بعد عناء طويل فى كل المنتديات وبعد عملية تصفية طويييييييييييييييلة وصلت ل 3 عربيات الاختيار بإذن الله مش هيخرج عنهم رينو ميجان 2008 وجين 2 2008 وبروتون بيرسونا 2008 ارجو المساعدة لانى محتار ودى اخر مرحلة قبل الشراء بإذن الله وجزاكم الله خيرا
عرض للطباعة
بعد عناء طويل فى كل المنتديات وبعد عملية تصفية طويييييييييييييييلة وصلت ل 3 عربيات الاختيار بإذن الله مش هيخرج عنهم رينو ميجان 2008 وجين 2 2008 وبروتون بيرسونا 2008 ارجو المساعدة لانى محتار ودى اخر مرحلة قبل الشراء بإذن الله وجزاكم الله خيرا
ميجان .
برجاء ذكر الاسباب يا جماعة
انا لفيت نفس اللفة دي قبل ما اشتري
اللي اعرفه ان البرسونا هاتتفوق في التسارع فقط , و الثبات يا اه يا لأ مش عارف بالظبط
و الباقي كله تتفوق فيه الميجان او الاتنين فيه زي بعض
مش هقارن بس ميجان عربية فوق الممتازة شرط الحالة
السلام عليكم ورحمه الله بص حضرتك كان فى موضوع فى القسم هنا لعضو فاضل كان معاه جين تو وبعها وجاب ميجان وكان بيتكلم بالتفصيل عن الفرق بين الاثنين وعلى ما افتكر كان الفرق شاسع لصالح الميجان حاول حضرتك تبحث عن الموضوع وتشوفه بنفسك تحياتى لك
حد طيب يبعتلنا اللينك ياريت الادمن يرد علينا
مافيش ادمن ::))))))))))))
ميجان شكلها جميل عوامل الأمان ممتازة 6 إير باج مدافع بأحزمة الأمان واسعة من جوا توكيل ممتاز عن تجربة معظم الأعضاء وعن تجربة صاحبها اللى اشتريتها منه مستعملة العربية من 2005 نازلة مفيش عربية من مثيلاتها وقتها كانت نازلة بيها غير طبعا الأعلى منها أنا بقارنها بإلنترا بلانسر بصنى يعنى اللى فى فئتها قطع غيارها أسعارها كويسة أما بروتون جين فهى عربية هاتش باك مينفعش تقارنها بميجان وبصراحة انا شايف ان ظلم أننا نقارن ماركة رينو ببروتون غير ان قرأت هنا بعض الأعضاء بيشتكوا من قطع غيارها وان توكيلها غير مرضى والله أعلم خليك فى ميجان خصوصا انك مهما دفعت فيها سعرها نازل بالنسبة لغيرها والعربية ثباتها جيد جدا وتابلوه كويس وسماعاتها صوتها نقى جدا والعزل جيد جدا فيها كمبيوتر رحلات المسافة اللى قطعتها والمسافة اللى ممكن تمشى بيها بالبنزين اللى فى التنك وبتجبلك الدوسة بتاعت رجلك ع البنزين وانت سايق بتقطع بيها كام لتر فى 100 كيلو غير انها بتجيبلك الأعطال فيها خاصية الإضاءة الليلية التلقائية وعلو صوت الكاسيت أثناء السير بالسيارة على حسب السرعة وكمان حساس مطر يشغل المساحات تلقائى لو بتقفل العربية وحد حط ايده مثلا على الإزاز الإزاز ينزل شوية ميقفلش على عائق شنطة واسعة جدا تكييفها كويس بس مش عاجبنى من الآخر العربية أوروبية
استاذ محمد العادل انت بجد شخصية محترمة وردك وافى فعلا طيب تنصحنى اجيب انهى موديل من موديلات ميجان يعنى 2005 ولا 2006 ولا 2007 وفيه عدد للكيلو متر تنصحنى بيه عند الشراء والسعر لكل موديل فى السوق بحالة جيدة يكون كام بناءا على خبرتك فى الميجان و مسألة الكمبيوتر اللى بينظم كل حاجة فى العربية والكارت اللى بتشتغل بيه هل فيه منه خوف شاكر ليك سرعة الرد.
شكرا أخى الكريم مبدئيا انا لسة جايب الميجان من كام أسبوع ماشية 105 ألف كيلو ب 65 ألف حالتها جيدة جدا فرش جلد مرايات ضم جنوط رينو 16 لكن تكييف مش تاتش عشان كدا بعتبرها مش هاى لاين بها بعض الخدوش ولكن مفيهاش دهانات وطبعا المستعمل مهما كان عايز شوية مصاريف كاوتش زيوت فلاتر حاجات زى كدا انت وحظك ودى أول عربية ليا فى حياتى لكن أنا قرأت كتير عنها ولكن كخبرة عملية معنديش للأسف بس أنا مستريحلها جدا مع ان شايف ان تمنها زاد ألفين أو 3 دى خبرتى عنها 2005 و 2006 ظهر فيهم عيب بسيط نتشة أو عضة فى نقلة الغيار التانى واتحلت فى التوكيل عن طريق برمجة الفتيس انه ينقل فى الميعاد المظبوط على حسب كلام معظم الأعضاء المحترمين اللى أنا شخصيا بثق فيهم جدا يعنى مش مشكلة نهائى آخر 2006 نزل الشكل الجديد للعربية اختلاف فى الشبكة الأمامية مع اختلاف بسيط جدا فى الفوانيس الخلفية بس العربية تقريبا هى هى 2007 نزل الشكل الجديد دا بالإضافة انهم غيروا مكان العدادات لفات الموتور بقى شمال بدلا من يمين وعداد السرعة بقى يمين بدلا من شمال وزودوا مكان فى الدريكسيون لمثبت السرعة اللى بقى شئ أساسى فى 2007 سواء هاى لاين أو عادية أنا شايف ان ميجان II من وقت ما نزلت لحد ما نزلت ميجان III متغيرتش كلها أضافات بسيطة فى النهاية كل موديل هتلاقى ليه سعره بس أتأكد ان أى حد عنده عربية حالتها نضيفة مش هيفرط فى سعرها أنا سألت زيك على عداد الكيلومترات قبل ما أشتريها فيه ناس قالت أهم حاجة الصيانة الاستخدام الصحيح وأنا طبعا أؤيدهم يعنى مش شرط العداد خصوصا ان فيه ناس قالت ان العداد ممكن يتغير بواحد أقل ؟ بس استبعد الاحتمال دا وخلى عندك ثقة واعمل كشف فى التوكيل لو هتشتريها بالنسبة للكمبيوتر هو عبارة عن كمبيوتر رحلات زى ما قلت لحضرتك فى شاشة قدامك وفى نفس الوقت كمبيوتر أعطال فى نفس الشاشة طبعا فيه حساسات متوصلة فى كل أجزاء العربية لما بتحصل شئ غريب بتجيبلك رسالة معينة ان فيه خطأ فى الموتور مثلا أو الفتيس إنجليزى طبعا العربية استبترونيك ل لو ماشى على 120 مثلا وجيت ترجع للأول العربية متقبلوش لو مفيش كمبيوتر وحساسات كانت هتحصل مشكلة العربية مش بتلف المفتاح فى الكونتاكت وتدور بإيدك بتدوس على زرار التشغيل وهى بتدور نفسها يعنى الكمبيوتر تقريبا منظم العربية كلها عشان يقلل الخطأ بأكبر قدر ممكن لمبة مثلا للإى بى أس بتاع الفرامل ولمبة service ودى بتنور كل 10 الاف كيلو عشان الزيت أو لاقدر الله لو فيه عطل ما فى العربية فيه لمبة stop تقريبا لو فيه خطر شديد فى جزء من أجزاء العربية فيه شاشة بيظهرلك فيها الباب المفتوح او الشنطة مثلا لو فاتحها وفيه فى وسط التابلوه شاشة بتبينلك درجة الحرارة والساعة والتراكات بتاع الكاسيت لو مشغل سى دى ومحطات الراديو اللى عندك واللى بتدخل منها كود الكاسيت لما البطارية بتفصل لأنه بيتشفر بالنسبة للكارت هو حل عملى وبسيط جدا كفاية انك مش بتقعد كل شوية تحط المفتاح بصراحة مسهل الأمور والعربية بيجى معاها كارتين العربية بقالها 5 سنين شغالة والكارتين تمام شغالين والكارت مقاوم للصدمات ومقاوم للمياه بس ش معنى كدا اننا نهمل فيه والكارت فيه مفتاح طوارئ لو مرضيش يفتح العربية لو فى منطقة فيها ترددات شبيهة ليه أو الحجارة خلصت فى الحالة دى تفتح بيه متقلقش خالص منه خصوصا ان الفلوانس العادية بتنزل مفتاح مشفر لكن الهاى لاين منها بتنزل كارت الهاى لاين من ميجان تكييفها تاتش وليه شاشة بتبينلك درجة الحرارة لكن متهيقلى هو هو بنفس قوة التكييف العادى أنا بحب العربية دى بانوراما هاى لاين برغم ان عربيتى مش بانوراما بس انا شفت البانوراما منها جميلة جدا وخد بالك ان 2005 ليها تمن و 2007 ليها تمن بس أنا عن نفسى بحب الموديل الأحدث بس برضه تكوون الحالة كويسة وأى أسئلة أنا تحت أمرك حضرتك فى أى وقت
من الآخر لو الميجان حالتها كويسه قوي تفوق اي عربيه حتى لو زيرو
العربية أوتوماتيك استبترونيك يعنى ممكن تختار نقلة الغيار اللى انت عايزها برضه بجانب إنها أوتوماتيك بس هى أربع غيارات بس بس الغيار التانى تحس انه بينقل على مرتين والعربية دى كانت عند صاحب والدى محاسب قانونى شافها عنده ورحنا شفناها واشتريناها منه بالسعر دا برغم انى شفت عروض كتير على النت مغرية بس طبعا مش مضمونة نهائى غير لما تشوفها قدام عينيك وتكشف عليها فى التوكيل وأغلب اللى هتلاقيه منها هيبقى أوتوماتيك قليل قوى لما تلاقى عربية منها وخد بالك ان العربية المانيوال استهلاك أقل بنزين وعزم أعلى هتحس معاها بفرق العربية 115 حصان قوة موتورها فى المانيوال هتاخدهم كلهم والعربية هيبقى سحبها أشد من الأوتوماتيك منها وفى نفس الوقت استهلاك أقل للبنزين بس مش أقل قوى يعنى والمانيوال أكيد هيبقى أرخص من الأوتو بس هيبقى فرق بسيط مش كبير ودى بقى على حسب ما انت عايز لو بتحب الأوتو أو المانيوال اختار اللى يناسبك بشرط الحالة ع العموم أعلى فئة فى 2007 لو كاملة من كله ولو ماشيالها 105 ألف كيلو وحالتها نضيفة برضه كاملة مش هتقل عن 72 ألف أقل من كدا معتقدش ان صاحبها هيفرطلك فى النهاية انت بتشترى عربية اعتمادية من الدرجة الأولى ولو دفعت فيها 5 آلالف زيادة برضه أقل من سعرها وصاحبها باعها عشان يشترى اسبرانزا ويوفر باقى تمنها ولكن هو راجل ثقة جدا وعلى حسب خبرته قال ان العربية اتحملت معاه أقصى الظروف وعمرها ما فتحت بقها وأى أسئلة انا تحت أمر حضرتك
شكرا جزيلا على الرد الوافى متشكر جدا بجد ارائك فادتنى جدا وان شاء الله هكون معاك باستمرار فى رحلة البحث الى بدأت فيها وربنا ييسر الحال