طالب مساعدة من أهل الخبرة في العربيات القديمة

السلام عليكم ورحمة الله وبركاته كل إخواني في المنتدي
دي أول مشاركة ليا في المنتدي بس انا من المتابعين الدائمين للمنتدي

أنا معايا عربية فيات ١٢٤ موديل ١٩٧١ أديني بتعكز عليها لحد ما ربنا يفتحها علينا
عندي مشكلة في العربية مش لاقيلها حل وبهدلتني وانا مسافر بالعربية من اسكندرية ورايح طنطا يعني مسافة مش كبيرة اوي
المشكلة بقي إن العربية لما بفتح بيها سرعة واجي أدخل علي مطب ولا أحب أهدي أدوس دبرياج مع الفرامل العربية تبطل طبعا وانا علي الزراعي بهدلتني جدا لما رحت طنطا قالولي الكربراتير عاوز أكس وباب وعملتهم بس وانا راجع نفس الحكاية أدوس دبرياج وفرامل العربية تبطل لدرجة وانا علي كوبري كفرالدوار العربية بطلت مني وانا في طلعة الكوبري وكانت مشكلة
الميكانيكي كل شوية يعمل فيها حاجة لحد ما قاللي نملا إسطوانة الدبرياج العربية بقت كويسة شوية بس برضه ساعات بتبطل ولما بدوس دبرياج مع الفرامل العربية بتقعد ترجرج كأنها بتشاور عقلها عشان تبطل
لو حد يعرف حل للمشكلة دي أكون ممتن جدا ليكوا

أخوكم محمد الجارحي من إسكندرية

ايه يا جماعة مفيش حد يساعدني ولا ايه

اقتباس:

---

المشاركة الأصلية كتبت بواسطة garhy61

السلام عليكم ورحمة الله وبركاته كل إخواني في المنتدي
دي أول مشاركة ليا في المنتدي بس انا من المتابعين الدائمين للمنتدي

أنا معايا عربية فيات ١٢٤ موديل ١٩٧١ أديني بتعكز عليها لحد ما ربنا يفتحها علينا
عندي مشكلة في العربية مش لاقيلها حل وبهدلتني وانا مسافر بالعربية من اسكندرية ورايح طنطا يعني مسافة مش كبيرة اوي
المشكلة بقي إن العربية لما بفتح بيها سرعة واجي أدخل علي مطب ولا أحب أهدي أدوس دبرياج مع الفرامل العربية تبطل طبعا وانا علي الزراعي بهدلتني جدا لما رحت طنطا قالولي الكربراتير عاوز أكس وباب وعملتهم بس وانا راجع نفس الحكاية أدوس دبرياج وفرامل العربية تبطل لدرجة وانا علي كوبري كفرالدوار العربية بطلت مني وانا في طلعة الكوبري وكانت مشكلة
الميكانيكي كل شوية يعمل فيها حاجة لحد ما قاللي نملا إسطوانة الدبرياج العربية بقت كويسة شوية بس برضه ساعات بتبطل ولما بدوس دبرياج مع الفرامل العربية بتقعد ترجرج كأنها بتشاور عقلها عشان تبطل
لو حد يعرف حل للمشكلة دي أكون ممتن جدا ليكوا

أخوكم محمد الجارحي من إسكندرية

---

ممكن يكون الدبرياج واطى قوى ولما بتدوس عليه مش بيفصل الحركة كلها فالعربية بتترجرج وتبطل بالرغم من انك دايس دبرياج
والله اعلى واعلم

على السلانسيه شويه واديها سنه كهربا

اقتباس:

---

المشاركة الأصلية كتبت بواسطة darsh_darsh

على السلانسيه شويه واديها سنه كهربا

---

ممكن توضحلي أ/كتر

تعلية السلانسيه عن طريق مسمار الهواء بتاع السلانسيه اللى فى الكربراتير يعنى تهويه شوية , و تعلية الكهربا عن طريق انك تلف الاسبراتير شوية لتقديم الشرارة , خلى ميكانيكى يعملك الكلام دة احسن و طبعاً اتأكد ان الدبرياج مش واطى و انه السبب فى المشكلة دى.

طالما بتدوس دبرياج و فرامل تبطل يبقى احتمال السيرفو فيه حاجه
و انت واقف بالعربيه دوس فرامل و لاحظ الماتور , لو حسيت انه بيتخنق و هايبطل يبقى السيرفو الي فيه مشكله و بيخلي العربيه تبطل

لكن غير كدا يبقى بك الهوا ف الكربراتير مفتوح زياده