الدبرياج و بعد السافة عن ارضية العربية

الف تحيه و مسه على الناس الكويسه

حبيت اسأل الاخوة مالكي سيارات اللوجان المنيول عن الدبرياج

في عربيات لما تبدأ تشيل رجلك عن الدبرياج في الغيار الاول تطلع العربية على طول و من غير تأخير و مسافة الدبرياج قصيرة جداً

اما بالنسبة للوجان فالمسافة طويلة بين ما تشيل رجلك عن الدبرياج لبداية حركة العربية

يعني من اول ما تدوس على الدبرياج لحد ما يوصل الدبرياج لارضية العربية المسافة طويلة و اطول من عربيات كتير


هل الموضوع ده عادي في كل العربيات اللوجان ولا انا عربيتي فيها مشكلة ؟؟

مع العلم ان عربيتي موديل 2012 و عمله كم كيلو بس

و لكم كل الشكر

كل العربيات كدة بس انت ممكن توطى الدبرياج فى الصيانة وتخليه مناسب لرجل حضرتك
بس هم مش بيفضلوا دة فى التوكيل بس عادى

ايوه انا معايا لوجان 2012

الحكايه دى عادى خالص وهتتعود على كده مش لازم تدوس دبرياج على الاخر وانت بتدى الغيار

وهتتعوووووووووود عليها لا تقلق

وده العادى من رينو لوجان

انت ممكن تعدل علو وانخفاض الدبرياج ببساطة قولهم في التوكيل عند اول صيانة وخليهم يظبطوه زي ما انت مرتاح

amr.elsayed ، blackhorse123 و Ashraf Kerima

الف الف شكر يا شباب على الرد و سرعة الاستجابه

والله الواحد مش عارف من غيركم كان يعمل ايه

على العموم انا فعلاً رجلي بدأت تاخد على دبرياج اللوجان و ربنا يسهل حسيبها زي ما هي .............. فين زمان الاوتماتيك دا كان فعلاً راحة كان مالي و مال المنيول و الدبرياج :)

انا فعلا بحس ان دبرياج اللوجان عالى اوى فعايز اعرف هل لو وطيته فى التوكيل فى مشكله بعد كده عليه او على الدسك والاسطوانه والا مفيش اى مشكله؟

اقتباس:

---

المشاركة الأصلية كتبت بواسطة batmancib

انا فعلا بحس ان دبرياج اللوجان عالى اوى فعايز اعرف هل لو وطيته فى التوكيل فى مشكله بعد كده عليه او على الدسك والاسطوانه والا مفيش اى مشكله؟

---

الفكرة كلها ان اى واحد فينا ساعات من غير ما يحس مش بتدوس على الدبرياج للاخر ودة عادى لما بيكون الدبرياج عالى
لكن لما الدبرياج بيكون واطى لازم تدوس للاخر ولو سرحت ومادوستش للاخر اوى احتمال ان النقلة تعض او يكون فيها خشونة ودة مؤذى على المدى
فا هى دى المشكلة من وجه نظرى لكن لو حضرتك متعود على النوع دة من الدواسات فا مفيش مشكلة وحيبقى عادى بالنسبة لحضرتك

اقتباس:

---

المشاركة الأصلية كتبت بواسطة amr.elsayed

الفكرة كلها ان اى واحد فينا ساعات من غير ما يحس مش بتدوس على الدبرياج للاخر ودة عادى لما بيكون الدبرياج عالى
لكن لما الدبرياج بيكون واطى لازم تدوس للاخر ولو سرحت ومادوستش للاخر اوى احتمال ان النقلة تعض او يكون فيها خشونة ودة مؤذى على المدى
فا هى دى المشكلة من وجه نظرى لكن لو حضرتك متعود على النوع دة من الدواسات فا مفيش مشكلة وحيبقى عادى بالنسبة لحضرتك

---

شكرا لحضرتك انا كده ان شاء الله فى الغالب هوطيه شويه بحيث يبقى زى ادبرياج الفيرنا مثلا

خلاص مليت و مش عارف امشي مع دواسة الدبرياج

رحت اليوم الصبح لواحد مكانيكي و عمل حاجه كده واصله للمكنه و قال

الدبرياج يا اما يكون عالي او قصير و الافضل ان مايكونش عالي و لا قصير انما يكون وسط

و فعلاً عملت دواسة الدبرياج نفس مستوى البريك تقريباً و الامور احسن بكتيررررررررررررررررررررر ررر و الحمدلله

حبيت اضيف المعلومة دي للي حابب يريح دماغه من ارف الدبرياج العالي

اقتباس:

---

المشاركة الأصلية كتبت بواسطة tondar90

خلاص مليت و مش عارف امشي مع دواسة الدبرياج

رحت اليوم الصبح لواحد مكانيكي و عمل حاجه كده واصله للمكنه و قال

الدبرياج يا اما يكون عالي او قصير و الافضل ان مايكونش عالي و لا قصير انما يكون وسط

و فعلاً عملت دواسة الدبرياج نفس مستوى البريك تقريباً و الامور احسن بكتيررررررررررررررررررررر ررر و الحمدلله

حبيت اضيف المعلومة دي للي حابب يريح دماغه من ارف الدبرياج العالي

---

جزاك الله خير

جزاك الله خير
اخ Neo206