الموضوع: محتاج سارينة بتاعة نقل

كلكس النقل أو سارينة النقل بتبقي ضغط هواء مش هتنفع عندك
وبرده سرينة الشرطة عشان تعمل ايلي مطلوب منها مش هتقل عن 1000 جنية
يبقي حضرتك تريح دماغك و تركب فردتين كلكس بس بتوع نيسان صني أصلي هاتهم من التوكيل
بس استحمل صوتهم

اسمها سارينة هوا وفيه منها 12 فولت بس مش هتبقى رخيصة واعمل حسابك تفكها قبل الفحص لأنها ممنوع تركيبها في غير النقل التقيل وممكن تتخالف عليها

حضرتك انا كان عندي مشكلة مشابهة... رحت لواحد بتاع نص نقل استيراد استري منه جوز كلاكس مستعمل هيعملوا في حدود 50 جنيه بالكتير... انا شاري جوز محفور عليهم لوجو نيسان بس اهم حاجة ان الكلاكس بالكامل يكون معدن ومفيهوش بلاستيك... وانت بتركبه خللي بالك ان الدراع المعدن اللي الكلاكس متعلق منه لازم يكون حر ومفيش اي حاجة لازقة فيه او فالكلاكس لأن ده بيكتم الصوت جامد جدا

فيه كلاكسات للنقل بتبقى راكب لها (رق) وحجمها ضخم جدا بس صوتها مزعج جدا وحجمها كبير وصوته زي الميكروباص



وفيه كلاكسات زيرو نوعيات كويسة حاجة اسمها ( فيام) وفيه نوع ياباني اسمه اليفانت في حدود 100

من اهم الملاحظات ان الكلاكس عشان يدي نغمته صح غير التركيب المظبوط انه يكون الجوز مختلفين في الدرجة الصوتية بيبقى فيه واحد هاي High وواحد Low وبيبقى مكتوب عليه حرف (اتش) وحرف (إل)