خبر جديد : عودة داتسون الي الاسواق مرة آخري

تداولت علي المواقع الالكترونية هذا الخبر الرائع و اللي هيزيد من العائلة لتصير داتسون العلامة الثالثة بعد نيسان و انفينتي و اليكم الخبر



http://img685.imageshack.us/img685/9...sndatsunap.jpg


افصح الرئيس التنفيذي لشركة نيسان كارلوس غصن و بشكل رسمي عن عودة العلامة المشهورة و الرائدة "داتسون" الي الاسواق من جديد بعد مغادرة هذا الاسم للاسواق منذ عام 1986 بعدما تم استبداله بأسم نيسان و سوف تكون علامة داتسون علامة رئيسية و عالمية للشركة بعد علامتي نيسان و انفينتي و جاء الاعلان متزامنا ً مع اعلان عن زيادة الطاقة الانتاجية في مصانع نيسان بأندونسيا و توقعات بنمو كبير في تلك السوق


ستكون بداية عودة داتسون خلال عام 2014 ابتداء ً من اسواق كل من الهند و اندونسيا و روسيا و من ثم التوسع لاسواق عالمية اخري

إنتهي الخبر

@@@@@@@@@@@@@@@@

انا اول مرة اسمع ان داتسون هترجع تانى دلوقتى تسلم ايدك يا بيشوى

خبر جميل
الاصل هيرجع تانى اما نشوف هتبقى حلوه ولا ايه وهتنزل مصر ولا لأ

شكراً يا بيشو على الخبر يا صديقى

كده بيفكروا صح .. انت كل ما يكون لك ماركات أكتر يكون لك نصيب من السوق أكتر.

زي كده .. ايريال و تايد و أوكسي .. كلهم حاجه واحده.

الخبر بقاله فترة فعلاً

نيسان تعيد احياء علامة داتسون في الاسواق قريبا | NileMotors

اعتقد هيخلوها للاسواق الناشئة والعربيات الاقتصادية، لانها هتبتدى من الهند وروسيا.

أخبارك ممتعة يا بيشو
تقبل مروري

تسلم يا بيشوى ع الاخبار الحصرية
غصن هايحييى داتسون من تانى لغزو الاسواق الفقيرة لسيارات نيسان كما هو الحال مع داتشيا الرومانية والمملوكة لرينو الفرنسية
تفكير جهنمى .. الراجل ده مالوش حل !!!

تسلم إيدك يا بيشو على الأخبار الجميلة دي

ياريت تكون فعلا للاسواق الضعيفة زينا.

داتسون بتعمل عربية نص نقل قوية جدا و ممكن توصل ل مليون كيلو متفتحش موتور اوعوا تستهونو بيها ..

تسلم ايدك يا بيشو //

شكرًا على الخبر يا باشا :,:

:tumb::tumb::tumb::tumb::tumb:

لا شكر علي واجب يا شباب .. و فعلا داتسون هتسند كتير اوي مع نيسان

كارلوس غصن اصبح اشهر من النيسان و الرينو و الداتسون

كارلوس غصن راجل دماغه ذريه
و شوفوا رفع من نيسان قد ايه بعد ما كانت علي وشك الأفلاس و خلاها فين دلوقت
حقيقي تحيه كبيره قوي للراجل ده .

اقتباس:

---

المشاركة الأصلية كتبت بواسطة szaalouk

كارلوس غصن راجل دماغه ذريه
و شوفوا رفع من نيسان قد ايه بعد ما كانت علي وشك الأفلاس و خلاها فين دلوقت
حقيقي تحيه كبيره قوي للراجل ده .

---

دى حقيقة فعلا .. وانا الشهر اللى فات كنت عامل PRESENTATION عن كتاب SHIFT: INSIDE NISSAN'S HISTORIC REVIVAL لكارلوس غصن وخطته فى احياء نيسان وانتشالها من الافلاس فى 99-2002 وبعدها الشراكة مع رينو
فعلا راجل مالوش حل وقصة نجاح تتدرس :Bravo: