البطارية الجافة

**azmeralda** · 19-05-2012 06:08 PM

صحبح بتموت كده فجأة بدون سابق انذار وملهاش اى حل: (

هى بقى لها سنة و7 شهور وبيقولوا كده قليل ؟؟

**azmeralda** · 19-05-2012 06:35 PM

طب وكان ليلة ما عملت كده شغلت الكاسيت نص ساعة والعربية مش دايرة ففصل لوحده تفتكروا ده السبب؟

**S O P H O S** · 19-05-2012 10:49 PM

اظن ان بيبقي في سابق انذار زي ضعف الاضاءة وتاخر التدوير
والله اعلم

**Medo.Malek** · 19-05-2012 11:17 PM

بالنسبة للكاسيت لا عادى انه يشتغل لحد ما يفصل و هو اصلا بيفصل حفاظا على البطارية عشان لو نسيتيه شغال
ثانيا هو المفروض بيقعد من 15 ل 20 دقيقة مش نص ساعة
و بالنسبة للبطارية لو هيا بتاعت العربية الاصلية فا للاسف ده عمرها الافتراضى (سنة و شوية ) و ده نفس اللى حصل معايا برده ماتت لوحدها
بس قبل ما تموت على طول كانت بتشاور عقلها كده و بتدور بالعافية
انا حاليا مركب بطارية اسمها ac delco ( تقريبا سعودى ) و كنت جايبها على 430 من محل تحت كوبرى المرور

**azmeralda** · 21-05-2012 01:47 PM

لأ هى معملتش اى اعراض خاااااااااااااااالص ولو شحنتها من عربية تانية ولا من عند الراجل عشان اشوف يمكن حركة الكاسيت دى فضت شحن مثلا ولا مفيش امل

هم قالوا لى عالسعودى دى فعلا طب وفى التوكيل مش قالوا لك لازم فارتا المانى عملت ايه بقى وقوللى ركبتها عند مين؟

**Medo.Malek** · 22-05-2012 04:05 AM

هو فى حلين
ممكن تفكيها من العربية و توديها لحد بتاع بطاريات معرفة يقيسهالك على الجهاز و يشوفها تقبل شحن ولا لا
اذا تقبل حضرتك هاتسيبيهاله يشحنها 3 او اربع ساعات يدوب حاجة تدور العربية و بعدين سيبهبا دايرة شويه او اعملى بيها مشوار طويل شوية
بس انا مش بفضل الحل ده لان اصلا عمر البطارية الاصليه سنة و شوية فا بفرض انها اتشحنت مش هاتكمل معاكى كتير
الحل التانى انك تجيبى بطارية جديدة نفس المقاس بتاعك ( الامبير و الفولت و كده ) و هاتى اى نوع كويس و سيبك من التوكيل الهجاس ده انا اصلا مقولتلهمش انى غيرت البطارية و رحت عملت الصيانات فى البرقان و ختمولى كتيب الضمان عادى ولا اى حاجة ولا حد اتكلم اصلا
بالنسبة للتركيب فا انا ركبتها بنفسى تحت البيت عندى
التركيب مفيهوش اى مشكلة ( لو نفس المقاس ) هاتفكى الكابلات و تشيلى البطارية القديمة و تركبى الجديدة

**haroun707** · 22-05-2012 05:06 AM

AC Delco
محترمه اوى اوى

..

**mohamed_rhem** · 22-05-2012 09:10 AM

امبارح البطارية عملتها معايا (البطارية الاصلية ) اللي جايا بيها العربية كانت سائلة مش عارف يعني عربية سريون ياباني بتنزل ببطارية سايلة

دورتها وروحت اشتريت جافة فارتا انتاج اتحاد اوربي كانت بتنزل الماني من الوكيل نفسه (ممدوح مبروك غطاطي)

40 امبير الاقطاب الصغيرة دفعت 380 جنيه واخد القديمة

**Medo.Malek** · 23-05-2012 04:57 PM

هو حضرتك شحنتى البطارية القديمة و هيا راكبة فى العربية ؟!
و هل حضرتك متأكده ان الفيوز ضرب ؟ لان تغيير البطارية ممكن يخلى العربية تهيس شوية .. يا ريت تفاصيل اكتر