السؤال لاصحاب ال جين 2 لو رجع الزمن هتجبها تانى وليه عشان انا محتار والله حيره هطاير دماغى
عرض للطباعة
السؤال لاصحاب ال جين 2 لو رجع الزمن هتجبها تانى وليه عشان انا محتار والله حيره هطاير دماغى
الموضوع مكرر و99 في 100 من الاجابات اه
الموضوع مكرر وتقدر حضرتك ترجع للموضوع السابق والرد كان نعم وملخص الموضوع انه القيمة العالية مقابل المال المدفوع فيها يعنى ركوبة ألمانى بسعر أقل من سعر الكورى
معلش ياجماعه انا اسف انى شاب متكرر بس انا جديد وناوى ناشاء الله اجبها ومن حقى اقلق شويه زى اى حد قبل ميشترى
بص ,,فكر في النيسان صني برضه وشوف الاكسنتاقتباس:
المشاركة الأصلية كتبت بواسطة fedo171
لو مجبتهاش مش هينفع أجيب عربية اقل من 170-160- الف علشان محسش اننا نزلت لعربية اقل منها ;))
يعني اتوكل علي الله
بص ياباشا لو رجع بيا الزمن كان هايحكمني الماديات لو انا معيش غير تمنها كنت هاجيب ال جين علي طول مستعمله انما لو معايا اكتر بالتاكيد مش هافكر فيها اطلاقا لان كل اللي انا بقوله عن العربيه من مميزات هيتغير بمجرد قيادتك لعربيه صني او حتي لانسر 1300 سي سي فنصيحه مني العربيه دي الميزه الوحيده اللي فيها هي الثبات غير كده فهيا عربيه ناشفه جدا والبور تقيل وقطع غيار مش معمره ومش موجوده في بعض الاحيان ومحورها في الملفات واسع وصالونها ضيق وصوتها عالي وابلاعه بنزين وده راي ومحدش يزعل لان انا من ملاك العربيه وركبت قبلها عربيات كتير ودي كانت ثاني اسواء عربيه انا اشتريتها والله علي ما اقول شهيد وياريت ماحدش يهاجمني لان كل واحد حر في رائيه
الموضوع مكرر و لو حضرنك قلقان قوي كده, انصحك تقرا اهم مواضيع القسم علي بتاع 20-30 صفحة من الموضوعات هنا, علي تست درايف في التوكيل, بعدها ابقي قرر.
هوا ليه فيه ناس بتحسسنى ان العربيه bmw وناس تانيه تحسسنى انها 128
شوف حضرتك مافيش عربية 100% تحت سعر 200000 جنية واحنا هنا بنتكلم عن عربية ثمنها تحت 100000 جنية لكن بصراحة هى قيمتها اكتر من كده بكتير يعنى مثلا الأكسنت rb ثمنها فاضية 103000 جنية والكاملة منها 119000 جنية ومش نفس الأوبشنز او ثبات الجين2 علما ان سعرها 95000جنيه فقط علما ان الجين2 التوكيل مش كويس وقطع الغيار مش متوفرة بالشكل المطلوب لكن ذى ماقلت لحضرتك مافيش حاجة كاملة 100% وحضرتك تفكر وتأخد قرارك
+11111111111اقتباس:
المشاركة الأصلية كتبت بواسطة fedo171
انا الحاجه اللى مطمنانى اوى انها فالشارع من 2006 ومنتشره بطريقه كويسه عايز بقى حد من ملاك ال جين 2 القدام اكتر واحد هيحكم على العربيه صح عشان انا هدفع فيها اللى مرايا واللى قدامى وعايز عربيه تقعد معايا زمن يعنى مش هبيعها عشان كده صرفت نظر عن الفيرنا وضغط على نفسى وعايز حاجه تعمر
اللي بيقولك نيسان صني ولانسر بالنسبالي سوقت الانواع دي بصراحه البيرسونا ممتازه لو حبيت تقارن أصل ده حاجه اسمها نكهة القيادة والاحساس بالسياره البيرسونا ثقيله تقارن بالاوروبي ولا تقارن بالياباني والكوري
يا جماعة اعملوا تست درايف للعربية وكل واحد يحكم بنفسه ، هي مش بي ام ، ومش 128 او فيرنا طبعاً :d
لكن مستواها وإمكانياتها فى مستوي عربيات زيرو من 150 ل 160 ، يكفي انك تعرف ان ثمنها بثمن الكرولا فى السعودية!! ، انا شايفها احسن من الصني والكرولا واللانسر!
مسكبهم هنا مضاعف للماركات المشهورة ،الموضوع عرض وطلب.
الحمدلله لحد دلوقتى الكلام حلو
انا مش عارف الناس اللي بتقول انها احسن من الصني واللانسر هيا ساقت العربيات دي ولا بتتكلم وخلاص
انا معيش العربية بس بحترمها حدا جدا من تجارب ناس قريبين ليا
احسن حاجة حضرتك تروح تحجز تست درايف عند الوكيل لو فية عندة كدة عجيتك كان بيها معجبتكش شكرا مات الكلام وتزود حبة ممكن تجيب صنى اول فئة او تانى فئة واهى مش وحشة
بس يبصفة عامة كل ماهو تحت ال150 الف جنية لازم تلاقى فيه فعفريت وانت ودرجة تقبلك و معايشتك للعفريت انا معايا فيرنا مكفرة اهلى انا حاسس انا راكب طبق بلاستك مش عربية عربية زبالة بكل المقايس مفيهاش غير متور بيجرى وتكيف وشكرا لاتسئل على عفشة ولا ثبات ولا الكلام دة اصلا ومعايا لانسر بتاعة والدى حلوة وجملية وامورة بس 1300 بحث انى راكب بطة بلدى فكل عربية فيها الى فيها الموضوع بيرجع لتقبلك ليها فى الاول والاخر وصلى صلاة استخارة وربنا يدلك على الى فية الخير
أصلى يا مان:Bravo:اقتباس:
المشاركة الأصلية كتبت بواسطة Angel_wolf
بُص يا باشا أنا هاجاوب على السؤال ده عملي .
أنا رجع بي الزمن و أشتريت جين 2 تاني بمعنى أني أشتريت جين 2 موديل 2007 و بعتها لسبب و ظروف معُينة و أشتريت جين 2 موديل 2010 مع العلم أن امكانياتي المادية تسمحلي أشتري عربية بأكتر من كدا
بس أنا شايف أولا أن حرام تركب في مصر عربية أغلى من 100 ألف جنيه .
ثانيا أنا مش شايف عربية تستاهل يندفع فيها أكتر من 100 ألف من اللي موجود في السوق المصري (مش معناه أن العربيات وحشة بل لا تساوي قيمتها المدفوعة فيها و هذا رأي شخصي بحت )
العربية مميزة بأمكانياتها مقابل سعرها مقارنة باللي موجود في السوق .
يعني عربية فيها ثبات عالي قوي ........ و موتور قوي ....... و كماليات كويسة .
بالنسبة للنيسان صني فهي سيارة أكثر من ممتازة و تستاهل كل مليم يندفع فيها .
اللانسر نفس الحكاية و لكن ثمنها مبالغ فيه شوية .(برضه رأي شخصي )
طيب أولا أنا بس عايز أقول حاجة
أكيد اللي يعاني من حاجة بتكون بالنسبة له أسوء شئ في الدنيا و ده طبيعي و هايكون رأي أي بني آدم طبيعي ...
بس ممكن بتكون حالات فردية و ده بيخلي الشئ المعيب ينطبق على المنتج قيد الأستخدام فقط لا غير ولا ينطبق على كل خط الأنتاج .
حاجة تانية
فيه فرق في الموتور شاسع ما بين الموتور القديم (اللي نزل في 2006 و 2007 و لغاية 2008 ) اللي هو من غير الأي أه أف ام ...iafm
الموتور الجديد أحساس تاني و مختلف و لازم تجربه فترة علشان تحس بس لازم تكون سوقت الموتور القديم علشان تقدر تحكم على الفرق
الفرق ده باين في الأوتوماتيك أكتر من المانوال .
الموتور الجديد مع الفتيس الأوتوماتيك ........ توليفة ملهاش حل .... و أكاد أجزم أنه أحسن من المانوال كمان .
إنما طبعا الموتور القديم أحسن في المانوال مليون مرة .
بالنسبة لمقارنة الجين 2 و النيسان صني
أنا شايف أن الجين 2 مميزة شكلا عنها و أقل أنتشارا و أثبت شوية منها .
تجربتي مع التوكيل مفيهاش أي مشاكل تُذكر تقريبا .
بروح أعمل صياناتي و أمشي و مليش دعوة بحد .
أهم حاجة أني بحافظ على عربيتي و مش بهينها و مش بسابق مع حد و مش بعند مع حد على الطريق و دايما أخرج بدري عن ميعادي علشان مبقاش مستعجل و اجري زي بقية ولاد التيت اللي على الطريق .
يا باشا هانزعل ليه بس ...... كتر خيرك أنك نقلت تجربتك بصدق وواقعية للراجل صاحب الموضوع اللي ناوي يشتري علشان يشوق أصحاب العربية بيقولوا عليها أيهاقتباس:
[OVERLINE]دي الميزه الوحيده اللي فيها هي الثبات[/OVERLINE]
مش متفق معاك أن دي هي الميزة الوحيدة بس .
غير كده فهيا عربيه ناشفه جدا
فعلا عفشتها ناشفة علشان عفشة رياضية
و لكن العفشة في الموديلات الجديدة أفضل من الموديلات القديمة و مازالت رياضية و ثابتة
والبور تقيل
الباور وسط علشان التوازن على الطريق مش تقيل و مش خفيف .
وقطع غيار مش معمره
موديل 2007 بعتها في 2010 مغيرتش أي شئ في العربية و كنت عامل فوق 40 ألف
ومش موجوده في بعض الاحيان
مش منتشرة قوي و دي متفق معاك فيها خصوصا لسكان خارج القاهرة و الأماكن اللي فيها موزعين و أعتقد أن حضرتك من الصعيد زي توقيعك و طبيعي ما تلاقيش قطع غيار كتير
بس برضه ساعات التوكيل بيكون عنده حاجات ناقصة فعلا و لازم تستنى و لكن خارج التوكيل متوفر قطع غيار كتير خصوصا الأستهلاكية
ومحورها في الملفات واسع
فعلا علشان برضه أنها رياضية و ده مش عيب لأن التصميم كدا و مقصود
وصالونها ضيق
دي عربية رياضية تصميما و في الآخر صالونها مش ضيق قوي كدا و بتفرقمن واحد للتاني حسب الأستعمال و أنا بالنسبالي صالونها معقول جدا
و على فكرة صالونها تقريبا زي صالون اللانسر و زي صالون الصني في الوسع و معاهم الياريس
وصوتها عالي
دي معاك فيها بعد 3000 لفة للموتور صوته عالي و كل العربيات كدا عند عدد اللفات ده
وابلاعه بنزين
ممكن فعلا يكون عندك مشكلة لأن كذا واحد أشتكى من الموضوع ده و لكنه الموضوع أفضل كتير جدا مع الموتور الجديد مع أني كان معايا موديل 2007 بالموتور القديم و كانت بتعمل أرقام قياسية في الأستهلاك .
وده راي ومحدش يزعل لان انا من ملاك العربيه وركبت قبلها عربيات كتير ودي كانت ثاني اسواء عربيه
ربنا يباركلك و يحل مشاكل عربيتك .
بالنسبة بعد سواقة و أمتلاك سيارات من قارات العالم أجمع
الجين 2 عندي أنا أفضلهم .
ثبات و متعة قيادة و شكل .
تسلم يا كبير
انا قررت انشاء الله بنسبه 90 فاالميه هشتريها اتمني برضه من كل صاحب خبره يشارك بيها ليه وللي بيفكر وهيقرا الموضوع
بجد المنتدي اكتر من راءع وساعدني كتير وشكرا للناس الجدعان اللي بتساعد انشاء الله انضم للفريق قريب :-)
اقتباس:
المشاركة الأصلية كتبت بواسطة saint2011
يا باشا الله يسلمك و يكرمك :Bravo:
خلاصة الموضوع : لو ساكن خارج القاهرة اوعى تفكر تشترى جين 2
انا عنى نفسى و بما انى ساكن فى اسكنرية لو رجع بيا الزمن استحالة اشترى اى عربية بروتون ،،، لو عايش فى القاهرة يبقى الوضع مختلف
- توكيل عز العرب فى اسكندرية فى الضياع و من حوالى كام شهر باعو مقر التوكيل ل بى ام دبليو و فضل التوكيل قافل حوالى شهر لغاية ما فتح فى مكان تانى ،،، طيب لو انا فى اسكندرية و العربية فى الضمان اعمل ايه ...... اخبط راسى فى الحيط !!!!!! بالذمة فى توكيل محترم يقفل شهر فى مدينة كبيرة زى اسكندرية ؟؟؟؟؟؟؟؟؟؟؟
لو انت فى القاهرة عندك عصام و صفا و محلات قطع غيار كتيرة شغالة فى بروتون ،،،، فى اسكنرية هما 3 محلات و ماعندهومش حاجة و و لو عندهم بتبقى قطع غيار درجة تانية او مضروبة
انا معاك فالنقطه ديه فكرت فيها بس انا من اكتوبر وراشق 24 ساعه فشارع الهرم وفيصل فالموضوع اسهل شويه الحمدللهاقتباس:
المشاركة الأصلية كتبت بواسطة tamerosman
ممكن لما تجيب العربية تنزل عنها تقرير بكل مميزاتها وعيوبهااقتباس:
المشاركة الأصلية كتبت بواسطة fedo171
ويا سلام لو ينفع ناخد بيها لفة d:
بس هيا تيجى وانا اديك لفتين مش لفه :d انا متقدر عشان العربيه سعرها زاد بقت ب 95 :sاقتباس:
المشاركة الأصلية كتبت بواسطة شريف8
انا اعرف ان اسكندريه فيها توكيل و قطع غيار انا قريبى عايز يجبها وهو من الغردقه مش عارف ايه الدنيا هناك
انا بعت الجين 2 و مش حجيب برتون تانى ابدا طول ما التنكيل مع عز العرب