تم انتهاء عقدى من السعودية ونازل نهائى ومعى سيارة 2007 فهل يمكن انزل بيها تربتك وبعدين اجمركها ولا لازم اجمركها وانا نازل......وشكرا
تم انتهاء عقدى من السعودية ونازل نهائى ومعى سيارة 2007 فهل يمكن انزل بيها تربتك وبعدين اجمركها ولا لازم اجمركها وانا نازل......وشكرا
اعتقد مفيش مشكلة فى الجانب المصرى لكن فى السعودية دى عايزة سؤال
ممكن تنزل بيها تربتك وبعدين تخليها ملاكي أو تجمركها على طول على راحتك
يعني صاحبي كان معاه 307 أعد بيها 3شهور جمرك وبعدبن دفع جماركها ورخصها ملاكي
هل صاحبك كان نازل اجازة ولا نازل نهائى
ياريت ياجماعة اللي عارف يرد على سؤال الأخ mma
لأني أريد أن أعرف أيضا نفس المعلومة
وجزاكم الله خيراً
شكرا على الرد
اعتقد انه مش ممكن لان وانت داخل الجمرك بيديلك التربتك حسب مدة الخروج والعودة المثبتة عندك في جواز السفر والا لو انت واخد خروج نهائي ايه اللي هيخلي الجمرك يدخلك بعربية مؤقته المقصود من التربتك تمتع صاحب السيارة بسيارة اثناء تواجده في مصر ده اللي اعرفه لان كل صحابي اللي نزلو نهائي عملو كده ولازم بيسقطو نمر من السعودية واعتقد اساسا ان السعودية مش هطلعك بالعربية من غير تسقيط اللوح
شكرا على الرد
انا ذهبت لمرور بالسعودية وسألت على نزول السيارة نهائى قالوا لى لازم تنزل بلوحات تصدير والاجراءات كالاتى:
- احضار اللوحات للمرور وتركيب لوحات تصدير (طبعا هتروح المرور بالسيارة كلها وماتخلعش اللوحات)
- احضار صورة من الاقامة وجواز السفر
- تعريف من مكان العمل ان كان عملك بمصلجة حكومية أو تعريف بك مصدق من الغرفة التجارية ان كان فى قطاع خاص
- خطاب شحن (إذا كنت هتشحن السيارة) وإذا كنت هتنزل بيها وانت سايق السيارة بنفسك لازم رخصة سارية
كل الاوراق السابقة تقدم للمرور ووقتها هيركب لك لوحات التصدير ومن ذلك الوقت لازم السيارة تغادر السعودية فى خلال 5 أيام
ايه هيا شروط التريبتك بالظبط ... انا معايا جنسيه سويسريه .. و قاعد هنا في مصر .. عاوز اجيب عربيه تريبتك .. ايه الحياه؟ (ناسف للهاي جاكينج)
الأخ mma
جزاكم الله خيراً على هذه الإفادة الرائعة
لكن يتبقى النصف الآخر للعملية .. وهو الإجراءات داخل مصرنا العزيزة!!
ياريت حد يكمل القصة ، وياريت تكون النهاية سعيدة
يمكن للسيارة أن تنزل تربتك حتى مع العودة النهائية .. وهذا عن تجربة عايشتها بالفعل ..
الحكومة المصرية يهمها مدة التربتك ودفع الرسوم ولا تعتد بتأشيرة العودة في هذا الأمر .
العربية هتاخد نمر جمرك السويس أو سفاجا أو نويبع حسب المكان اللي جت منه .. أنصحك أن يكون جمرك السويس ..
في حالة عدم القدرة على تسديد جمارك السيارة بالكامل وفق شروط الجمارك المعروفة وعلى رأسها أن تكون المالك الأول للسيارة .. لا يمكنك أن تسوي وضع السيارة إطلاقاً .. وعلى هذا الأساس يجب عليك وبمجرد انتهاء فترة التربتك أن تعيد تصدير السيارة إلى بلد الخروج (السعودية ) مرة أخرى مع ما يحمله هذا من مصاعب ومشاكل ..
ليه بقى جمرك السويس .. لأن الشحن منها أسهل في إعادة التصدير ، وهناك ناس بيخلصوا حكاية إعادتها مرة تانية وبيشتروها منك كمان ..
تقبل خالص مودتي وبالتوفيق إن شاء الله
المشكلة ازاى اعمل ورق التربتك من السعودية وليس معى تأشيرة عودة
المرور السعودى يرفض هذا ولن يعطيك تأشيرة الخروج إلا إذا بعت السيارة داخل السعودية أوتنزلها تصدير........ياريت يا د. احمد لو عندك حل قول لى
النقطة الثانية هل يمكن ترجع بالسيارة بلوح تصدير إلى الجمرك والجمرك يخرج السيارة بإفراج جمركى مؤقت ..........وشكرا لك على الرد وجزاك الله عن معلوماتك كل خير