ده موقف حصل معايا يوم الخميس
كنت واقف مستني مراتي ومرات اخوها في مساكن عثمان الي علي مصطفي النحاس مدينه نصر كانو طلعو مكتب الصحه عشان التطعيمات بتاعته الاولاد
وجالي تيلفون وانا بتكلم لقيت صريخ وحريقه حريقه قمت بصيت لقيت شقه في العماره بتولع والدخان طالع منها جامد فقفلت مع الي بيكلمني وقلتابلغ النجده وسئلت واحد تقريبا بواب العماره علي رقم العماره قالي 79 قلتله استني لما اكلم النجده عشان لو في تفاصيل اكتر في العنوان عايزينها انا برده غريب قالي مش مهم هما اكيد عيبلغوا انا طالع فوق ياعم استني مفيش
المهم كلمت النجده نص الحوار
النجده
ايوا لوسمحت في حريقه في 79 مساكن عثمان ياريت تيجو برسعه
فين بالظبط
في 79 مساكن عثمان علي مصطفي النحاس
في علامه مميزه
جنب مكتب الصحه
في علامه تاني
ياسيدي انا مش من سكان المنطقه انا معرفش انا واقف في الشارع لقيت حريقه قلت اكلمكو
اسم المبلغ
اسامه اسماعيل
حاضر هنتحرك علي طول
بعد خمس دقائق تيلفوني رن رديت وده نص الحوار
استاذ اسامه اسماعيل
ايوا يافندم
حضرتك بلغ علي حريقه في مساكن عثمان
ايوا
فين بالظبط
79 مساكن مصطفي النحاس جنب مكتب الصحه وجنب محلات فرج
حريقه كبيره
ايو كان طالع دخان كتير اوي من الشقه
في الدور الكام
الدور الثالث او الرابع
طب احنا بعتا عربيتين تفتكر ده كفايه
قلته اه بس بسرعه
حالا
بعد خمس دقائق تيلفوني رن رديت وده نص الحوار
استاذ اسامه اسماعيل
ايوا يافندم
حضرتك بلغ علي حريقه في مساكن عثمان
ايو لسه شغاله
قلتله مش عارف انا مشيت
قالي مشيت ازاي
قلتله انا كنت واقف في الشارع لقيت حريقه قلت اكلمكو وبعد كده مشيت
قالي شكرا
وهو بيكلمني جالي تيلفون تاني
رديت وقلت ايوا انا اسمه اسماعيل الي بلغت عن حريقه في مساكن عثمان
قالي طب هي لسه شغاله
قلتله مش عارف انا مشيت انا كنت واقف في الشارع لقيت حريقه قلت اكلمكو وبعد كده مشيت
قالي شكرا
ولا تعليق بس حبيت احكي بالتفصيل
وانا اسف جدا جدا جدا علي الاطاله