بعد اقل من شهر الحمد لله عملت حادثة !!

**meado_2005** · 20-05-2012 01:50 PM

ممكن في ناس فاكرة اني لما جبت العربية اكتشفت اني اتنصب عليا في 8000 جنيه في سعرها و ده زعلني جدا مع اني كنت مصلي استخارة.
بس دلوقتي و بعد ما عملت حادثة وشفت ان لو كانت اي عربية تانية غير دي كان زماني مش موجود عشان اكتب الموضوع ده.

الحمد لله والشكر لله. و تحياتي للبي ام دبليو و اصحابها.

**hanyhosney** · 20-05-2012 02:53 PM

الف حمد الله علي سلامتك
واتمني تكون انت بخير مش مهم العربيه
ولكن تعقيبا علي كلامك البي ام صاج صاج
وربنا ال بيستر ويمد ايده

**S O P H O S** · 20-05-2012 04:03 PM

الحمد الله انك بخير
مش مهم العربيات ولا الفلوس والله المهم حياة الانسان ..

**meado_2005** · 20-05-2012 04:21 PM

شكرا يا رجالة على اهتمامكوا و الحمد لله على كل شئ و انا مازعلتش لحظة على الاضرار الي في العربية. ده نصيب

**hanyhosney** · 20-05-2012 04:28 PM

ايه ال في العربيه؟

**meado_2005** · 20-05-2012 05:00 PM

المشاركة الأصلية كتبت بواسطة hanyhosney

ايه ال في العربيه؟

انا خبطت في مقطورة من عند اخر الباب الشمال و اول الرفرف الشمال و بعد كده دخل في خرسانة بوش العربية و الكبوت اتعوج شوية و الشبعة والاكصدام شرحه.

طبعا الحمد لله ان ده الي حصل لاني كنت ماشي على 190 و كان في مقطورتين ماشيين ورا بعض ، المقطورة الي ورا كانت عايزة تعدي المقطورة الي قدامها فقفلت عليا الطريق.
حاولت افرمل بس طبعا مستحيل على السرعة دي ، قمت دخلت يمين ورا المقطورة التانية طمعا في اني الاقي مسافة افرمل وبرضة ماكفتش المسافة. رفعت فرامل يد ومافيش فايده. وطبعا لاني كان منصوب عليا في موضوع الافرامل الاي بي اس اطريت اني اشيل رجلي من الفرامل عشان اعرف احود يمين تاني و ادخل في الرملة و رجعت فرملت تاني. و انا بأفادي المقطورة التانيةاتخبط الباب الي ورا مع الرفرف و بعد كده دخلت في خرسانة. وهي الي انقذتني من اني انط في حفرة عمقها 2 متر . والحمد لله.