تنصحونى اشترى نيسان ليفينا ولا لأ
أرجو الأفاده فى اسرع وقت
وهل احد يعرف تسلمها بعد اد ايه من الحجزم وشكرا لكم
-----
تم تعديل العنوان ليتناسب مع محتوى الموضوع
مشرف القسم
1ب
عرض للطباعة
تنصحونى اشترى نيسان ليفينا ولا لأ
أرجو الأفاده فى اسرع وقت
وهل احد يعرف تسلمها بعد اد ايه من الحجزم وشكرا لكم
-----
تم تعديل العنوان ليتناسب مع محتوى الموضوع
مشرف القسم
1ب
بص يا باشا، هي عربية جميلة وممتازة جدا، بس أنا أنصحك بالتيدا (وعلى فكرة الاتنين تقريبا واحد) بس التيدا قطع غيارها متوفرة أكثر لأنها منتشرة أكثر من الليفينا واستهلاكها أفضل في البنزين من الليفينا.. تحياتي
التيدا افضل فعلا ...
+111
الليفينا و التيدا يعتبر لهم نفس قطع الغيار .. عشان اخونا أحمد محسن لما عمل حادثة بيها حط فيها قطع غيار تيدا .. هي هي
عربية ممتازة و جميلة جدا بس للاسف انتاجها هيقف ..
انا متشكر فعلا ليكم كلكم على الردود وكلها معناها انى ابعد عنها
طيب انا عايز عربية عاليه وليست سيدان تنصحونى بايه بدل الليفينا والأهم اتوماتيك
فعلا محتاج ارائكم ومساعدتكم:Bravo:
طيب ممكن يقلي اسعار التيدا ايه لاتوماتيك عاديه وفل اوبشنز
وهل هي صغيره من جوه ولا لا
وشكرا
اقرا حضرتك الموضوع ده :
http://www.nilemotors.net/Nile/259332-a.html
حاول تنزل تتفرج على التيدا و تقعد فيها من جوه . هى واسعه اكيد بس ممكن يعيبها الثبات مع السرعات و بعض الناس بتعترض شويه على شكلها بس دى مسأله اذواق فبرضه ممكن تحكم عليها بنفسك اما بالنسبه لاى حاجه تانيه فيها زى الموتور ، التكييف،.... هتلاقى موضوعات كتيره جداً عنها و الاعضاء هنا هيفيدوك اكيد
لو حضرتك لم تستقر علي التيدا
فأرجو ان تنظر علي هيونداي ix20
تحياتي لحضرتك
م.حاتم السباعي
فعلا لازم تنزل تتفرج على العربيات على الطبيعة .. وبعد كدا لو محتار فى الاختيار اسالنا
لان مهم جدا تكون شوفت كذا عربية ولقعدت فيها وشوفت الوسع والخامات وكل حاجة عن العربيات اللى بتقارن فيهم .. وبعد كدا حنحاول نساعدك فى عملية الاختيار
والتيدا عربية واسعة السيدان منها وحترتاح معاها .. بس لو بتجرى فوق ال140 يبقا بلاش .. بسبب حجم وكبر العربية .. الثبات بيقل
لكن ماتورها قوى جدا وجبت بيه 205 .. وفى التقرير بتاعى اللى مفصص فيه العربية اقرائه واكيد حيساعدك
تحياتى
على رائ المثل التيدا واااااسعة وشديدة.
(-:
انا سمعت ان النيسان اللفينا ممتازة بس مشكلتها قطع الغيار و اعادة البيع صعبة جداً هل هذا الكلام صحيح ؟؟؟
و لو امامى واحدة موديل 2009 حالتها ممتازة كم تساوى ؟؟؟؟
انا سمعت ان النيسان اللفينا ممتازة بس مشكلتها قطع الغيار و اعادة البيع صعبة جداً هل هذا الكلام صحيح ؟؟؟
و لو امامى واحدة موديل 2009 حالتها ممتازة كم تساوى ؟؟؟؟
انا فى حيرة شديدة لانها عجبانى
انا رأي لو عايز عربية زي الليفينا و عائلية و واسعة و نفس الفئة السعرية خليك في الكارينز و كله بيشكر فيها
انا سمعت ان اللفينا دى جامدة جدا و شكلها عاجبنى اكثر و فى ناس كتير بتشكر فيها بس عدم انتشارها مقلق
اجو احد من ملاكها يفيدنى
و بالنسبة لسعر موديل 2009 مستعمل بحالة ممتازة كم تساوى
يا جماعة محدش بيرد ليهههههههههههه ؟؟؟
شوف انا حاطط الموضوع ده وكل لما احط موضوع فى اى منتدى عن الليفينا يكلمونى على هربية تانيه
من الأخر منصحكش بيها انا كان نفسى اشتريها وعجبانى جدا
بس عدم انتشارها وحش جدا
يعنى مثلا كان فى واحد عارض موديل تقريبا 2010 للبيع غلى النت حط 100 الف وفضل يدلل عليها لحد ما نزلها ل 75000 وكانت حلتها ممتازه على كلامه وبرده متبعتش
يعنى لو حبيت ترجع تبيعها مش هتعرف خاصة وانى عرفت ان السنه دى اخر سنه هينتجوها ود زود البله تين
الراى رايك واى خدمه
التيدا رائعة .. لكن لو انت عايز عربية كبيرة فأنا افضل كيا كارنز .. انا سوقتها و عجبتني كعربية للسفريات فقط لا غير
السلام عليكم . . . انا معايا ليفينا 2010 ماشية دلوقتي 15000 لسة عامل صيانة 15000
جربت الكارينز ومعجبتنيش عشان ورق وضعيفة وقطع غيار غالية
الليفينا عجبتني صاجها امتن واقوي والماتور اقوي بكتير وامكانيات اعلي بسعر اقل
قطع غيار اليفينا في التوكيل اقل من الكارينز ومن عربيات كتير شبها في التوكيل لكن في مشكلة ان اغلب قطع الغيار الخارجية لجسم العربية مش موجودة لازم تحجزها وبعد كدة تتشحنلك . . . . اما القطع الداخلية كتير منها شبه التيدا لانها نفس الماتور و الفتيس
العربية الحمد لله محصلش معايا اي مشكلة منها واستهلكها في البانزين لنوعيتها كويس جدا اوتوماتيك وعربية كبيرة : : هيا اتقل من الكارينز بالمناسبة في الوزن : :
بنسبة للانتشار فعلا العربية انشاراها قليل ساعة ما اشترتيها . . . لكن دلوقتي ابتدي يظهر منها في الشارع بقت زي انتشار التيدا من سنتين . . . لما اشتريتها مكنش في ولا عربية في كونتاكت كارز بتباع دلوقتي في 5 !
لكن برضو يعيبها انتشاراها ضعيف قطع الغيار خارج التوكيل نادرة . . .
اما حكاية ان تصنيعها هيتوقف ما اظن اكتب livina 2012 او livina 2013 في جوجل ما في شكل جديد نزل ! والعربية عرفت انها ناجحة جدا في اسيا ومبيعتها في ماليزيا مثلا متفوقة علي التيدا بكتير !
فا ما اظنش علي الاقل سنتين 3 علي ما العربية تتغير . . . .
ونصيحتي الخاصة
العربية رائعة في فئتها السعرية وافضل من كل الي في فئتها السعرية ووقتها انا قعدت شهرين جربت عربيات كتير كوري وحتي الصني والتيدا . . .
يا ليفينا يا اما لو حضرتك تقدر تذود شوية وتجيب كورولا 2010 ياباني مستعملة بحالتها غير كدة منصحش حضرتك . . . .
واي سؤال انا تحت امر حضرتك
وعموما الناس ازواق ومتطلبات انا لما اشتريتها كانت زوقي ومتطلباتي
عربية كبيرة ميني فان ان جاز التعبير !
الامان ثم الامان ثم الامان
التوكيل . . .لانة الي هيوفرلي ويحللي المشاكل حتي لو العربية مش منتشرة . . زي القاشقاي والجوك وو الخ
العربية متكنش منتشرة زي الرز . . . . والصاج . . والصاج في اليفينا محمي من كل الاتجاهات بفبر كامل الحمد لله انا حكيت بيها كتير لكن كلة في الفيبر حمالي العربية والصاج ووفر مصاريف كتير :)
قوة الماتور , , , , ماتور التيدا الي راكب في الليفينا ماتور الصراحة نيسان ابدعت فية ما شاء الله وااكبر سرعة جبتها بيها 180 مقدرتش ازود لظروف الطريق " اسكندرية مطروح "
اصل انا معروض عليا واحدة 2009 حالتها ممتازة بس لما روحت نيسان قالولى ان قطع غيارها قليلة و غير متوفرة فى المحلات و قالولى ان انتاجها هيقف فبصراحة انا خايف من موضوع قطع الغيار و اعادة البيع و ناس نصحتنى بالماتريكس
انا سألت فى نيسان قالولى ان هما مش هينزلوها مصر تانى و دى هتكون مشكلة بالنسبة لقطع غيارها اكبر و قالولى ان قطع غيارها فى التوكيل فقط و بنسب بسيطة عشان الطلب علها قليل و دى حاجة تقلق انا معروض عليا واحدة 2009 و عجبانى جدا بس كل الناس نصحتنى بعدم شراها عشا قطع الغيار ده غير اعادة البيع و نصحونى بالماتريكس
اتأكد من حكاية انها مش نازلة مصر تاني لأن ابتدي يتباع منها . . هو عيب نيسان مصر انها دعائيا فاشلة d:
لأن لحد 2014 تقريبا نفس الشكل برة مش هتتغير . . . . لو التوكيل المصري مش هينزل منها تاني عشان يبيع الجوك والقشقاي مثلا . . يبقي متجبهاش . . . لكن نصيحة مني ليك خليك في الياباني حتي لو تصبر شوية تجمع فلوس سواء تويوتا او نيسان -
انا فعلا اتأكدت انهم مش هينزلوها تانى و ده كلام من التوكيل عشان قالى احنا منازلين موديلات كتيرة و كمان النيسان الصنى الجديدة نزلت و شكلها حلو و انت عندك حق قالولى لو مش هتنزل تانى يبق قطع غيارها هتبقى قليلة حتى فى التوكيل و اعادة البيع هتكون صعبة جدا و ده قصدك اكيد انها لو مش هتنزل تانى بلاش اجازف عشان دى اول عربية اجيبها و بكل الفلوس اللى معايا فخايف اجبها و اندم
لفت نظري كلمة حضرتك ان دي اول عربية تجيبها
فمش معقولة تجيب عربية قطع غيارها نادرة باستثناء قطع التيدا الي تنفع فيها
صدقني دي مشكلة ممكن تعكر دمك ايام وشهور لغاية مايستوردوا القطعة الي عاوزها من الصين
لاني اعتقد ان الليفينا يباني متجمعة في الصين زي البلو بيرد مع اختلاف الجودة
خليك في عربية منتشرة وقطع غيارها متاحة
ولو العالية في القعدة وليس عن الارض يبقى الكارينزا افضل الاختيارات
ولو هتقبل السيدان ومتاقبل شكل التيدا هتبقى افضل اختيار
اما لو عاوز شكل احدث سيدان هتلاقي نفسك رحت على السيراتو او الالنترا
اكرر في النهاية عربية قطع غيارها نادرة معناها معاناة دائمة
وساعة ماتعوز تخلص منها هتخسر كتييييير
تقبل مروري
بالتوفيق يا باشا
انا بعد ما اتفقت و كنت خلاص هجيبها كل الناس خوفتنى من قطع غيارها مع انها حلوة جداً و عجبانى بس خوفت من قطع الغيار و انها مش هتنزل تانى
و بالنسبة لسعر 2009 مستعملة بس ممتازة كم تساوى للعلم