ماروتي زيرو

**medoghaly** · 21-05-2012 12:07 AM

سلام عليكو يا احلي اعضاء في الدنيا كنت عاوز اسال هوا فية ماروتي 2012 و لا لا و سعرها كام و الاقيها في معارض و لا اروح التوكيل و هيا بتنزل بكاسيت و سماعات و لا لا و تركيب الحاجات دي لو مش موجودة بياثر علي ضمانها و لا اية معلش اصل معلوماتي ميح عن العربية دي و هيا تستحمل مشوار 100 كيلو مرتين في الاسبوع و لا تتبهدل كدة ؟؟؟؟

**dr.hazem** · 21-05-2012 01:54 AM

المشاركة الأصلية كتبت بواسطة medoghaly

سلام عليكم يا احلي اعضاء في الدنيا كنت عاوز اسال هوا فية ماروتي 2012 و لا لا و سعرها كام و الاقيها في معارض و لا اروح التوكيل و هيا بتنزل بكاسيت و سماعات و لا لا و تركيب الحاجات دي لو مش موجودة بياثر علي ضمانها و لا اية معلش اصل معلوماتي ميح عن العربية دي و هيا تستحمل مشوار 100 كيلو مرتين في الاسبوع و لا تتبهدل كدة ؟؟؟؟

عليكم السلام والرحمه والاكرام
طبعا في ماروتي 2012 ومعانا ناس اشترتها كمان
توني ووائل جميل الاتنين اشتروها
السعر بره والتوكيل يتراوح من 39500 - 41
والعربية خاليه من اي كماليات ولا كاسيت ولا اي حاجه غير الساعه!!
التركيب بيضيع ضمان الكهربا لكن كده كده الضمان فشنك وملوش اي ستين لازمه
ومشوار اللي بتتكلم عنه متقولش عليه لأ ابدا وخصوصا مع الصيانة الدورية...

تحياتي

**ahma8** · 21-05-2012 12:25 PM

انا جبتها فى 2012 بس مكتوبه ليا فى الرخصة انها 2011 بس فيها الساعة وكدة بس

**mrghost** · 21-05-2012 06:41 PM

ده احسن شيئ عملوه انهم نزلوها من غير كاسيت
احنا جايبنها موديل 2010 بكاسيت زى بتاع زمان ببكرتين وسماعتين زباله وانذار وسنتر وزياده عن سعرها 1000 جنيه بسبب شوية الزباله دى
انا كان عندى اركب الحاجات دى بره وطبعا ماركه نضيفه ومش هتكلفنى ال 1000 جنيه دى
وكده كده انا اسمع انه توكيل وحش فمرحتهوش من ساعه ماجبت العربيه ولا مره وكل شغلى فيها بره مش فى التوكيل