هل الفتيس الاوتوماتيك يكون عمليا فى التاكسي ولا المانيوال اكثر مرونه

**wael6** · 20-05-2012 01:09 AM

السلام عليكم ورحمة الله

هل الفتيس الاوتوماتيك يكون عمليا فى التاكسي ولا المانيوال اكثر مرونه
من حيث الصيانه - متخصصي الصيانه - وقطع غياره ورعايته - سحب السيارة فى حالة تشغيلها بالغاز هل بيقل وبيضعف ولا ملوش علاقه ؟

انا عارف طبعا انه هيبقي مميز فى الزحمة جدا ومريح

لكن مريت بتجربة فتيس اوتوماتيك فى اكسيل قبل كده وكان ممتاز
ولكن دوخنى فى صانته لندرة متخصصي صيانته جدا
وسبحان الله جربت المانيوال حاليا
واتضح لي ان محدش بيصلح لا الاوتوماتيك ولا المانيوال
الصنايعية هنا فى المنصورة عندى بيستسهلوا ويقولك غيروا احسن من صيانته
وذلك يا اما كسل يا اما مش عارفين يصلحوه ؟

متابع مع حضراتكم
وشكرا جزيلا

**mimoneo** · 09-07-2012 11:58 AM

والله يا اخى انا محتار جدا زيك كدة
بعت التاكسى بتاعى بسبب قرف سواقة المانيوال فى الزحمة الشديدة ونفسى اشترى اوتوماتيك لكن هل هينفع فى التاكسى اللى بيشتغل حوالى 12 ساعة فى اليوم علما ان ماحدش هيسوق السيارة غيرى؟؟؟؟
يا ريت حد يفيدنا

**MohammedAladel** · 09-07-2012 09:15 PM

المانيوال أحسن والله برقبة الأوتو سواء تاكسى أو ملاكى كسحب واستهلاك وعزم وصيانة وكله

**medododo** · 09-07-2012 09:35 PM

يا جماعة الخليج كله شغال تاكسي اتوماتيك وعربيات عاملة فوق 250 ألف كيلو وشغال اهم حاجة مراعاة تغير زيت الفتيس وفلتره اذا كان متواجد
واهم حاجة انه مريح جدا في الزحمة
اه السحب مش ذي العادي بس معلش عربية طول اليوم في الزحمة يبئي انت بتشتري راحة بالك بالاتوماتيك وبتضحي شوية بالسحب حاجة كمان احنا شعب خوفنا من الاتوماتيك بسبب ارتفاع اسعار السيارات الاتوماتيك زمان بسبب الجمارك لأن اغلبها كان فوق 2000 سي سي وكبر معانا الموضوع بالمكانيكية الفتايين هو لا عمره شاف اتوماتيك ولا اشتغل فيه ويقولك وحش وبيبوظ

**wael6** · 09-07-2012 10:20 PM

من تجاربي السابقه المتواضعه
لصيانة الاوتو والمانيوال
فى مصر واحد
لضعف وفتى الصنايعيه المصريين للاسف

الاغلب يقولك ارمى وهات بديل وممكن يكون العيب سهل وبسيط
بس يا الصنايعي مش فاهم يا مكسل ويقولك مش هوجع دماغى ومصنعيتي محفوظه
ولو لقيت حد فاهم بيتنك عليك جدا
انا عن نفسي عشان اغير فيشة الحساسات اللى طالعه من الفتيس قعدت منتظر رئيس الجمهورية ( الصنايعي ) 8 ساعات ومش قادر افتح بؤي وكان فيه طابور عربيات من اول الاوكتافيا للباسات للاكسيل المصونه بتاعتى سابقا هههههههههه

بس الاوتو عاوز مراعاة اكثر من المانيوال
وتكاليف صيانته اعلى

معلش طولت عليكم

والله المستعان

**SonaSteel** · 09-07-2012 10:38 PM

انا كنت بفكر في الموضوع ده والله لما بدأت اشوف الصني تاكسي ........ قلت لو بقيت اوتو والناس ديه ارتاحت من اللف ليل ونهار وكفاية الزحمة اللي بيشوفوها
هو طبعا لاااااازم يتراعي القتيس الاوتو جدا
ويتغير الزيت في ميعاده بس ........ غير كده المشي مش بيأذي الفتيس ولا حاجة

**Land_Cruiser** · 23-07-2012 12:54 PM

هى المشاكل اللى ممكن تواجهك هتبقى اغلبيتها ماديه يعنى سعر الاتوماتيك اغلى من المانيوال و استهلاك البنزين اعلى و الزيوت المستخدمه فى الفتيس و بعض قطع الغيار اغلى من المانيوال و لازم تبقى البطاريه على طول كويسه و الا هتقف منك فى مكانها و الصيانات يستحسن تعملها فى التوكيل علشان العربيه ما تتبهدلش و كمان لو جبت سواق هيقضى عليها لأنه فى الاغلب هيبهدلها و هيصلحها عند اى حد و علشان الاسباب دى كلها هتلاقى استخدام اتوماتيك فى التاكسى مش عملى بينما فى الخليج مثلا الموضوع مختلف فالبنزين رخيص و الطرق اغلبها سريعه و ده ليقلل استهلاك البنزين و كمان الدخول مرتفعه و السيارات اسعارها رخيصه لان مفيش جمارك و الغالب فى السيارات المستورده هناك انها تكون اتوماتيك بينما فى مصر الاغلب ان تكون السيارات مانيوال زى ما انت عارف