الموضوع: عندي مشكلة في التكييف

المشاركة الأصلية كتبت بواسطة m2018

انا عندي مشكلة كبيرة جدا مع الفئران ومخلصة على العربية من حوالي 3 شهور كدة ركنت العربية اسبوعين لقيت فار دخل التكيف وعمل عش في المروحة وخلى ريحة العربية زي الزفت روحت لتوكيل السبع بتاع المنصورة والمهندس هناك كان محترم جدا وكلم الشركة وفكو الطابلوه ونضفو التكييف واتكلفت فلوس ثمن خاطيم رشاشات الزجاج الامامي وخراطيم الماتور والموضوع عدا
من اسبوع حصلت نفس المشكلة تاني مع اني مسيبهاش راكنة اكثر من يومين واتبعت تعليمات المهندس بالحرف وبردو لقيته عامل عش في المروحة انا عايز اعرف هو بيدخل منين
حاجة تانية انا ناوي اعمل صيانة 10000 الاسبوع الجاي اروح توكيل السبع في المنصورة ولا اروح اتو ايجيبت وامري الى الله انا عايز حل للمشكلة وغير كدة انا لاقيت التكييف واقف ومش بيبرد خالص مش عارف اعمل ايه
يعني إية واقف ؟؟؟
يعني حضرتك ظابط البكرة علي البارد و مشغل المروحة و شغات زرار ac و بيطلع هوا بس؟؟
كده يبقي في الفريون ؟؟؟
طيب و إنت بتشغل التكييف زرار ac مش بتسمع صوت الكمبروسور ؟؟
لو بتسمعه ومفيش تبريد يبقي فيه مشكلة ولو مش يتسمع اى حاجة يبقي مش بيشتغل من أساسة

وبالمرة انا هغير زيت ل liqui moly اجيب top tec ولا high tec مع ان انا سالت هنا في الشركة وقالي انا انصحك ب هاي تك
الهاى تيك أعلي من التوب تيك خليك فيه
وبردو عايز اشوف حل لثقل الغيارات اضافات او تغير زيت فتيس من ليكوي مولي بردو هي الفتيس مانوال
يعني ايه الغيارات تقيلة ...؟ دوس بس دبرياج للأخر
وايه رايكم احط سيراتك ولا لا
العربية لسة تعتبر زيرو أنا بحبش أى إضافات في الأصل ولو هحط هيبقي بعد 100 ألف
سؤال اخير هو مفيش اي حل ابعد بيه الفران عن العربية
متركنش في المكان ايلي انت بتركن فيه أو تحاول تنظفة من الفئران
معلش انا طولت عليكم انا اسف

ولا يهمك و أهلا بيك

يااخى انت واضح انك بتركن جنب عشه فران وواحد فيهم قبل كده دخل التكيف بتاعك من غير ما تشعر بيه و حس اد ايه الجو حلو فى التكيف فبلغ العش كله بمواصفات سيارتك و مكان التكيف علشان كده انا بنصحك تلغى التكيف خالص هههههههههههههه وده الحل الوحيد