لو رجع بيك الزمن هتجيب Gen2 تانى بصراحه ؟؟؟

**saint2011** · 20-05-2012 04:15 PM

شوف حضرتك مافيش عربية 100% تحت سعر 200000 جنية واحنا هنا بنتكلم عن عربية ثمنها تحت 100000 جنية لكن بصراحة هى قيمتها اكتر من كده بكتير يعنى مثلا الأكسنت rb ثمنها فاضية 103000 جنية والكاملة منها 119000 جنية ومش نفس الأوبشنز او ثبات الجين2 علما ان سعرها 95000جنيه فقط علما ان الجين2 التوكيل مش كويس وقطع الغيار مش متوفرة بالشكل المطلوب لكن ذى ماقلت لحضرتك مافيش حاجة كاملة 100% وحضرتك تفكر وتأخد قرارك

**ASSASSIN** · 20-05-2012 09:19 PM

المشاركة الأصلية كتبت بواسطة fedo171

هوا ليه فيه ناس بتحسسنى ان العربيه bmw وناس تانيه تحسسنى انها 128

+11111111111

**fedo171** · 21-05-2012 04:17 AM

انا الحاجه اللى مطمنانى اوى انها فالشارع من 2006 ومنتشره بطريقه كويسه عايز بقى حد من ملاك ال جين 2 القدام اكتر واحد هيحكم على العربيه صح عشان انا هدفع فيها اللى مرايا واللى قدامى وعايز عربيه تقعد معايا زمن يعنى مش هبيعها عشان كده صرفت نظر عن الفيرنا وضغط على نفسى وعايز حاجه تعمر

**memo_p910** · 21-05-2012 08:49 PM

اللي بيقولك نيسان صني ولانسر بالنسبالي سوقت الانواع دي بصراحه البيرسونا ممتازه لو حبيت تقارن أصل ده حاجه اسمها نكهة القيادة والاحساس بالسياره البيرسونا ثقيله تقارن بالاوروبي ولا تقارن بالياباني والكوري

**Al-Farooq** · 21-05-2012 09:10 PM

يا جماعة اعملوا تست درايف للعربية وكل واحد يحكم بنفسه ، هي مش بي ام ، ومش 128 او فيرنا طبعاً :d
لكن مستواها وإمكانياتها فى مستوي عربيات زيرو من 150 ل 160 ، يكفي انك تعرف ان ثمنها بثمن الكرولا فى السعودية!! ، انا شايفها احسن من الصني والكرولا واللانسر!
مسكبهم هنا مضاعف للماركات المشهورة ،الموضوع عرض وطلب.

**fedo171** · 22-05-2012 05:24 AM

الحمدلله لحد دلوقتى الكلام حلو

**yasso77** · 22-05-2012 10:16 AM

انا مش عارف الناس اللي بتقول انها احسن من الصني واللانسر هيا ساقت العربيات دي ولا بتتكلم وخلاص

**Angel_wolf** · 22-05-2012 11:10 AM

انا معيش العربية بس بحترمها حدا جدا من تجارب ناس قريبين ليا

احسن حاجة حضرتك تروح تحجز تست درايف عند الوكيل لو فية عندة كدة عجيتك كان بيها معجبتكش شكرا مات الكلام وتزود حبة ممكن تجيب صنى اول فئة او تانى فئة واهى مش وحشة

بس يبصفة عامة كل ماهو تحت ال150 الف جنية لازم تلاقى فيه فعفريت وانت ودرجة تقبلك و معايشتك للعفريت انا معايا فيرنا مكفرة اهلى انا حاسس انا راكب طبق بلاستك مش عربية عربية زبالة بكل المقايس مفيهاش غير متور بيجرى وتكيف وشكرا لاتسئل على عفشة ولا ثبات ولا الكلام دة اصلا ومعايا لانسر بتاعة والدى حلوة وجملية وامورة بس 1300 بحث انى راكب بطة بلدى فكل عربية فيها الى فيها الموضوع بيرجع لتقبلك ليها فى الاول والاخر وصلى صلاة استخارة وربنا يدلك على الى فية الخير

**saint2011** · 22-05-2012 03:13 PM

المشاركة الأصلية كتبت بواسطة Angel_wolf

انا معيش العربية بس بحترمها حدا جدا من تجارب ناس قريبين ليا

احسن حاجة حضرتك تروح تحجز تست درايف عند الوكيل لو فية عندة كدة عجيتك كان بيها معجبتكش شكرا مات الكلام وتزود حبة ممكن تجيب صنى اول فئة او تانى فئة واهى مش وحشة

بس يبصفة عامة كل ماهو تحت ال150 الف جنية لازم تلاقى فيه فعفريت وانت ودرجة تقبلك و معايشتك للعفريت انا معايا فيرنا مكفرة اهلى انا حاسس انا راكب طبق بلاستك مش عربية عربية زبالة بكل المقايس مفيهاش غير متور بيجرى وتكيف وشكرا لاتسئل على عفشة ولا ثبات ولا الكلام دة اصلا ومعايا لانسر بتاعة والدى حلوة وجملية وامورة بس 1300 بحث انى راكب بطة بلدى فكل عربية فيها الى فيها الموضوع بيرجع لتقبلك ليها فى الاول والاخر وصلى صلاة استخارة وربنا يدلك
على الى فية الخير

أصلى يا مان

**tutankhamoun** · 22-05-2012 05:52 PM

بُص يا باشا أنا هاجاوب على السؤال ده عملي .
أنا رجع بي الزمن و أشتريت جين 2 تاني بمعنى أني أشتريت جين 2 موديل 2007 و بعتها لسبب و ظروف معُينة و أشتريت جين 2 موديل 2010 مع العلم أن امكانياتي المادية تسمحلي أشتري عربية بأكتر من كدا
بس أنا شايف أولا أن حرام تركب في مصر عربية أغلى من 100 ألف جنيه .
ثانيا أنا مش شايف عربية تستاهل يندفع فيها أكتر من 100 ألف من اللي موجود في السوق المصري (مش معناه أن العربيات وحشة بل لا تساوي قيمتها المدفوعة فيها و هذا رأي شخصي بحت )

العربية مميزة بأمكانياتها مقابل سعرها مقارنة باللي موجود في السوق .

يعني عربية فيها ثبات عالي قوي ........ و موتور قوي ....... و كماليات كويسة .

بالنسبة للنيسان صني فهي سيارة أكثر من ممتازة و تستاهل كل مليم يندفع فيها .
اللانسر نفس الحكاية و لكن ثمنها مبالغ فيه شوية .(برضه رأي شخصي )

طيب أولا أنا بس عايز أقول حاجة

أكيد اللي يعاني من حاجة بتكون بالنسبة له أسوء شئ في الدنيا و ده طبيعي و هايكون رأي أي بني آدم طبيعي ...
بس ممكن بتكون حالات فردية و ده بيخلي الشئ المعيب ينطبق على المنتج قيد الأستخدام فقط لا غير ولا ينطبق على كل خط الأنتاج .

حاجة تانية
فيه فرق في الموتور شاسع ما بين الموتور القديم (اللي نزل في 2006 و 2007 و لغاية 2008 ) اللي هو من غير الأي أه أف ام ...iafm
الموتور الجديد أحساس تاني و مختلف و لازم تجربه فترة علشان تحس بس لازم تكون سوقت الموتور القديم علشان تقدر تحكم على الفرق
الفرق ده باين في الأوتوماتيك أكتر من المانوال .
الموتور الجديد مع الفتيس الأوتوماتيك ........ توليفة ملهاش حل .... و أكاد أجزم أنه أحسن من المانوال كمان .

إنما طبعا الموتور القديم أحسن في المانوال مليون مرة .

بالنسبة لمقارنة الجين 2 و النيسان صني
أنا شايف أن الجين 2 مميزة شكلا عنها و أقل أنتشارا و أثبت شوية منها .

تجربتي مع التوكيل مفيهاش أي مشاكل تُذكر تقريبا .
بروح أعمل صياناتي و أمشي و مليش دعوة بحد .
أهم حاجة أني بحافظ على عربيتي و مش بهينها و مش بسابق مع حد و مش بعند مع حد على الطريق و دايما أخرج بدري عن ميعادي علشان مبقاش مستعجل و اجري زي بقية ولاد التيت اللي على الطريق .

[OVERLINE]دي الميزه الوحيده اللي فيها هي الثبات[/OVERLINE]

مش متفق معاك أن دي هي الميزة الوحيدة بس .
غير كده فهيا عربيه ناشفه جدا

فعلا عفشتها ناشفة علشان عفشة رياضية
و لكن العفشة في الموديلات الجديدة أفضل من الموديلات القديمة و مازالت رياضية و ثابتة

والبور تقيل
الباور وسط علشان التوازن على الطريق مش تقيل و مش خفيف .

وقطع غيار مش معمره

موديل 2007 بعتها في 2010 مغيرتش أي شئ في العربية و كنت عامل فوق 40 ألف

ومش موجوده في بعض الاحيان
مش منتشرة قوي و دي متفق معاك فيها خصوصا لسكان خارج القاهرة و الأماكن اللي فيها موزعين و أعتقد أن حضرتك من الصعيد زي توقيعك و طبيعي ما تلاقيش قطع غيار كتير
بس برضه ساعات التوكيل بيكون عنده حاجات ناقصة فعلا و لازم تستنى و لكن خارج التوكيل متوفر قطع غيار كتير خصوصا الأستهلاكية

ومحورها في الملفات واسع
فعلا علشان برضه أنها رياضية و ده مش عيب لأن التصميم كدا و مقصود
وصالونها ضيق
دي عربية رياضية تصميما و في الآخر صالونها مش ضيق قوي كدا و بتفرقمن واحد للتاني حسب الأستعمال و أنا بالنسبالي صالونها معقول جدا
و على فكرة صالونها تقريبا زي صالون اللانسر و زي صالون الصني في الوسع و معاهم الياريس
وصوتها عالي
دي معاك فيها بعد 3000 لفة للموتور صوته عالي و كل العربيات كدا عند عدد اللفات ده

وابلاعه بنزين
ممكن فعلا يكون عندك مشكلة لأن كذا واحد أشتكى من الموضوع ده و لكنه الموضوع أفضل كتير جدا مع الموتور الجديد مع أني كان معايا موديل 2007 بالموتور القديم و كانت بتعمل أرقام قياسية في الأستهلاك .

وده راي ومحدش يزعل لان انا من ملاك العربيه وركبت قبلها عربيات كتير ودي كانت ثاني اسواء عربيه

يا باشا هانزعل ليه بس ...... كتر خيرك أنك نقلت تجربتك بصدق وواقعية للراجل صاحب الموضوع اللي ناوي يشتري علشان يشوق أصحاب العربية بيقولوا عليها أيه
ربنا يباركلك و يحل مشاكل عربيتك .

بالنسبة بعد سواقة و أمتلاك سيارات من قارات العالم أجمع
الجين 2 عندي أنا أفضلهم .
ثبات و متعة قيادة و شكل .

الموضوع: لو رجع بيك الزمن هتجيب Gen2 تانى بصراحه ؟؟؟

LinkBack

أدوات الموضوع

عرض

-

-

-

-

المواضيع المتشابهه

لو رجع الزمن هتشترى سيراتو تانى ؟؟

لو رجع بيك الزمن شوية .. كنت برضه هتجيب فلوانس ؟

الى ملاك اللانوس لو رجع بيكم الزمن تانى ... كنتوا هتشتروها ؟؟

الى ملاك الفيرنا لو رجع بيكم الزمن تانى ... كنتوا هتشتروها ؟؟

Gen2 و لا بيرسونا مع العلم إن البيرسونا عبارة عن Gen2 سيدان

الكلمات الدلالية لهذا الموضوع

المفضلات

المفضلات

ضوابط المشاركة