تويوتا فورتشنر او bmw x1

**sabry22** · 21-05-2012 09:56 AM

يا جماعة انا محتار بين تويوتا فورتشنر وبين x1 يا ريت حد يفيدنى فى الموضوع ده وشكرا مقدما

**momadine** · 21-05-2012 10:15 AM

هات تويوتا لو هتقسط عشان قطع غيار ال bmw أكتر من الضعف

**sabry22** · 21-05-2012 11:50 AM

متشكر جدا على ردك دى فعلا حاجة لازم تتحط فى الحسبان يا ترى فيه اسباب تانية ترجح واحدة منهم على التانية

**Ayoob** · 21-05-2012 02:34 PM

يتوقف على استخدام حضرتك اذا كنت تريد سيارة تتحمل الاستخدام الشاق و الشاق جداً أيضاً و عالية عن الارض ولا تعرف الأعطال و مساحة كبيرة وتسع ٧ ركاب و تكييف جبار فعلك بالفورتشنر بالمناسبة أنا استخدم الفورتشنر منذ ٢٠٠٧ في العمل في الخليج ولدينا في المشروع 3 منها يستخدموا استخدام شاق بدون أية مشاكل فقط الالتزام بعمل الصيانة الدورية في موعدها
يعيبها ان السرعة القصوى ١٦٠ فقط و شكلها الغير جميل الى حد ما

**sabry22** · 21-05-2012 02:54 PM

اشكر حضرتك جدا على الاضافة الرائعة ويا ريت لو حد تانى عنده اضافة يقدر يفيدنا بيها

**Youssef.Awad** · 11-06-2012 12:33 AM

دى ركوبة ودى ركوبة تانية خالص ..
حضرتك بتقارن التفاح بالجميز !!!
وضع السيارات فى مصر من جمارك وضريبة هو اللى حط الاتنين فى نفس السعر
انما فى السعودية تويوتا ب80 الف ريال والبى ام دبليو ب135 الف ريال

**chiko** · 11-06-2012 12:44 AM

التويوتا عمليه و مش هتوجه مشاكل معاها كتير في مصر مع الصيانه و الوكيل .. لكن بي ام رفاهيه ومش بتستحمل شورعنا الجميله و الوكيل ربنا يهديه ملهوش لازمه غير انه يمص دم الناس ...

اتوكل علي الله و خليك في التويوتا

**saddam** · 11-06-2012 07:20 AM

لو شكل وبرستيج ال بي ام بس صعوبة اصلاح وبطء في البيع ولو بتعتمد في كل حاجة عالعربية وتبيع بسرعة خد تويوتا اوسع بس شكل تعبان وانا عن نفسي في مصر اشتري فيرتيونر تويوتا واحط عليها تعديلات ب 20 الف واعدل شكلها التعبان وبكده طلعت بعربية شديدة تستحمل وكمان شكلها جميل

**الع العمدة مدة** · 24-07-2012 11:13 PM

المشاركة الأصلية كتبت بواسطة y2y1500

دى ركوبة ودى ركوبة تانية خالص ..
حضرتك بتقارن التفاح بالجميز !!!
وضع السيارات فى مصر من جمارك وضريبة هو اللى حط الاتنين فى نفس السعر
انما فى السعودية تويوتا ب80 الف ريال والبى ام دبليو ب135 الف ريال

ياراجل اتقي الله سعر فورتشنر اعلي كماليات 6 سلندر ب 138 الف ريال ينطح ريال ياريت قبل ماتكتب تتاكد

**hugan** · 24-07-2012 11:19 PM

اظن ان التويوتا عمليه اكثر من ال بي ام
ال بي ام في رائي اكثر فخامه وشياكه
لو احتياجتك 7 مقاعد
اكيد التويو تا افضل
لكن يعيبها شكلها الغير عاطفي كانها 1/4 نقل واتعمل لها عمليه تجميل