ياريت ياجماعة اللي معاه سيراتو او يعرف معلومات عنها يقولي ايه رأيه فيها:embarrassed2::3gears::no::boxing_smiley:: wheelchair::troll:
عرض للطباعة
ياريت ياجماعة اللي معاه سيراتو او يعرف معلومات عنها يقولي ايه رأيه فيها:embarrassed2::3gears::no::boxing_smiley:: wheelchair::troll:
انا بصراحه بحب العربيه دي مش عارف ليه بس معنديش معلومات عنها
استنوا الاخت أوننا بقي تفيدكم..
هي الوحيدة اللي انا عارف ان معاها العربةي هنا..
ماعرفش في حد تاني معاه ولا لأ..
شوف الموضوع ده
د/محمد صاحب العربية كاتب تقييم لها
http://www.nilemotors.net/Nile/showthread.php?t=26909
بجد كلام الاستاذ محمد فعلا بيوصف السيراتو صح و انا موش عارفة اوى اعمل تقييم للاسف و مش عارفة اعمل الموضوع
بس بجد العربية دي انا مبسوطة منها جداا و فعلا فى الجرى ملهاش حل و فعلا فى السرعات و الملفات احسن بكتييييييييييييييير و لا تقارن بالسيتي اللى كانت معايا و اللنوس من قبلها
العربية بتاعتي اوتوماتيك بس موش حاسة بموضوع بطئ التجميع اللى اشتكى منه استاذ محمد بس يمكن عشان انا موش عاوزة اقرص على العربية فى التليين
بجد سحب رائع و باور ممتاز و تكييف تلاجة و وسع داخلى مرضى جدا و اللى اخدت بالى منه كمان الفترة اللى فاتت و ركزت معاه استهلاك بنزينها يعني انا علىول فاتحة التكييف و عربيتي اوتوكاتيك بس استهلاك البنزين كويس اوى مع ان موتورها 1600 . فكرتنى اوى بالسيتي فى استهلاك بنزينها و طبعاااا لا يققارن باللانوس المانيوال اللى كانت معايا
عزل العربية رااااائع و فعلا متسمعش اى حاجة من برة و انت قافل الازاز
بجد بجد بجد سواقتها متعة على الطريق و سحبها ممتاز
شكرا علي التقييم اللي الي حد كبير وافي يا أوننا..
بس انا عندي نصيحة صغيرة..
بالنسبة للزجاجا لمشروخ..
ممكن لو الشرخ مش كبير..روحي لمركز من بتوع الدكتور خالد بتاع الزجاج..
ولو ينفع يتصلح.. ولو في مكان مش معيق في الرؤية..
يبقي مش مستاهلة تغيير..
قوليلي بالظبط مكانا لشرخ فين و الافضل صورة ليه..
و اللي عنده خبرة هيقولك اذا كان ينفع معاه تصليح ولا تغيير علي طول..
ده تقيمم للسيراتو على موقع سورى انا اعتقد انه حلو (عجبنى) ياريت يعجبكو انتو كمان
http://www.fannat.com/Magazine.aspx?NewsID=327
بس المواصفات في الموقع ده مختلفة عن الموجودة هنا في مصر .. انا سألت في التوكيل عنها قالت إنها 121 حصانا على عكس الموجود في الموقع بتاع حضرتك
انا هاقولك حاجة..
هي نفس العربية علي فكرة..
اللي بتنزول هنا وا للي بتنزل هناك..
عشان لو دورت علي انلت مش هتلاقي غير موتور واحد فيها 1600..
يعني مش هيعملوا موتور 121 حصان و موتور 105 حصان..
و ده غالبا الوضع..
و اللي انا متوقعه برضه ان الرقم اللي التوكيل هنا في مصر مبالغ فيه..
يعني ممكن تبصوا علي التعريفات دي..
Nominal is derived from the size of the engine and the piston speed and is only accurate at a pressure of 7 lbf/in².[5]
Indicated or gross horsepower (theoretical capability of the engine)
minus frictional losses within the engine (bearing drag, rod and crankshaft windage losses, oil film drag, etc.), equals
Brake / net / crankshaft horsepower (power delivered directly to and measured at the engine's crankshaft)
minus frictional losses in the transmission (bearings, gears, oil drag, windage, etc.), equals
Shaft horsepower (power delivered to and measured at the output shaft of the transmission, when present in the system)
minus frictional losses in the universal joint/s, differential, wheel bearings, tire and chain, (if present), equals
Effective, True (thp) or commonly referred to as wheel horsepower (whp)
All the above assumes that no power inflation factors have been applied to any of the readings.
و الرقم اللي بيقولوه هنا في مصر هو اكيد التاني اللي مكتوب..
اللي هو بيتقاس من الكرنك علي طول..
لكن الرقم التاني هو نفسه التعريف الاخير..
اللي هو القدرة المقاسة من عند العجلات.. وهي الفعلية..
وادي لينك من ويكيبيديا للموضوع كله..
http://en.wikipedia.org/wiki/Horsepower
بس المكتوب فعليا على موقع كيا 121 حصانا
طيب المكتوب في املوقع انهي هورس باور..؟؟
ولا مش كاتبين هو انهي واحد من التعريفات السابق ذكرها..؟؟
بيتهيألي الرقم ده مش الفعلي
ممكن يكون الفعلي 105 فعلا.. الرقم منطقي..
المواصفات المكتوبه عن المحرك ال 1600 ال 105 حصان اللى فى الموقع السورى دى زى موتور الماتريكس بالظبط...
Max Torque at 4500 rpm
Max Power at 5800 rpm
و ال 105 حصان اللى كاتبينها دى ممكن تكون وحدتها ps و دى بيستخدموها كتيير فى اوروبا و علشان تحولها ل حصان (horse power ''hp'') اللى احنا عارفينه يبقى تضربها فى 0.98632 يعنى
105*0.98632 = 103.5
و دى القدره الحصانيه بتاعة الماتريكس ساعات يكتبوها 103 و ساعات 102 او 104 اى هبل:dzey:
و ممكن تكون العربيه هناك مش نفس الموتور ال 1600 ال 121 حصان الجديد اللى هنا دى سياسة شركه. و كمان كيا و هيونداى هما شركه واحده هيونداى الام و كيا الابن. كمان موتور الماتركس هنا هو الموجود فى ال getz , verna 1600.
كمان نسيت اقول ان الموتور الجديد ال 1600 سى سى الموجود فى السيراتو فيه cvvt technology و دى اختصار Continuous Variable Valve Timing يعنى التحكم فى زمن غلق و فتح الصمامات و دى عامل مهم جدا فى اداء المحرك و اعتقد فى السيراتو التحكم فى صمامات الدخول فقط Intake Valves و تعيير توقيت غلق الصمامات مع السرعة بيساعد فى الحصول على قدرة اعلى مع زيادة السرعه بتأخير وقت اغلاق صمام الشحن للاستفادة من اندفاع الهواء و تحويل طاقة الحركة الى طاقة ضغط عند اصطدام الهواء بالمكبس و دى اسمها ظاهرة ال induction ramming و نقدر ندخل شحنة هواء اعلى و نحصل على قدرة عاليه علشان كده قدرة المحرك ده 121 حصان مش موضوع قياس انهى قدره indicated power or brake power at the crank shaft or at the wheels with the friction power known زى ما فى ناس بتقول. لان اى كتالوج عربيه بيبقى مكتوب فيه ال brake power in kW ''Kilo Watts'' or Brake horse power hp و القدره دى هى المأخوذه على الكرنك و دى اللى بتساوى القدره البيانيه الناتجه من احتراق الغازات داخل المحرك مطروح منها القدره الضائعه فى الاحتكاك-----> تقوم كده انت بقى تاخد horse power من الكرنك زى ما بنقول 121 حصان للسيراتو أو 103 للماتريكس... و مثلا الالنترا فيها ميزة الباور الكهرباء EPS (ملوش حل) و ده بيشتغل عن طريق موتور كهربى بيحتاج كهرباء فقط لتشغيله لذلك لا حاجه الى طلمبه تدار بواسطة الكرنك مثل الباور الهيدروليك و بالتالى لا يستهلك قدره من المحرك لادارة المضخة.
يا رب تكونوا استفدتوا و لو فى حاجه غلط قولولى اهوا كلنا بنتعلم من بعض.
أنا العربية دى بترفزنى كل ماشوفها فشارع, شكلهل سيـــــــــــئ للغاية, وتصميمها من أردء ما يكون,تحس كدة انها عربية من التمانينات مش 2008 بتاتا,أظاهر المهندس اللى صممها كان بيطلع فرووح
قد تكون جيدة الاداء و لكن عربية بتبتدأ من 89000 و ليس بها EBD او ABS او AirBags يبقى حرام
السلام عليكم
أنا من الغردقه ومعايا كيا سيراتو 2008 المانيوال وبصراحه عربيه أكثر من ممتازه.
كان معايا قبلها علربيه لانوس وكنت ناوي أشتري نوبيرا زيرو لاني كنت معجب جدا بثباتها علي الطريق بس لما رحت التوكيل في الغردقه وعرضوا عليا السيراتوا ترددت الأول وجربتها لاقيتها ثابته ومتقلش عن ثبات النوبيرا .
بعد كده صراحه سألت ناس كتير قالولي أبعد عن الكيا علشان مشاكل قطع الغيار وفي البيع برده مش قوي و...و...و... وفي وقتها كان عندهم حق لان الوكيل القديم في مصر كان مبوظ سمعه العربيه والشركه .
لكن في التوكيل بصراحه طمنوني وخدوني كده في جوله ووروني قصع الغيار وأنها متوفره عندهم وأقتنعت بيها بس أخدت برأي الناس الي قالتلي أبعد عن الأتوماتيك في الكوري وأشتريتها مانيوال و الحمد لله
دلوقتي بعد سنه قابلتني مشكله واحده بس فيها والي هي عدم توفر قطع الغيار التقيله زي كبوت وأكصدام وبربريز وكده يعني بس الحاجات دي الواحد مش بيحتاجها غير لا قدر الله لما يكون فيه حادثه تقيله.
العربيه جميله خالص وناعمه قوي وثابته وأستهلاكها في البنزين أكثر من ممتاز .
انا معايا العربية دى وعمرى ماكنت بفكر فيها لكن لما ركبتها وجربتها ماترددتش لحظة انى اجيبها عفشة ناعمة جدا ماتسنعش صوت وانت ماشى وصالون واسع وشنطه كبيرة وفتيس ستيب ترونيك وعربية ماتورها قوى جدااا بصراحة انا كنت ماشى على طريق العلمين 180 ومنتهى الثبات والنعومة والعزل الصوتى بردو كويس بالنسبة لقطع الغيار اى عربية جديدة لازم قطع غيارها فى الاول تبقى غالية فى التوكيل لكن لما تقعد سنه او سنتين بتلاقى كل قطع غيارها بره التوكيل وبترخص الالنترا والبومة كانوا كده وكده كده احنا لسه فى الضمان خمس سنين انا مبسوط جداا انى جبتها :rolleyes2:
عربيه جميله جدا وفى نظرى احسن من 2009