حكايه يحيي و احمد فى بورسعيد و اسعار قطع الغيار ^_^

السلاام عليكم اخوانا الهونداويه

تم بحمد الله السفر لبورسعيد امس السبت

انا و حمايا يحيي علشان انا خطبت بيرى منه امبارح و قرينا الفاتحه سوا

المهم نبتدى الحكايه من اولها لاخرها

يحيي اتصل بيا الصبح الساعه 8

طبعا انا نايم كلعاده

صحانى و قالى اييه يا عم انت لسه نايم قولتله يا سيدى اهو صحيت

هو كان نزل من البيت و رايح يركب

و انا لسه قايم من على السرير :penguin4:

المهم هو كان واصفلى طريق علشان اركب بورسعيد

من الهرم للمرج و من المرج اركب بورسعيد

انا قلت بقا استقرب الساعه لسه 8 و شويه

اروح اركب سوبر جيت على السريع كده اتوبيس 9

المهم رحت قطعت التذكره و قولتله يا يحيي انا هركب اتوبيس 9 :Bravo:

و فعلا ركبت اتوبيس 9 و يارتنى ما ركبت بلصلاه على النبى اخد 3 ساعات فى الطريق

غير الافلام ال....... اللى هما بيشغلوها كانوا مشغلين فيلم ثانى اوكسيد الكربون بتاع هانى رمزى

حاجه يعنى تجيب الكساح

وانا اللى قلت اركب سوبر جيت العال لو عسى يبقى فيه مضيفات تطرى القعده :dzey:

بدل ما اركب بيجو و اتزنق و ريحه العرق تخنق اهلى

ركب السوبر جيت لقيتها ناشفه زى المستشفى :stink[1]:

لا مضيفه ولا يحزنون :stink[1]:

قلت عادى يمكن فى موقف الماظه هيركبوا

وصلنا موقف الماظه لقيتها بردو ناااااااااااااااشفه زى المستشفى حاجه يعنى تجيب الشلل

قمت حاطط جزمه فى بقى و عمال اتفرج على الفيلم اللى يجيب الكساح :W_030:

عند القنطره كان يحيي وصل بورسعيد بلسلامه

كلمنى انت فين انا فى القنطره يا سيدى

قدامك قد ايه قلتله تلت ساعه و ان شاء الله اكون فى بورسعيد

و السواااااااق يعنى 3 ساعات يعنى 3 ساعات مفيش لا اقل ولا ازيد

وصلت الحمد لله لبورسعيد

اتصلت بيحيي انت فين يا سيدى قالى انا عند عبدالله فى بنك الاسكان

ركبت تاكسى شاهين ما يعلم الا ربنا قمت قايل فى سرى ورايا ورايا العربيه دى :penguin4:

بقا انا سايبها فى البيت تطلعى فى بورسعيد

ركبت بنك الاسكان يا سيدى

نزلنا بنك الاسكان و انا ماسك الباب بأيدى لانه مش بيقفل بقوله يا عم بقا من بورسعيد و مش قادر تجيب

باب قالى انا مش من بورسعيد قلتله منين قالى من بولاق الدكرور قلتله و انا من الهرم طلعنا جيران و

مكنش عايز ياخد فلوس خاااااااااالص غير ما انا نزلت و قمت حاططله الفلوس على الكرسى و قلوتله

ربنا يستر طريقك استنى بقا اربط الحبل فى الباب علشان ميفتحش تانى :cool:

و قمت ماشى رايح ليحيي

ازيك يا عم يحيي ايه يا عم اخبارك انت متأخرتش و كده قولتله الحمد لله

قعدنا عند عبد الله و دى كانت اول قعده ليا معاه بس كنت بروحله على طول

سلمت على عبد الله بجد ولد زى العسل و دمه خفيف جدااا اينعم حصلت مشكله بينى و بينه كبيره

اوووووى

هو عايز يخطب بيرى و انا اقوله يا سيدى مفيش الكلام ده انا قريت فاتحه ههههههههههه

المهم يلا يا يحيي نقوم ناخد لفه فى بورسعيد

لفينا عند طوب الارض فى الاسكان على موتور SIR & GSR ملقناش غير عند

محسن و مواتيره تعبانه و كودهم b16a2 & b16a4 و الاتنين يحيي مش

عايزهم و سعرهم 8500 بلعصايه و جوز الكبالن و الضفيره

بس حالتهم مش حلوه

قعدنا نلف تانى و تانى و تانى و تانى

قالى تعالى نروح لظاظا قولتله لاء ظاظا اخر واحد علشان انا لو رحت هعربن على المكنه فا سيبوا اخر
واحد

بعد ما زهقنا لف و سؤال عن الموتورين دول

تامر كلمنى و سألنى على موتور 1500 كربيراتير كان عامل 4500 عند ظاظا

و واحد تانى كلمنى و الله مش فاكر اسمه

المهم قلنا ايه بقا كفايه كده و نروح لابو الظيظ نشوف عنده ايه

رحنا لظاظا قلتله بس قبل ما ندخل على ظاظا فى واحد هنا عنده حاجات هوندا نسأل عنده

دخلنا سلام عليكم و عليكم السلام

عايزين مكنه SIR قالى موجوده ببص بعينى لقيت واحده محطوطه فى

الارض بس شكلها مش ولابد

قالى لاء مش دى دى خلع و بتاعت زبون تعالى

اخدنى فتح نص عربيه سيفيك 2000 موجود جواها المكنه

و الموتور زيييييييييييييييييييييرو الكود بتاعه b16a2

بكام يا عم ده قالى هتاخده بأيه قولتله بكل حاجه بلعفشه كمان قالى بس ده من غير اسكاترا

قالنا هى موديل كام قولناله 92 طب يا سيدى الاسكاترا مش هتركب عندكوا

طب يا عم الرغاااى اخلص بكااام

قالى موتور بلقواعد بلضفيره و الكونتروال و القنطره و العفشه كامله من الالف للياء قالى هتفضى

الحوض و تسيبه على الصاج هدفعك 13 الف جنيه

اييييييييه صدمه العمر بقا و بعدين مش ده اللى احنا عايزينه يا عم احنا عايزين b16a &
b16a5

قالى و الله ده اللى عندى

طب يا سيدى متشكرين

و اخدنا بعضنا و دخلنا على ابو الظيظ

اهلا اهلا اهلا عايزين موتور SIR يا حاج ظاظا لا و الله مش عندى طب عايزين

خزنه باور يا حاج ظاظا لا و الله مش عندى بس اقولك عندى على حاجه الخزنه ال 3 مخرج مش موجوده

ولو موجوده هيتكلم فى 450 جنيه



انت ممكن تشترى واحده 2 مخرج عادى جدااااا جدااااااا و تييجى عند المخرج اللى فى الجنب و تخرم

العلبه و تحط ماسوره نحاس و تعمل حواليها مادتين لزق قالى و انسى بقا الكلام لان ده راجع مش مهم


طبعا انا قمت معربن على المكنه ال GSR و يحيي ان شاء الله فيه مفاجأه

معاه بس مش هتتقال دلوقتى كمان 20 او 25 يوم ان شاء الله

و سألناه على الصاج




جوز رفارف 400 جنيه

اكصدام امامى عادى ب 400 جنيه

اكصدام امامى كوبيه بلفوجات 750 جنيه

اكصدام خلفى 400 جنيه

4 باب كاملين ب 1200 او 1300 جنيه

موتور السيفيك ال 1500 الانجكشن اول مره اشوفه بس ما علينا ب 3500 جنيه كامل




بس كده اخدنا بعضنا و سلام عليكم يا عم محمود و عليكم السلام

اخدنا بعضنا و رجعنا لعبدالله تانى

قعدنا معاه

بس و الله مكنش راضى يسبينا نمشى و كل ده طبعا علشان يحيي معانا المهم

دخلت جوه لقيت جنط عجبنى اوووووووووووووى قمت قافش فيه بأيدى و سنانى بكام ده قالى عجبك

قولتله اه قالى خده و امشى طب بكام يا عم عبده قالى خده و امشى ده انت جاى مع يحيي


يمين شمال مفيش خده و امشى

عجبتنى علبه شكمان اووووى بكام دى يا برنس قالى سيبك من الكلام ده و تعالى

اخدنا و دخلنا المكتب طلعلنا علبه ديفيل هوندا اوريجنال المااااااااظ لم تستخدم نهااااااااائى

بكام دى قالى خدها بردو مع الجنط و امشى

يا سيييييييييييدى بكاااااااااام مع الجنط و امشى

و بعد ساعه تقريبا من الكلام ده فين و فين بقا اما قالى دول ب كذا و كذا دى مش هتتقال دلوقتى

:penguin4::grin28:خاااااااااااااال ص ولا اى اسعار هتتقال دلوقتى غير بعد ما العريبه تخلص تماما

خد عربون يا عم عبده مفيش يا سيدى يهديك يرضيك مفيش

يا باشمهندس مفيش كلامنا بفلوس قولتله انا السبت موجود ان شاء الله و هاخدهم مع الموتور

و يلا يا عم يحيي يلا يا ابو حميد

اتمشينا لحد الموقف يحيي ركب السويس علشان خاطر رايح الشغل

و انا قلت اركب السوبر جيت و امرى لله و قطعت تذكره 6 و اخدت بعضى و كل واحد رجع على مكانه

بسلااااااااام

تحياتى ليكوا يا هونداويه و معلش لو كنت بطول عليكما بس لازم اقولكلوا اللى حصل بلتفصيل الممل

^_^

ربنا يوفقك و يتممهالك على خير .. العربية و العروسه.

بجد أنت لو كنت يتكتب محاضرات بالطريقة دي .. كنت تبقى هايل :biggrin24:

اقتباس:

---

المشاركة الأصلية كتبت بواسطة kar!m

ربنا يوفقك و يتممهالك على خير .. العربية و العروسه.

بجد أنت لو كنت يتكتب محاضرات بالطريقة دي .. كنت تبقى هايل :biggrin24:

---

ده لو بقا يا استاذ كريم كان زمان الواحد فلح :penguin4:
ولو حرف شعلقه فى الجو :D:D:D
^_^

تمام يعنى الحمد لله جت بفايدة

اقتباس:

---

المشاركة الأصلية كتبت بواسطة semsem kane

تمام يعنى الحمد لله جت بفايدة

---

الحمد لله يا موحه
^_^

حمد الله على السلامه
وألف مبروك

اقتباس:

---

المشاركة الأصلية كتبت بواسطة ahmedeihab

ده لو بقا يا استاذ كريم كان زمان الواحد فلح :penguin4:
ولو حرف شعلقه فى الجو :d:d:d
^_^

---

انا اللى كلمتكواسمى مصطفى وكنت باساللك على لاكصدام الكوبيه

اقتباس:

---

المشاركة الأصلية كتبت بواسطة ibrahim hassan

حمد الله على السلامه
وألف مبروك

---

تسلم يا كبير
^_^

اقتباس:

---

المشاركة الأصلية كتبت بواسطة wildwest100

انا اللى كلمتكواسمى مصطفى وكنت باساللك على لاكصدام الكوبيه

---

ايووووووووه هو انت يا معلمى
معلش بقا اصل فى ناس كتير كلمتنى و نسيت الاسامى
و على فكره يا رجاله وائل كمان اتصل بيا امبارح علشان نسيت اكتبه
^_^

اولا انا بباركلك على الحجات الى عربنت عليها و يا رب تيجى و تركب على خير
و بجد مش عارف اشكرك ازاى انا سالتك على حجات كتير و اتصلت بيك اكتر من مره و انت كونت بترد و و عاوز تساعد بجد الله بيركلك

اقتباس:

---

المشاركة الأصلية كتبت بواسطة totti78ali

اولا انا بباركلك على الحجات الى عربنت عليها و يا رب تيجى و تركب على خير
و بجد مش عارف اشكرك ازاى انا سالتك على حجات كتير و اتصلت بيك اكتر من مره و انت كونت بترد و و عاوز تساعد بجد الله بيركلك

---

يا عم تامر دى اقل حاجه اقدر اقدمها و الله كلنا هنا بنتعلم من بعض و بنساعد بعض
فا متقلقش محدش هيبخل عليك بمعلومه واحده توحد ربنا
و كل الناس هتساعدك متقلقش
اهم حاجه اننا نوصل لنتيجه كويسه تريحنا
^_^

اقتباس:

---

المشاركة الأصلية كتبت بواسطة ahmedeihab

يا عم تامر دى اقل حاجه اقدر اقدمها و الله كلنا هنا بنتعلم من بعض و بنساعد بعض
فا متقلقش محدش هيبخل عليك بمعلومه واحده توحد ربنا
و كل الناس هتساعدك متقلقش
اهم حاجه اننا نوصل لنتيجه كويسه تريحنا
^_^

---

تسلم يا باشه
بس فى سوال كده على الماشى الموتور ال 1500 الانجكشن ده من غير العفشه ؟
طيب العفشه تعمل كام و التنك كمان (عاوز اضبط الميزانيه )
معلش انا اسالتى كتير

اقتباس:

---

المشاركة الأصلية كتبت بواسطة totti78ali

تسلم يا باشه
بس فى سوال كده على الماشى الموتور ال 1500 الانجكشن ده من غير العفشه ؟
طيب العفشه تعمل كام و التنك كمان (عاوز اضبط الميزانيه )
معلش انا اسالتى كتير

---

ولا يهمك يا كبير
عفشتك هتركب عليه مفيش مشاكل
و التانك هيعمل فى حدود 500 جنيه
^_^

اقتباس:

---

المشاركة الأصلية كتبت بواسطة ahmedeihab

ولا يهمك يا كبير
عفشتك هتركب عليه مفيش مشاكل
و التانك هيعمل فى حدود 500 جنيه
^_^

---

يا باشه انا الموتور عندى 1300 cc هينفع الركب الموتور ال1500 cc من غير ما اغير العفشه و الكبالن

اقتباس:

---

المشاركة الأصلية كتبت بواسطة totti78ali

يا باشه انا الموتور عندى 1300 cc هينفع الركب الموتور ال1500 cc من غير ما اغير العفشه و الكبالن

---

الموتور هييجى بكبالن دى اول حاجه
و بعدين ازاى الموتور اللى عندك 1300 مش انت سيفيك
قولى بقا انت سيفيك موديل كام علشان الفار بيلعب فى عبى
^_^

يا باشه من غير فار ولا حاجه سيفك 83

اقتباس:

---

المشاركة الأصلية كتبت بواسطة totti78ali

يا باشه من غير فار ولا حاجه سيفك 83

---

اوباااااااا يبقى الفار كان احساسه صح
دلوقتى يا باشا انت هتغير موتور و عفشه كامله و فرامل
^_^

بالتوفيق يا ابو حميد انت وابوبيرى وكان الله فى العونكم من كتر اللف :Bravo:

اقتباس:

---

المشاركة الأصلية كتبت بواسطة ahmedeihab

اوباااااااا يبقى الفار كان احساسه صح
دلوقتى يا باشا انت هتغير موتور و عفشه كامله و فرامل
^_^

---

عارف :stink[1]:
و هو ده الى مخلينى عمال اسال على الاسعار علشان اعمل الحسبه الى شكلها هتخرم على الاخر

اقتباس:

---

المشاركة الأصلية كتبت بواسطة mmharoun

بالتوفيق يا ابو حميد انت وابوبيرى وكان الله فى العونكم من كتر اللف :bravo:

---

اه و الله يا هارون
و لسسسسسسسسسسسسسه اللى جاى احلى و اكتر مليون مره
^_^

بالتوفيق يابوحميد وان شاء الله عربيتك تكمل على خير بجد انت انسان محترم وتستاهل كل خير ....

اقتباس:

---

المشاركة الأصلية كتبت بواسطة totti78ali

عارف :stink[1]:
و هو ده الى مخلينى عمال اسال على الاسعار علشان اعمل الحسبه الى شكلها هتخرم على الاخر

---

ههههههههههههه اماااااااااال انا اعمل ايييييييييييييييييييييييي يييه :stink[1]::stink[1]:
^_^

اقتباس:

---

المشاركة الأصلية كتبت بواسطة koshary

بالتوفيق يابوحميد وان شاء الله عربيتك تكمل على خير بجد انت انسان محترم وتستاهل كل خير ....

---

ربنا يخليك يا كشرى
انت اللى انسان جميل و الله
^_^

الله ينور يا رجاله على الشغل والاداء العالى ده .... وعلى فكره يا هوبا انا لقيت علبه فى الحرفيين ب 250 جنيه عند ابو اوصه
3 بزبوز على رأى الواد هههههههه

المهم انا فعلا هعمل القصه دى فى العلبه اللى خدتها من خالد فوكس وربنا يسهل علشان انا لسه معملتش اى حاجه فى العربيه ... بس بقلق من قصه اللحام دى بالذات فى علبه الباور علشان ليها ذكريات اليمه معايا :((

وعبد الله ده بصراحه عنده حبه جنوط ملهاش حل وعلب شكمان كمان كنت رحت عنده بالصدفه رمضان اللى فات لما كنت بشد العربيه وانسان محترم واجتماعى جداا وقعدت معاه بتاع ساعه برضه بس مخدتش منه حاجه علشان كان عنده جنوط 16 والميزانيه معايه مكنتش تسمح :)) وربنا معاك يا بوب فى مشوراك ده ويتممه على خير ان شاء الله يا صاحبى :)

اقتباس:

---

المشاركة الأصلية كتبت بواسطة totti78ali

تسلم يا باشه
بس فى سوال كده على الماشى الموتور ال 1500 الانجكشن ده من غير العفشه ؟
طيب العفشه تعمل كام و التنك كمان (عاوز اضبط الميزانيه )
معلش انا اسالتى كتير

---

شوف ياباشا زى ماقولتلك قبل كدة انت كدة هتدفع كتير

الافضل ليك لو عايز تجيب حاجة انجيكشن هتعمل تعديلات كتير وكمان هتستغنى عن التكييف وهيبقى الشغل فى العربية ضيق اوى فيما بعد

عموما لو عايز سقط نفس موديل ماتورك بس ال ew او المحرك المزود بال cvcc ودة موجود عند ظاظا ب 3500 وهيسقط عندك بدون تغير لانة كربراتير

لكن لو عايز تسقط 1500 انجيكشن يبقى هتعمل الاتى :

1- تمن المحرك : 4500 جنية d15b

2- عفشة امامية ( كبالن خاصة بسيفيك 1500 + الاكسات - طنابير + كاليبرات مش عايزين اكتر من كدة ودية مش بتيجى مع المحرك ال 1500 وسعرهم 700 جنية

3- هتفتح فتحة فى التانك على قد الطلمبة بتاعة السيفيك 92 لان العربية دية مش هتلاقى ليها محرك انجيكشن فبالتالى مش هيكون لية تانك فية طلمبة كهرباء

4- ضفيرة المحرك بتيجى معاة بس انت هتحتاج تحولها من يمين الى شمال لو مش متحولة + لازم تعمل لمبة فى العداد تكون لمبة الاعطال بتاعتك + انك تركب عداد rpm عشان ظبط العربية + هتعمل مكان عشان تربط فية الكنترول

اقتباس:

---

المشاركة الأصلية كتبت بواسطة wael ahmed

الله ينور يا رجاله على الشغل والاداء العالى ده .... وعلى فكره يا هوبا انا لقيت علبه فى الحرفيين ب 250 جنيه عند ابو اوصه
3 بزبوز على رأى الواد هههههههه

المهم انا فعلا هعمل القصه دى فى العلبه اللى خدتها من خالد فوكس وربنا يسهل علشان انا لسه معملتش اى حاجه فى العربيه ... بس بقلق من قصه اللحام دى بالذات فى علبه الباور علشان ليها ذكريات اليمه معايا :((

وعبد الله ده بصراحه عنده حبه جنوط ملهاش حل وعلب شكمان كمان كنت رحت عنده بالصدفه رمضان اللى فات لما كنت بشد العربيه وانسان محترم واجتماعى جداا وقعدت معاه بتاع ساعه برضه بس مخدتش منه حاجه علشان كان عنده جنوط 16 والميزانيه معايه مكنتش تسمح :)) وربنا معاك يا بوب فى مشوراك ده ويتممه على خير ان شاء الله يا صاحبى :)

---

بلنسبه للعلبه انت اعمل اللى انا قلتلك عليه ده
و اعمله بلحام كويس اوى بس يبقى لحام نضيف علشان يمسك و ميفكش مع السخونيه
و شوف لو لقيت الدنيا تمام يبقى اشطه مش تمام يبقى هتشترى علبه و امرك لله
و ربنا يخليك يا كبير و اشوفك كده فى احسن حال
^_^

اقتباس:

---

المشاركة الأصلية كتبت بواسطة semsem kane

شوف ياباشا زى ماقولتلك قبل كدة انت كدة هتدفع كتير

الافضل ليك لو عايز تجيب حاجة انجيكشن هتعمل تعديلات كتير وكمان هتستغنى عن التكييف وهيبقى الشغل فى العربية ضيق اوى فيما بعد

عموما لو عايز سقط نفس موديل ماتورك بس ال ew او المحرك المزود بال cvcc ودة موجود عند ظاظا ب 3500 وهيسقط عندك بدون تغير لانة كربراتير

لكن لو عايز تسقط 1500 انجيكشن يبقى هتعمل الاتى :

1- تمن المحرك : 4500 جنية d15b

2- عفشة امامية ( كبالن خاصة بسيفيك 1500 + الاكسات - طنابير + كاليبرات مش عايزين اكتر من كدة ودية مش بتيجى مع المحرك ال 1500 وسعرهم 700 جنية

3- هتفتح فتحة فى التانك على قد الطلمبة بتاعة السيفيك 92 لان العربية دية مش هتلاقى ليها محرك انجيكشن فبالتالى مش هيكون لية تانك فية طلمبة كهرباء

4- ضفيرة المحرك بتيجى معاة بس انت هتحتاج تحولها من يمين الى شمال لو مش متحولة + لازم تعمل لمبة فى العداد تكون لمبة الاعطال بتاعتك + انك تركب عداد rpm عشان ظبط العربية + هتعمل مكان عشان تربط فية الكنترول

---

+111111
انا شايف انه يوفر على نفسه و يشترى ال cvcc
اوفر فلوس و مش هيعدل فيه
^_^

فى حته يا رجاله فاتت منى و يحيي كلمنى و قالى اكتبها ضحك السنين بقا هنا

دخلنا على 2 محترمين سلام عليكم و عليكم السلام :W_030:

عايزين SIR

يقولنا لييييه !!!!!! :dzey::dzey:

يا سيدى SIR & GSR

يقولنا ايوه ليييييييه !!!!:shyy:

و انا فاكره كل ده بيهرج و بضحك

يا سيدى عايزين المكن ده

فا صاحبه يقوله جرى و الكلام ده

يقولى ماشى بس ليييييه

يا عم و انت مال اهلك ليه عندك ولا مش عندك قالى لاء

قلتله طب الاقيه فين

فا الاتنين قاعدين مع بعض :B4_033::B4_033:

لقيت كل واحد شاور فى اتجاه واحد شاور يمين و التانى شاور شمال و انا قمت واقف فاتح بقى مش

فاهم حاجه خاااااااااااااااالص :dzey:

بقيت واقف انا و يحيي فى النص :whtauwant::whtauwant: نبص لده شويه و نبص لده شويه

مش ففاهمين حاجه خااااااااااااالص:33::33: زى البتاع ده كده

و قمنا واخدين نفسينا و ماشيين و ميتين على نفسنا من الضحك :POINTIy2[2]::POINTIy2[2]:

^_^

ايه يا عم جوالسسبينس ده
مش تقولى كده ناوى على ايه و ايه الخطه الجايه
و هتعدل ايه و تحجزلى لفه شكلك ناوى تعمل حاجه فيها حصانه كتير و انا بموت فى الحصانه الكتير
ربنا يباركلك يا احمد بيه

اقتباس:

---

المشاركة الأصلية كتبت بواسطة minicooper20

ايه يا عم جوالسسبينس ده
مش تقولى كده ناوى على ايه و ايه الخطه الجايه
و هتعدل ايه و تحجزلى لفه شكلك ناوى تعمل حاجه فيها حصانه كتير و انا بموت فى الحصانه الكتير
ربنا يباركلك يا احمد بيه

---

يارب يا كبير و ان شاء الله لفتك محجوزه
^_^

اقتباس:

---

المشاركة الأصلية كتبت بواسطة ahmedeihab

يارب يا كبير و ان شاء الله لفتك محجوزه
^_^

---

فين صور الحاجة اللى عند عبدالله

اقتباس:

---

المشاركة الأصلية كتبت بواسطة semsem kane

شوف ياباشا زى ماقولتلك قبل كدة انت كدة هتدفع كتير

الافضل ليك لو عايز تجيب حاجة انجيكشن هتعمل تعديلات كتير وكمان هتستغنى عن التكييف وهيبقى الشغل فى العربية ضيق اوى فيما بعد

عموما لو عايز سقط نفس موديل ماتورك بس ال ew او المحرك المزود بال cvcc ودة موجود عند ظاظا ب 3500 وهيسقط عندك بدون تغير لانة كربراتير

لكن لو عايز تسقط 1500 انجيكشن يبقى هتعمل الاتى :

1- تمن المحرك : 4500 جنية d15b

2- عفشة امامية ( كبالن خاصة بسيفيك 1500 + الاكسات - طنابير + كاليبرات مش عايزين اكتر من كدة ودية مش بتيجى مع المحرك ال 1500 وسعرهم 700 جنية

3- هتفتح فتحة فى التانك على قد الطلمبة بتاعة السيفيك 92 لان العربية دية مش هتلاقى ليها محرك انجيكشن فبالتالى مش هيكون لية تانك فية طلمبة كهرباء

4- ضفيرة المحرك بتيجى معاة بس انت هتحتاج تحولها من يمين الى شمال لو مش متحولة + لازم تعمل لمبة فى العداد تكون لمبة الاعطال بتاعتك + انك تركب عداد rpm عشان ظبط العربية + هتعمل مكان عشان تربط فية الكنترول

---

يا باشه انا عاوز اعمل الموضوع باقل التعديلات يعنى موتور كويس و خلاص يعنى انا مش عاوز احول انجكشن ولا حاجه

اقتباس:

---

المشاركة الأصلية كتبت بواسطة ahmedeihab

+111111
انا شايف انه يوفر على نفسه و يشترى ال cvcc
اوفر فلوس و مش هيعدل فيه
^_^

---

تمام كده هو ده الى انا هعملو انشاء الله

اقتباس:

---

المشاركة الأصلية كتبت بواسطة wildwest100

فين صور الحاجة اللى عند عبدالله

---

يا باشا الصور مع يحيي و يحيي فى الجيش مستنيه ينزل
و ان شاء الله بكره فى بورسعيد لو حد احتاج حاجه
^_^

اقتباس:

---

المشاركة الأصلية كتبت بواسطة ahmedeihab

فى حته يا رجاله فاتت منى و يحيي كلمنى و قالى اكتبها ضحك السنين بقا هنا

دخلنا على 2 محترمين سلام عليكم و عليكم السلام :W_030:

عايزين SIR

يقولنا لييييه !!!!!! :dzey::dzey:

يا سيدى SIR & GSR

يقولنا ايوه ليييييييه !!!!:shyy:

و انا فاكره كل ده بيهرج و بضحك

يا سيدى عايزين المكن ده

فا صاحبه يقوله جرى و الكلام ده

يقولى ماشى بس ليييييه

يا عم و انت مال اهلك ليه عندك ولا مش عندك قالى لاء

قلتله طب الاقيه فين

فا الاتنين قاعدين مع بعض :B4_033::B4_033:

لقيت كل واحد شاور فى اتجاه واحد شاور يمين و التانى شاور شمال و انا قمت واقف فاتح بقى مش

فاهم حاجه خاااااااااااااااالص :dzey:

بقيت واقف انا و يحيي فى النص :whtauwant::whtauwant: نبص لده شويه و نبص لده شويه

مش ففاهمين حاجه خااااااااااااالص:33::33: زى البتاع ده كده

و قمنا واخدين نفسينا و ماشيين و ميتين على نفسنا من الضحك :POINTIy2[2]::POINTIy2[2]:

^_^

---

ايوه ايوه عرفهم دول بورسعيدين زيينا هههههههههههه
انا كنت بسال من كام شهر على كراسى sir الكنبه الخلفيه لقيت الراجل بيقولى مفيش غير الكراسى بس من غير فرش قلتله يا خساره راح قالى ليه فى ايه
رديت عليه و قلتله كنت عايز فرش الابواب كمان فضل يقولى ليه عايزو ليه ؟؟

و فى الاخر قلتله علشان يمشى مع الفرش و الصالون يبقى واحد
راح قالى انا ممكن افصلك فرش الابواب زى ال sir بالظبط هههههههههههههههههههه

اقتباس:

---

المشاركة الأصلية كتبت بواسطة ahmedeihab

يا باشا الصور مع يحيي و يحيي فى الجيش مستنيه ينزل
و ان شاء الله بكره فى بورسعيد لو حد احتاج حاجه
^_^

---

لو مفيهاش رزاله يا استاذ احمد ممكن تجيبلى ماكينه زجاج كهرباء سيفيك 1993 شمال انا الماكنه اللى عندى بايظه من 8 شهور و دايخ عليها رقمى 01114445999

اقتباس:

---

المشاركة الأصلية كتبت بواسطة dieseldash

لو مفيهاش رزاله يا استاذ احمد ممكن تجيبلى ماكينه زجاج كهرباء سيفيك 1993 شمال انا الماكنه اللى عندى بايظه من 8 شهور و دايخ عليها رقمى 01114445999

---

حضرتك يا باشا كلمنى بكره ان شاء الله علشان منساش و فكرنى
^_^

اقتباس:

---

المشاركة الأصلية كتبت بواسطة ahmedeihab

حضرتك يا باشا كلمنى بكره ان شاء الله علشان منساش و فكرنى
^_^

---

ربنا يكرمك طيب ممكن رقمك و هل اكلمك على الظهر كده؟

اقتباس:

---

المشاركة الأصلية كتبت بواسطة dieseldash

ربنا يكرمك طيب ممكن رقمك و هل اكلمك على الظهر كده؟

---

01097235000

ان شاء الله انا في بورسعيد برضه بكره لو حد احتاج حاجه يكلمنى بعد الساعة 11:30

اقتباس:

---

المشاركة الأصلية كتبت بواسطة m_nabil

ان شاء الله انا في بورسعيد برضه بكره لو حد احتاج حاجه يكلمنى بعد الساعة 11:30

---

هتلاقينى هناك ان شاء الله بردو لانى مرحتش النهارده للاسف علشان حصلت ظروف كده
و بعتذر لكل الناس اللى كلمونى النهارده معلش يا رجاله فى ظروف كده
فا هروح بكره الاحد ان شاء الله
^_^

اقتباس:

---

المشاركة الأصلية كتبت بواسطة ahmedeihab

هتلاقينى هناك ان شاء الله بردو لانى مرحتش النهارده للاسف علشان حصلت ظروف كده
و بعتذر لكل الناس اللى كلمونى النهارده معلش يا رجاله فى ظروف كده
فا هروح بكره الاحد ان شاء الله
^_^

---

انشاء الله يكون خير و تروح وتيجى بالسلامه