الموضوع: فكرة .... مقابلة مختلفة

السلام عليكم


.
كنا عملنا مقابلة في الشرقية وسط الغيطان
فراخ مشوية على الفحم .. الرجالة الي قامت بالواجب
طبعا المقابلة دي غنية عن التعريف

الحمد لله كانت ناجحة
ولو إن الرجالة مشيو بدري لظروف البلد أيامها


.
الفكرة الجديدة لسه جايالي حالا وأنا برغي مع الحج أحمد (الأب الروحي) على الفيس من دقايق

نعمل مقابلة إسطورية
تكون مختلفة شكلا وموضوعا
يكون النسق بتاعها الرئيسي
إنها تكون سهرة صباحي لحد الفجـــر .. محدش هيروح بدري
ويكون الأكل ( جــدي ) جاهز وإحنا إلي هنشويه على الفحم
ونولع النار بالليل .. ونسهر نرغي كلنا
معانا أكلنا .. وشربنا .. والراديو أو التليفزيون
وطبعا

لازم تكون في مكان مفتوح
عندنا في الشرقية وسط الأراضي .. وهتكون معزولة عن البشر زي المقابلة الي فاتت
أو أي مكان الناس تختاره
أو حتى على شاطئ معزول في إسكندرية مثلا

يعني زي ماتقولوا كده
نص يوم سافاري



.
مين معايا في الفكرة
ومين عاوز يخرج عن الروتين العادي بتاع المقابلات
ونعمل حاجة مختلفة شويتين