوكي التو
http://t1.gstatic.com/images?q=tbn:A...1JCVG1SVlfUD9A
رجعنا لقواعدنا تاني و جينا للعمالقة عشان متزعلش سيارتي العزيزة التو او كما اسميها بعد تعديل الاسم من زقزوقة الي لولو عشان متزعلش
طبعا الموضوع ده هو اللي هيقول كل حاجة
http://www.nilemotors.net/Nile/224984-a.html
لكن احب اضيف انها ارحم في الركن من كل اللي فات و هي اللي بتسلك زي التكاتك وسط العربية هههههههههه
يعني كنت يعتبر راكنها في وسط الشارع امبارح و العربيات بتعدي براحتها ههههههههههه
و كان هيحصل مناظرة بين النيسان و السوزوكي لكن هربوا منها لأن اللي عندي خلي السوزوكي تتفوق ع النيسان هههههههههههه
و اخيرا و ليس اخرا زي مقولت ده انطباعي المبدأي عن بعض العربيات زي النترا 2012 و تيدا و صني
و يا خسارة القشقاي اللي فاتت من ايدي
و انتظروا ان شاء الله الجزء التاني للتجربة الخاصة بأكسل للعربيات المرة الجاية
بس هتكون في كل حاجة من اول ما تركب العربية لحد اداء الاضاءة
نصيحة لو حد عرف اني جي اي مقابلة يخبي مفاتيح عربيته لأني مش هعتقها هههههههههههههه
:8941[1]:
بالمناسبة كريم باشا منير حظه انه فلت بالتويوتا قبل ما تنال نصيبها مني هههههههههههههه