السلام عليكم يا سيراتوية
واما بعد ....
انا اقصد ايه اللي موجود في الهاي لاين ومش موجود في الفئة اللي قبلها ؟؟؟
وياريت حد يفيدني من اللي معاهم العربية في ان عفشة السيراتو بيقولو ناشفة اوي خصوصا مع الجنط 17
السلام عليكم يا سيراتوية
واما بعد ....
انا اقصد ايه اللي موجود في الهاي لاين ومش موجود في الفئة اللي قبلها ؟؟؟
وياريت حد يفيدني من اللي معاهم العربية في ان عفشة السيراتو بيقولو ناشفة اوي خصوصا مع الجنط 17
الهاى لاين وكيل تزداد شكمان نيكل -بصمة - سمارت كى - تكيف تاتش (2011 ) - فرش جلد
طبعا دلوقتى الدنيا ف الوكيل مبقاش فيه تكييف تاتش + جنط كله 16
بس فيه عتب :penguin4:وسبويلر جديد
الخليجي بقا عامل زى سوق الخضار اللى انتا عايزه بتلاقيه تفصيل
حاج احمد وعليكم السلام ورحمة الله وبركاته
على فكرة انا جبت الاوبترا بعد تقريرك المصور عنها فاسمحلى اردلك بعض من جمايلك بما انى كنت هجيب السيراتو بس قلت استنى الشكل الجديد
الفرق ما بين الهاى لاين وال SX اللى هى بيقيت الموديل اللى قبلها التالى:
1-فتحة سقف
2-كاميرا خلفية
3-مراية تعتيم
الكلام ده بالنسبة ل 2012 وكيل ،،، طبعا هما شالوا السمارت كى ، التكييف التاتش ، الفرش الجلد والجنوط بقيت 16 فى ال sx و الهاى لاين
الموضوع ده هيساعدك فى الموديلات بتاعت السيراتو دليل شامل و حصري لجميع موديلات كيا http://www.nilemotors.net/Nile/281938-2012.html 2012 من الوكيل
بالنسبة للعفشه هما بيقولوا انشف من الاوبترا انا جربتها بصراحه مفيش فرق يذكر بس ممشيتش بيها كتير
اتمنى اكون رديت جزء من جمايلك وبالتوفيق
حاج احمد عندنا احلى حاجه ساقعة ورغيف حووشى للكبير يا جدعان
منورنا ياحاج وانا مش هضيف حاجه على الزملاء قالوه
بخصوص العفشة هتفرق جدا انت كنت سايق قبلها
لو الاوبترا هتحس بنشوفيه مش كتير ( فرق جنوط )
اى سؤال تحت امرك ولو عاوز اجيلك لحد البيت تجربها اامرنى يا غالى
الف شكر يا باشا
يا باشا الشرف ليا انا
العربية اللي قدامي 2011 وفيها ايرباجز وabs وفتحة سقف وبصمة وكاميرا خلفية وتكييف تاتش وجنوط 17 وطارة مالتي وضمان وكيل
مش عارف دي تبقى هاي لاين ولا لأ
وكنت عاوز اعرف عيوبها ايه ... انا عمري ما ركبت كيا ... هل هي بتحك في المطبات ؟؟؟
ثباتها شكله ايه ؟؟
استهلاك بنزين ؟؟؟
ولك كل الشكر ... خصوصا ع الحواوشي :8941[1]:
واعرف منين انها الفتيس القديم او الجديد
الفتيس الجديد جلد 6 سرعات
http://www.aboutspeed.com/wp-content...er-Console.jpg
تبقى هاى لاين ياحاج احمد
مش هاتحك فى المطبات الا لو بكامل حمولتها او مطب غبى
ثباتها حلو
استهلاك بنزين عالى شويه
دا الفتيس القديم
http://img35.imageshack.us/img35/498...c8497eebbe.jpg
ودا الجديد
http://img801.imageshack.us/img801/205/boogie427.jpg
وبيبقى معاه بدال شيفت فى الطاره اللى بتتحكم منها فى نقلات الفتيس على وضع الستيبترونيك
http://img690.imageshack.us/img690/8...5961812091.jpg
وعلى كلامك لو فيها كاميرا هاتبقى الفتيس الجديد وهاتلاقى كمان المفروض فيها بلوتوث ومرايات ضم
فعلا فيها مرايات ضم ....
طيب قوللي انت بقي طالما انت معاك العربية دي ... انت كدة بقيت زبوني انهاردة هههههههههههههههه
هل مفيها مثبت سرعة او انوارها بتتحرك فوق وتحت ؟؟
وايه رأيك فيها عموما ... ايه عيوبها غير العفشة الناشفة ... وهل هي انشف من الاوبترا بكتير ؟؟
ولما اقارنها بالانترا 2011 ايهما تفضل
والتوكيل ايه اخباره
وشكرا مقدما
في رايي السيراتو صفقة احسن من الالنترا , كمية اوبشن خيالية مش موجودة في الالنترا القديمة وفتيس 6 سرعات كمان , عيوبها بس العفشة الناشفة مع الجنط ال 17 , عفشة الالنترا انعم شوية ومالتي لينك
مالتي لينك مالتي لينك :)))))
عيش
Multi-link suspension - Wikipedia, the free encyclopedia
يعني باختصار تعليق مستقل بيخلي العفشة ناعمة ومتحسسش بالطريق اوي مع ثبات كويس
تحت امرك انت تؤمر
مفيهاش مثبت سرعه , والتحكم فى نور اضاءة التابلوه مش الفوانيس , التحكم فى ارتفاع اضاءة الفوانيس بيبقى فى الخليجى
رأيى عربيه مميزاتها اكتر من عيوبها وتستاهل سعرها , عفشتها انشف من الاوبترا بفارق ملحوظ لو انت حساس من ناحية العفشه وطرقك كلها مكسره يبقى مش هاتريحك
مقارنة بالالنترا 2011 اكيد السيراتو افضل بس ميزة الالنترا ان عفشتها انعم وسحبها احسن شويه عشان اخف
التوكيل اول مابدأ كان كويس وبعد ما شبع مبيعات مستواه قل معرفش دلوقتى بقى مستواه ايه
..
ههههههههه
......
ايون انا كنت عارفها بس بأمتحنك يعني
دي اللي هيا تعليق متعدد النقاك كدة تبع عم مكفرسون الحلاق
انا عارف كل حاجة بس مدكن
http://i429.photobucket.com/albums/q...5/ad809308.jpg
يا كبير لو محتاج حد من النمور يجربها انت تأمر بس