مشكله لمبه الزيت فى البورا

**ibiza2002** · 19-05-2012 11:03 PM

السلام عليكم
انا معايا بورا 2002 كنت مسافر اسكندريه من حوالى شهر و نصف و مره هديت عند مطب لقيت لمبه الزيت الحمرا نورت و قفت و دورت تانى راح النور مشيت عادى و روحت اسكندريه و رجعت وانا راجع لما اهدى فى المطب تنور و ساعات تطفى لوحدها رجعت مصر و فضلت لغايه امبارح مش بتنور خالص و سافرت اسكندريه و رجعت المشكله تانى اللمبه تنور احمر عند المطبات و تطفى لوحدها و بردو دخلت مصر منورتش تانى
ممكن تفيدونى دا عيب ايه و جزاكم الله خيرا

**iBiZa** · 20-05-2012 12:24 AM

شوف مستوى الزيت علشان الى بتقول عليه ده يا اما الزيت يا دوب او ساعه الزيت فيها حاجه.
اكشف على الزيت و العربيه بارده.

**ibiza2002** · 22-05-2012 02:00 AM

جزاك الله خيرا اخى الحبيب
بس مستوى الزيت لما بينقص بتنور عندى اصفر
هيا بتنور احمر و تقولى ف شاشه الاعطال نقص فى مستوي ضغط الزيت

**engmohfaw** · 22-05-2012 02:55 AM

المشكلة دى من فلتر الزيت حضرتك الفلاتر ااموجوده فى السوق هتلاقى البلف اللى داخل الفلتر والمسئول عن ضبط ضغط الزيت هتلاقى الفلتر فيه سوسته من الداخل قريبه من فتحة الفلتر فى حين انك لو ركزت فى الفلتر الاصلى هتلاقيه اطول والسوسته بتاعته فى اخر الفلتر من تحت حاول تجيب الفلتر الاصلى وان شاء الله المشكله مش هتحصل تناى وبالمناسبه لو دخلتها على جهاز الصيانه مش هتديك ايرور وده بياكد كلامى

**ibiza2002** · 22-05-2012 04:19 PM

المشاركة الأصلية كتبت بواسطة engmohfaw

المشكلة دى من فلتر الزيت حضرتك الفلاتر ااموجوده فى السوق هتلاقى البلف اللى داخل الفلتر والمسئول عن ضبط ضغط الزيت هتلاقى الفلتر فيه سوسته من الداخل قريبه من فتحة الفلتر فى حين انك لو ركزت فى الفلتر الاصلى هتلاقيه اطول والسوسته بتاعته فى اخر الفلتر من تحت حاول تجيب الفلتر الاصلى وان شاء الله المشكله مش هتحصل تناى وبالمناسبه لو دخلتها على جهاز الصيانه مش هتديك ايرور وده بياكد كلامى

انا بالفعل غيرت الفلتر و جيبتو اصلى و بردو المشكله حصلت بالذات مع التكيف و اول م ببطل و ادور العربيه اللمبه بتطفى