تم عمل كل شىء و النتيجة لا تغير فى الكتمة و على المتضرر اللجوء للقضاء
عرض للطباعة
تم عمل كل شىء و النتيجة لا تغير فى الكتمة و على المتضرر اللجوء للقضاء
قيست الفاكيوم مرة تانية ولا لاء علشان ممكن يكون حساس الماب تالف
باشا انا عندى نفس المشكله دى ف لانوس 96 مكنه اتنين كامه عربية استيراد و نضفت رشاشات وبوابة - وغيرت كونترول عربيه - موبينه - طرمبة بنزين - بوجيهات وسلوك وكاتينه ولا حاجه نفعت كل ما العربيه تسخن ف مشوار تنكتم ولا اكنى دايس بنزين وبحط 92 من اول ما جبتها من سنتين - عموما انا بفكر ان تكون علبة البيئة بايظه و كاتمة العربيه و هغير طقم دبرياج كامل يوم الجمعة و المشكله العربيه مكتومه ف العادى عن الاول بس الموضوع بيبقى ملحوظ لما تسخن العربيه مع المشى ف النهار ادوس بنزين تكن وتكلبش ف الارض
طارق بك حطيت العربية على الجهاز و ما كنش فيه اى error وده كان عند مركز صيانة جديد عمرى ما اتعملت معاه و حطت الفيتس على الجهاز و ما كنش فيه بردة مشكلة كل اللى طلبه انى اغير البوجيهات مع انى مغيرها من 2000 كم بس لانه قالى ده مش بوجيهات الانوس اللى موصى بها و غيرتها
الجديد بقى خدت العربية و سافرت بيها لاقيت ان rpm مش بيعلى معايا عند سرعة 80 مهما دوست لكن لو سنه سنه الاقى العربية ابتدت تستجيب و تبقى تمام جدا و تجمع سرعات و rpm يبقى عادى و يستجيب القصة كلها هى سرعة 80 مجرد ما العربية عدت 80 و لو بكيلو واحد خلاص المشكلة تنتهى
حاجة غربية جداااااااااا
كدا انتا نهيت القصة المشكلة كدا بالفتيس
طارق بك روحت مركز الشروق للفتيس بعد ما حضرتك قولتلى اكشف عليه و بعد ما جرب العربية اكثر من مره و حطها على الجهاز قالى ما فيش مشكلة فى الفيتيس خالص
و من كام يوم روحت لمركز تانى عمرى ما تعملت معاه ( زى ما قولت فى اخر تعليق ) و برده قال ما فيش مشكلة فى الفيتس مش عارف اعمل ايه و زهقت .... لو حضرتك متاكد من موضوع الفيتس قولى اروح لمين يكشف عليه بس بلاش مجدى اتوماتيك
السلام عليكم
هل الار بي ام عند تغيير السرعه بيتغير لما تدوس علي دواسة البنزين جامد ولا لا
يعني الار بي ام بيكون 2000-2200 عند 80 كم هل الرقم ده بيتغير لما تدوس جامد علي دواسة البنزين ولا لا علشان لو كانت الار بي ام عالية واستجابة العربية ضعيفة يبقي ممكن يكون الفتيس انما لو كانت الار بي ام اصلا مبتعلاش يبقي كدة المشكلة في الكونترول بتاع الموتور
الrpm بيقى على 2000 مثلا و بفضل كده و انا دايس بنزين سنه سنه و و السرعة بتعلى بسيط لكن rpm مش بيعلى لغاية لما اعدى سرعة 80 المشكلة خلاص تتحل و لو دوست جامد على البنزين (كيك داون )العربية تستجيب و ل rpm يستجيب و الدنيا تبقى فل
انا لاحظت حاجتين النهاردة و انا ماشى على طريق المطار
1 - لنا طبيعتى انى ما بقرصش خالص على الغيار يعنى العربية تغير على بالكتير 2500 rpm ، لما قرصت عل الغيار شوية و الفتيس جاب الرابع على 3000 rpm كانت السرعة 95 و المشكلة مظهرتش خالص
2 - الحاجة التانية ان العربية لما تجيب الرابع على rpm مثلا 2500 ( و ديه سواقتى الطبيعية ) و تيقى على سرعة 80 ال rpm بيداء يعلى و يستجيب حسب دوسة البنزين و بعدين بنزل لوحده و انا بردة دايس بنزين
يعنى يبداء يعلى من 2000 الى 2200 و بعدين هوب يقوم نازل 2000 تانى و يخد شوية الوقت يتوعة لغاية ما يعلى تانى
طب معلش حاول تجرب العربية ب tps تاني قبل البحت الجدي ورا الفتيس
انا تعبك معايا يا طارق بك و الله مش عايز اكتب اى حاجة فى الموضوع ده تانى علشان مشغلش حضرتك اكتر من كده جزاك الله خيرا
انا شاكك فى حاجتين اولا ان البوابة الخلع اللى راكبها محمد السيد هى فيها نفسها فيها مشكلة لان المشكلة ظهرت على طول اول ما ركبت لما طلعت اجرب انا و محمد السيد
الحاجة التانية طلمبة البنزين .. بس لو هى الكتمة تبقى على طول مش بس عند سرعة 80