الموضوع: عفشة وسحب الفانتازيا

المشاركة الأصلية كتبت بواسطة abdohero

ياباشا طبعا العربية دي فيها مشكلة انما لو اوكتافيا مظبوطه انسى انت ممكن تمشي بيها على 180 مع الثبات الوهمي والغرز كمان لو عايز

اكيد طبعا يا باشا دى اوكتافيا يعنى
تسلم ياباشا :)

المشاركة الأصلية كتبت بواسطة mezo73

في البداية ازيك يا عمرو
وبعدين بتسأل علي الاوكتافيا
وما بتقوليش ينفع الكلام دة
عموما انا معايا الاية فور عموما الاوكتافيا كلها ناشفة مقارنة بالياباني او المرسيدس
وتعتبر طرية مقارنة بالبي ام وكمان طرية جدا جنب السيراتوا بجنوط 17 وعموما الاية فايف طرية حاجة بسيطة عن الاية فور لان العفشة ورا مختلفة الاية فور علي دنجل اما الاية فايف تعليق منفصل
وطبعا موضوع العربية بتتنطط دي حاجة غريبة اما الكاوتش ناشف او ضغط الكاوتش زيادة او في حاجة في المساعدين
ولو هانزل البلد عندك هابعتلك واخليك تشوف بنفسك
ثانيا اوعي تشتري عربية حالتها تعبانة بالذات في الاوكتافيا علشان ماتقرفش منها

يانهار ابيض
ايه الصدف السعيدة دى
لا ده كويس بقى انى سألت عن الاوكتافيا

والله فعلا ده اللى حسيته ، حسيت ان رد فعل العربية مبالغ فيه شوية مع المطبات ، وحسيت انها نطت لما جيت في حتة كدة تعتبر زي مطب هوا او اسفلت ناعم جدا لسة مستفلت فيه انحناء اثار مطب قديم ( بسيط جدا كنت باخده بعربية بيجو 504 و سكودا فليشيا ما بحسش بأي حاجة ! )

ومع الاوكتافيا حسيت ان كان المفروض اهدي شوية !

فانا صرفت نظر عن العربية اللى انا شفتها دى خصوصا انها كانت موديل 99 والراجل طلب فيها رقم غريب كدة
وبرضه حسيت انها متهانة شوية يعنى فيها كوبلن بايظ وسايبه، كان لسة مغير البطارية ومسترخص وجايبلها بطارية سايلة مش جافة، حاجات من دى يعنى ...

وحسيت ان العفشة ف الضياع واظن انت عارف البلد عندنا شوارعها عاملة ازاى فأكيد كانت مأثرة على عفشة العربية كلها

ولو كنت هاخدها على عيوبها اللى ظاهرة دى كنت لازم هكشف عليها حتة حتة في التوكيل لان زي ما انت قلت كدة بالظبط الاوكتافيا والعربيات الالمانى دى ما تتركبش غير وهى نضيفة والا هتتعبك فعلا

طيب انا عايز اسألك و بكل حيادية كدة :D انت ايه رأيك لو هشترى عربية مستعملة في حدود 70 او ازيد حاجة بسيطة

اجيب اوكتافيا ولا اشوف حاجة زي النترا او اوبترا ؟
انا عارف والله ان مفيش مجال للمقارنة من حيث الركوبة بس انا عايز مقارنة عملية حسب ظروف البلد عندنا وشوارعها وسهولة الصيانة وكدة ..

المشاركة الأصلية كتبت بواسطة tootte

تبقى كده عربيه تمام
وبعدين 195 وتبقى بطيخه هو فيه طريق يتحمل السرعه دى عندنا

هواة السرعه العاليه دى معدودين على الاصابع مش كل الناس تحب الجنان ده
بجد والله انا لو شايف واحد نافخ العربيه فى الطريق والدنيا زحمه بشوفه بطريقه تانيه خالص (مابحترموش) لان دى حياته وهو حر فيها ينتحر بطريقته لاكن ايه ذنب الناس الموجوده معاه على الطريق السرعات العاليه بتسبب كوارث
والحمد لله على نعمه العقل والاتزان
بجد ركبت عربيات كتير
الاوكتافيا لها احترامها فى كل حاجه
شكل_ مضمون _ متانه _ثبات_ كل حاجه ماشاء الله
وبالنسبه لل 10 أو 15 كيلو الفرق فى السرعه اللى اغلب الناس بيتكلموا عليها دى وبيعيبوا فى العربيه بسببهم انا من وجهه نظرى مش شايفها كارثه أو عيب مشين ولا حاسس انى راكب بطه أو بطيخه
العربيه دى مع نقله s بيكون أدائها رااااااااااائع لهواه العفرته والشد والجرى

للمرة الاخيرة فنتازيا مش بتاعت جرى خالص تكسب فى كل حاجه الا الجرى ولا ينفع معاها وضع -s- ولا غيرة سرعه قصوى ماشى 195 بس فى زمن قد ايه-زمن طووووووووووووووويل