هل يوجد باور ستيــرينج فى اللوجان 2012 ولا لأ

**mxz911** · 19-05-2012 03:58 PM

السلام عليكم

سؤال حيرنى عشان واحد معايه فى الشغل قالى انه هيحجز رينو لوجان 2012 وكده وقلتله انى دايما بسوق ال 2010 ونبهته ان مفهاش باور .. قالى لا دى نازله فول باور .. انا خايف يكون بيبالغ خصوصا انه مش متعود على اللوجان وانا متعود على عربيه صاحبى اللوجان هيه 2010 وكل ما اسوقها واسوق النوبيرا اللى معايه بحس بفرق شديد جدا فى ال باور لصالح النوبيرا

هل حقيقى الكلام ده ؟

**halem0000** · 19-05-2012 04:29 PM

شوف حضرتك اللوجان فيها باور طبعا بس تقيل شويه وبعدين ممكن تكون العربيه إللي ركبتها تكون من غير كماليات يعني نازله من غير باور وبعدين عشان تعرف فيه باور ولا لأ؟ حط المفتاح في العربيه من غير ماتلف المفتاح ولف الطاره وبعد كده دور العربيه ولف الطاره هتلاقي فرق شاسع

**KARIMELDIN** · 19-05-2012 04:29 PM

المشاركة الأصلية كتبت بواسطة mxz911

السلام عليكم

سؤال حيرنى عشان واحد معايه فى الشغل قالى انه هيحجز رينو لوجان 2012 وكده وقلتله انى دايما بسوق ال 2010 ونبهته ان مفهاش باور .. قالى لا دى نازله فول باور .. انا خايف يكون بيبالغ خصوصا انه مش متعود على اللوجان وانا متعود على عربيه صاحبى اللوجان هيه 2010 وكل ما اسوقها واسوق النوبيرا اللى معايه بحس بفرق شديد جدا فى ال باور لصالح النوبيرا

هل حقيقى الكلام ده ؟

باور اللوجان والسانديرو اثقل بكتير من الدايو والهيونداى بصراحة تحس انها هاف باور

**akram87** · 19-05-2012 07:16 PM

يا ريت اللي شايف باور اللوجان تقيل يجرب باور نيسان صني بس التقفيل المصري 2012 مثلا حيلاقيه زيه .......باور الكوري مفيش اخف منه بس بعد كده حتعرف إن ده عيب مش ميزه وشكرااااااااا

**ahmad--ezzat** · 19-05-2012 07:20 PM

النيسان الجنط فيها 15 عشان كده تحس انه تقيل شويه,,,

**mody3on** · 19-05-2012 07:30 PM

المشاركة الأصلية كتبت بواسطة akram87

يا ريت اللي شايف باور اللوجان تقيل يجرب باور نيسان صني بس التقفيل المصري 2012 مثلا حيلاقيه زيه .......باور الكوري مفيش اخف منه بس بعد كده حتعرف إن ده عيب مش ميزه وشكرااااااااا

عيب ازاي يعني ؟
على فكرة كل الاوروبي الجديد باور كهرباء :)

**mxz911** · 20-05-2012 06:39 AM

المشاركة الأصلية كتبت بواسطة halem0000

شوف حضرتك اللوجان فيها باور طبعا بس تقيل شويه وبعدين ممكن تكون العربيه إللي ركبتها تكون من غير كماليات يعني نازله من غير باور وبعدين عشان تعرف فيه باور ولا لأ؟ حط المفتاح في العربيه من غير ماتلف المفتاح ولف الطاره وبعد كده دور العربيه ولف الطاره هتلاقي فرق شاسع

العربيه اللى بتكلم عليها أعلى فئه فى المانيوال فول اوبشن وايرباج ونيكل ف الشنطه .. ومفهاش باورFull ولا حاجه والعربيه بتاعت صاحبى انتيمى وانا تقدر تقول انى من سنه 2010 سقتها اد الفتره اللى هوه ساقها فيها .. واحنا ممكن نقول ده حاجه اسمها دركسيون مساعد أو هاف باور عشان يخلى الدركسيون أخف من العادى ..و لكنه مينفعش يتقارن بالباور بتاع لانوس . فيرنا . نوبيرا . النترا . ماتريكس . ميجان . فلوانس . كورولا .. الخ .. لانه أتقل منهم كلهم وطبعا انا بكلمك من حكم سواقتى للعربيات اللى فاتت كلها معادا الميجان والفلوانس بس مع صحابى .

المشاركة الأصلية كتبت بواسطة KARIMELDIN

باور اللوجان والسانديرو اثقل بكتير من الدايو والهيونداى بصراحة تحس انها هاف باور

ده كلام حقيقى وواقعى جدا

المشاركة الأصلية كتبت بواسطة akram87

يا ريت اللي شايف باور اللوجان تقيل يجرب باور نيسان صني بس التقفيل المصري 2012 مثلا حيلاقيه زيه .......باور الكوري مفيش اخف منه بس بعد كده حتعرف إن ده عيب مش ميزه وشكرااااااااا

طب انا صاحبى عربيته كورولا 2012 .. والباور بتاعها شبه النوبيرا جدا والله .. ياريت تقولى العيب اللى مش ميزه عشان ألحق قبل ما يحصل حاجه !!!! وهعرف بعدين ازاى اما النوبيرا معايه موديل 2004 الى الان !

المشاركة الأصلية كتبت بواسطة ahmed_nubira

النيسان الجنط فيها 15 عشان كده تحس انه تقيل شويه,,,

اللوجان برضه على فكره بتنزل ب جنط 15 بس برضه الصنى الباور بتاعها حلو جدا مقارنه ب لوجان

المشاركة الأصلية كتبت بواسطة mody3on

عيب ازاي يعني ؟
على فكرة كل الاوروبي الجديد باور كهرباء :)

فعلا .

**akerima** · 20-05-2012 10:43 AM

خلينا نتكلم كلام موضوعي ومستند علي حقائق وسيبوكوا من التخمينات

-اولا اللوجان كله نازل بباور ماعدا الفئه الاولي اللي من غير كماليت خالص هي دي الوحيده اللي نازلة من غير باور

-باور اللوجان هيدروليك فممكن تحس انة تقيل شوية وطبعا هو اتقل من الكوري عموما بس لو قارنتة مثلا بكرولا 2004 حتلاقية نفس التقل ومعروف برضة ان باور التيوتا تقيل نوعا

-مينفعش ان احنا نقول ان باور اللوجان هاف باور لان الهاف باور لا فيه ترمبة باور ولا زيت باور لكن باور اللوجان كامل

-اخيرا السبب الرئيسي في تقل باور اللوجان الجنوط ال 15 والكاوتش العريض وطبعا دا بيتقل الدريكيون عن الكوري عموما

**absalam** · 21-05-2012 09:06 PM

معلش انا عايز اضيف حاجة . . . انا معايا سانديرو 2012 ومراتي معاها بيكانتو 2012 . . وطبعا معروف ان البيكانتو نازلة ببور كهرباء . . طبعا فرق البور في العربيتين مهوووول . . . البيكانتو عاملة زي العربية اللعبة ممكن طفل عنده 6 سنين يسوقها -ده لو طال دواسة البنزين- المهم ان الي بيقول ان دي ميزة احب اقله العربية لو زدات سرعتها عن 120 ولقدر الله عطست وانت ماسك الدريكسيون هتلاقي العربية بترقص باليه . . . لكن السانديرو اساسا انت مش محتاج تلمس الدركسيون لحد 140 ثبات غير طبيعي ومع كل احترامي انا شايف ان بور الرينو بالظبط زي الماتركس بما ان دي العربية الوحيدة الي سوقتها غير البكانتو والرينو

**akram87** · 22-05-2012 01:59 PM

بظبط وانا بأكد كلام absalam الباور الكوري لعبه مش موضوع زيت وكهرباء ...الكهرباء موجوده في الأوروبي بس فيها امان....في الكوري زيت وكهرباء خفيف جدا وده قصدي انه عيب مش ميزه....وخلاصة الكلام أنا معايا لوجان عاملة 2000 كيلو وكنت مضايق من موضوع الباور ده بس اتعودت عليه وعرفت فايدته على السرعات 120 وطالع دي حاجه...الحاجه التانية بعد مركبت صني 2012 ولقيت الباور زيه زي اللوجان حسيت أن الموضوع عادي......وشكرا جزيلا كلكم يا جماعه لأن لولا الموضوعات المفيده واراء الساده الاعضاء مكنتش جبت لوجي حبيبتي :)