أرجو المساعده لحل مشكلة مكيف عربيتي البولو 2005 100 سي سي

طيب ممكن أسأل أنا كمان سؤال؟؟؟
أنا عربيتي بولو2005 100سي سي و المكيف فيها عند الوقوف أو في حالات السرعة البطيئة (زي أغلب شوارع مصر في الزحمة )لا يُخرج هواء بارد و أضطر إلى إغلاقة حتى لا يزيد من سحب البنزين،فهل هذا شئ طبيعي أم هناك مشكلة ؟ و لو كانت مشكلة فما الحل ، مع اللعلم أني ذهبت للتوكيل و كل إلي عمله غير الفلتر و لكن المشكلة مازالت قائمة؟؟؟فما الحل و أين أذهب ،مع العلم أني أسكن بالهضبه الوسطى بالمقطم ،فما هو أقر مكان متخصص تكيفات ممتاز ممكن أرحله؟؟مع خالص الشكر.....و أرجو الرد سريعاً لأن الحر عمال يشتد ...شكراًhttp://1.1.1.4/bmi/www.nilemotors.ne.../smilies/stink[1].gif

على ما اعتقد طالما التكييف شغال كويس وانتى ماشيه والتبريد حلو يبقى انتى محتاجه واحد كهربائى لكن مش بتاع تكييفات عشان يشوف ايه سبب فصله فى الوقوف والمشى البطىء

ألف شكراً على الرد، و كان عندي سؤال هو لو حطيط عازل (في كول)على الزجاج ده هيحسن من أداء المكيف؟؟

ده عشان يحجب سخونه الشمس انها تدخل جوه الصالون وتأثر على اداء التكييف

اقتباس:

---

المشاركة الأصلية كتبت بواسطة eemmoo

ده عشان يحجب سخونه الشمس انها تدخل جوه الصالون وتأثر على اداء التكييف

---

+111111111111

اغسلى السربنتينة
فى مغسلة سيارات ويفضل ان العربية باردة
والعامل يحرك المسدس من فوق لتحت وليس بالعرض

ألف ألف شكر على كل النصائح المتميزة و إن شاء اله أعمل بها ،و دعوتكم بأن يصبح المكيف كويس عشان الصيف هذه السنة شكله كده شديد الحرارة

و فيه احتمال أخر و هو ان الفريون نسبته قليلة في دورة التكييف و محتاج يتزودلها فريون لأن عربيتي كانت كده و عملت الأتي :-
1- شحن دورة التكييف ودي لازم متخصص شحن تكييفات يكشف علي ضغط الفريون كام بالضبط وهو بيكون عند نقطة الضغط المنخفض 30 psi علي سرعة السلانسيه للمحرك فلو أقل من كده بيحتاج يتشحن تاني
2- غسل و تنظيف السربنتينه الخارجية جيدا
و الحمد لله بقالي سنه و شوية التكييف ممتاز من وقتها

اقتباس:

---

المشاركة الأصلية كتبت بواسطة lamis73

طيب ممكن أسأل أنا كمان سؤال؟؟؟
أنا عربيتي بولو2005 100سي سي و المكيف فيها عند الوقوف أو في حالات السرعة البطيئة (زي أغلب شوارع مصر في الزحمة )لا يُخرج هواء بارد و أضطر إلى إغلاقة حتى لا يزيد من سحب البنزين،فهل هذا شئ طبيعي أم هناك مشكلة ؟ و لو كانت مشكلة فما الحل ، مع اللعلم أني ذهبت للتوكيل و كل إلي عمله غير الفلتر و لكن المشكلة مازالت قائمة؟؟؟فما الحل و أين أذهب ،مع العلم أني أسكن بالهضبه الوسطى بالمقطم ،فما هو أقر مكان متخصص تكيفات ممتاز ممكن أرحله؟؟مع خالص الشكر.....و أرجو الرد سريعاً لأن الحر عمال يشتد ...شكراًhttp://1.1.1.4/bmi/www.nilemotors.ne.../smilies/stink[1].gif

---

السلام عليكم
اذا حضرتك التبريد بيكون كويس وانتى ماشيه على سرعه
و بيكون التبريد ضعيف و انتى ماشييه ببطا
يبقى الكباس اللى راكب كبير شويه على العربيه
و الحل لما تقفى فى اشاره الغى الكباس للحظات .
تحياتى

مع احترامي لكل الاراء السابق ذكرها ولكن انا معايا بولو 98 و 1000 سي سي وعندي نفس المشكلة والموضوع دة بسبب انها 1000 سي سي وبضطر اني اشغل التكيف في العربية 10 دقايق او ربع ساعة قبل ما اتحرك علشان يكون بدأ يعمل شغل وموضوع العازل دة بيفيد لأنه بيقلل من دخول الشمس للعربية زي ما الزملاء قالوا
مع تحياتي

اقتباس:

---

المشاركة الأصلية كتبت بواسطة mohamedshawky230

مع احترامي لكل الاراء السابق ذكرها ولكن انا معايا بولو 98 و 1000 سي سي وعندي نفس المشكلة والموضوع دة بسبب انها 1000 سي سي وبضطر اني اشغل التكيف في العربية 10 دقايق او ربع ساعة قبل ما اتحرك علشان يكون بدأ يعمل شغل وموضوع العازل دة بيفيد لأنه بيقلل من دخول الشمس للعربية زي ما الزملاء قالوا
مع تحياتي

---

انا معايا ابيزا وبرده 1000 سى سى والحمد لله التكييف شغال تمام سواء العربيه واقفه او ماشيه هو طبعا بيأثر على السحب جامد لكن تبريده كويس

اقتباس:

---

المشاركة الأصلية كتبت بواسطة mohamedshawky230

مع احترامي لكل الاراء السابق ذكرها ولكن انا معايا بولو 98 و 1000 سي سي وعندي نفس المشكلة والموضوع دة بسبب انها 1000 سي سي وبضطر اني اشغل التكيف في العربية 10 دقايق او ربع ساعة قبل ما اتحرك علشان يكون بدأ يعمل شغل وموضوع العازل دة بيفيد لأنه بيقلل من دخول الشمس للعربية زي ما الزملاء قالوا
مع تحياتي

---

تحيه طيبه

الموضوع مرتبط اكثر بتناسب قوه الكباس مع قوة خرج القدره الحصانية للموتور
الشاريد و البردوا تكييفها ممتاز
موتور متوسط مع كباس كبير = عزم قليل و تبريد ضعيف

ممكن سؤال ؟؟؟
لو حد عارف هو محمد متولي و أولادة الميكانيكي ،إلي في ش9 بالمعادي كويس و لا لأ؟؟؟؟أصله أقرب ميكانيكي فولكس مني ،و لا بلاش أتعامل معه أحسن؟؟؟؟طيب لو كده حد يعرف ميكانيكي بديل قريب من المعادي
و شكراً لكل من ساهم في حل مشكلتي

اقتباس:

---

المشاركة الأصلية كتبت بواسطة ehab_mansour

و فيه احتمال أخر و هو ان الفريون نسبته قليلة في دورة التكييف و محتاج يتزودلها فريون لأن عربيتي كانت كده و عملت الأتي :-
1- شحن دورة التكييف ودي لازم متخصص شحن تكييفات يكشف علي ضغط الفريون كام بالضبط وهو بيكون عند نقطة الضغط المنخفض 30 psi علي سرعة السلانسيه للمحرك فلو أقل من كده بيحتاج يتشحن تاني
2- غسل و تنظيف السربنتينه الخارجية جيدا
و الحمد لله بقالي سنه و شوية التكييف ممتاز من وقتها

---

أقرب كلام الى الحقيقه واكثره منطقيه الله يفتح عليك يأيهاب
وصيتك أهل فولكس لحد ما ارجع تانى

اقتباس:

---

المشاركة الأصلية كتبت بواسطة M.Mostafa80

أقرب كلام الى الحقيقه واكثره منطقيه الله يفتح عليك يأيهاب
وصيتك أهل فولكس لحد ما ارجع تانى

---

أنا يا باش مهندس عملت كل إلي حضرتك قولت لي عليه و لكن مفيش فائدة المكيف زي ما هو لا يُخرج هواء بارد و مش محصل حتى المروحة، مع إني كشفت على الفريون و الأخصائي قال إنه مضبوط،و نظفت السربنتينة ،و برضه مفيش فائده ،هو أحياناً نادرة يُخرج هواء بارد و لكن معظم الوقت يُخرج هواء لا يمت إلى البروده بأي علاقة ، و قد لاحظت أن العربية سحبها زي ما هو لا يقل بتشغيل المكيف كما هو معروف في سيارة مثل سيارتي؟؟؟!!!خلاص أنا مش عارفه أعمل إيه ،أرجو أن تقول لي الحل لو سمحت لأن الصيف حار جداً و لسه

http://1.2.3.4/bmi/www.nilemotors.ne...milies/36_1_34[1].gif

اوعى تكونى بتشغلى المروحه بس من غير زرار الـ a/c !!!!