أول مشاركه بعد ان اصبحت بروتوني

**PATHFINDER** · 19-05-2012 08:56 PM

بسم الله الرحمن الرحيم
اسمحولي اتشرف بالانضمام الي منتداكم الكريم والذي كان السبب الاساسي في ان اكون بروتوني وذلك بفضل الله بعد شرائي لبروتون ساجا
ان شاء الله أنا داخل علي 20 ألف كم وعندي شويه استفسارات فياريت تستحملوني لان دي اول عربيه ليا
- ايه هي الحاجات اللي بتتعمل في صيانه ال 20000 ؟ لاني معملتش ولا صيانه في التوكيل ومش عايز اتعامل معاهم خالص ( ان شاء الله ) لاني من الصعيد والمشوار بتاع التوكيل حوالي 2000 كم رايح جاي .
- هل في زيت افضل من توتال اللي انا مستمر معاه حتي الان ؟ يعني سمعت كلام كتير حلو عن شل الاصفر 5000 فتنصحوني بايه ؟
- بالنسبه لتربيط العفشه فالمفروض الموضوع ده يتعمل كل اد ايه ؟

**S O P H O S** · 19-05-2012 10:45 PM

الف مبروك يا باشا
...

**mido_soliman** · 20-05-2012 01:56 AM

المشاركة الأصلية كتبت بواسطة pathfinder

بسم الله الرحمن الرحيم
اسمحولي اتشرف بالانضمام الي منتداكم الكريم والذي كان السبب الاساسي في ان اكون بروتوني وذلك بفضل الله بعد شرائي لبروتون ساجا
ان شاء الله أنا داخل علي 20 ألف كم وعندي شويه استفسارات فياريت تستحملوني لان دي اول عربيه ليا
- ايه هي الحاجات اللي بتتعمل في صيانه ال 20000 ؟

صيانة ال 20000 اللى بيتم فيها الاتى
زيت وفلتر زيت وارشحلك شيل الترا او كاسترول ايدج او ليكوى مولى لو لقيتة عندك
بوجيهات ولازم تكون واحد شمعة متسمعش كلام حد فتاى يقولك تلاتة شمعة واتنين احسن والكلام دة
فلتر بنزين
تربيط عفشة
مراجعة السوائل اللى فى العربية واللى محتاج يتزود بيتزود
مراجعة تيل الفرامل ولو محتاج يتغير يتغير

لاني معملتش ولا صيانه في التوكيل ومش عايز اتعامل معاهم خالص ( ان شاء الله ) لاني من الصعيد والمشوار بتاع التوكيل حوالي 2000 كم رايح جاي .

كدة انت ملكش ضمان عندهم

- هل في زيت افضل من توتال اللي انا مستمر معاه حتي الان ؟ يعني سمعت كلام كتير حلو عن شل الاصفر 5000 فتنصحوني بايه ؟
- بالنسبه لتربيط العفشه فالمفروض الموضوع ده يتعمل كل اد ايه ؟

تربيط العفشة كل 5000 تقريبا ودة بيرجع لطريقة سواقتك وحالة الطرق اللى بتمشى عليها باستمرار
مبروك