الموضوع: فلتر بنزين ابيزا 94

المشاركة الأصلية كتبت بواسطة ahmad_salama

يا ابو السيد انا حليت العجله اليمين ورا ونزلت تحت الجزء الي كان في الصوره ده ما بين الشنطه وبين التنك تحت الاكس مفيهوش اي حاجه خالص متركبه

اما الخراطيم بقا خارجه من عند رقم 2 زي في الصوره بالظبط ( ما بين التنك وبودي العربيه علشان هي خارجه من داخل العربيه) ومفيش اي حاجه راكبه علي الخراطيم خالص

وفي الحوض الخرطوم جاي من تحت العربيه علي الرشاش عدل مفيش اي حاجه راكبه عليه برضو

بجد انا هتجنن ومحتار اوي هل ينفع عربيه تمشي علي الاقل الفتره الي قضتها معايا بقالها سنه ( 10000 كيلو ) من غير ما الفلتر يتغير ومتحصلش مشكله ؟؟

طالما عاينت بنفسك و ملقيتش فلتر يبقي مافيش هنا فلتر و الاحتمال الأقرب ان كان عندك فلتر في الحوض زي بعض الانواع و حد حدق لغاه و كبر دماغه

يببقي الصح انك تعمل زي الأخ اللي قالك في المشاركة دي

المشاركة الأصلية كتبت بواسطة mohamedkandoz

السلام عليكم انا معايا نفس الابيزا بتاعتك 94هاف انجيكشن وروحت للميانيكي عشان اغير فلتر البنزين قاللي روح اشتريه وبعد ما اشتريتته جه يغيره من تحت العربيه جنب التانك قاللي مافيش فلتر ازاي يا عم قاللي كده العربيه نازله من غير فلتر طيب وبعدين قاللي عشان تركبه صح لازم نجيب مواسير وخراطيم ونوصله من تحت العربيه او توصله من الحوض ونقطع الخرطوم بصراحه استسهلت وعملت كده وعلى فكره الميكانيكي ده شغال فى الجولف والابيزا بس وهو اسمه هشام في شارع الاربيعين

كلام جميل اعمل زيه أحسن حطه في الحوض و لكن اكد كويس علي خراطيم الدخول و الخروج و خليه يربط عليها كويس و متقلقش الفلتر مستحيل يضرب او يفرقع زي ما قالك المهم تأكد هلي ربط خراطيم الدخول و الخروج

و بالتوفيق للجميع