الموضوع: تويوتا كورولا 2012-2013 - القبيحة كليا ... قصدي الجديدة كليا !

المشاركة الأصلية كتبت بواسطة darkmagician

لا حول ولا قوة الا بالله من الاخر اللي على راسو بطحة بيحسس عليها

يعني كل واحد واثق في عربيتو ميقعدش يقطع في عربية غيرو وخلاص

وعربية لسه منزلتش وهجوم لمجرد الهجوم وانجرف الهجوم من الشكل الى المكنة وناقص شوية يقولو مبيعاتها اللي لسه متعملتش

شكلها سيء بالفعل بس الهجوم فيه نوع من الثار مع احترامي للجميع

واللي واثق من عربيتو مش حيقعد يقنع الناس بيها ولا يقول بتتباع ولا بتتشرى

دايما الشعب المصري متفرق في كل حاجة وبيحولها لاهلي وزمالك

يا باشا مفيش ثأر ولا حاجة , كل الكلام كان على التصميم التعبان داخليا وخارجيا , وانهم مبيشوفوش تصميمات الشركة التانية بغض النظر عن الاسماء عاملة ازاي
محدش اتكلم على مكنة ولا حاجة , بس مبدئيا شكلها فعلا قبيح , ليه بقى تاخد ده على انه شتيمة فيك شخصياً ؟ هو لازم اكون معايا ياباني عشان اقول تصميمها وحش انما لو معايا كوري مينفعش ؟

يانهر ازرق يانهر ازرق
هيا الفرخة كلت عيالها يا ولاد
-
أغيب عنكم يومين بسبب مرضي .
ارجع الاقيكي
بتهاجمو شركة تويوتا
-
كده برضو تتصفرطو بالقسم في غيابي ... طيب مفيش مراعة لحرمة العيان . وكل ده وانا رقدت في السرير كام يوم ، اومال لو كنت موت ولا جرالي حاجة كنت عملتم ايه في شباب تويوتا من ورايا هاجي الاقيكم مولعين في القسم هنا ... ولا هبص الاقيكم مشخبطيين على الحيطة ... وكاتبين بالبخاخ الرشاش تسقط تويوتا .

بحب اشكر صاحب الموضوع ، وصاحب صاحب الموضوع ... على انو انتهز فرصة غيابي عن القسم وهاجموا تويوتا ... ومكنش العشم ... ده المثل بيقولك عمر مالبنزين ما يبقى ميه وعمر ما الرفرف يطلع من كبوتو .أبداً أبداً .

والى عشاق تويوتا ..

أحب اطمنكم تويوتا يا جماعة مبتصنعش شكل واحد فقط .

طول عمرها بتصنع حاجة للشرق الاوسط (لأنها عارفاهم مبيعجبهمش العجب ولا الصيام في رجب ) .

وبتصنع حاجة لأمريكا (موصفات خاصة )

وبتصنع حاجة لأوروبا (محافظة على البيئة وحبة كلام فاضي )

وبتصنع حاجة خونفوشارية ( لليبان والصين )

حرصاً من الشركة لارضاء
كافة العملاء

وتحياتي ..