ممكن حد يفيدنى ايهما افضل وليه
عرض للطباعة
ممكن حد يفيدنى ايهما افضل وليه
اصلا المقارنة دى مش عادلة لان الفورتشنر 4x4 و 7 راكب لكن ال x1 لا
وال فورتشنر 2700 وال x1 2000cc
يعنى ماينفعش تقارن بينهم
اشكرك على الرد بس انا بتكلم على اساس ان الاتنين من نفس الفئة سعرا وكنت عايز اعرف بعيدا عن الحجم ايه اللى يرجح واحدة عن التانية
x1 بجد نفسي اجيبها
x1 اكيد , الماني وبعدين مش هتكون راكب هايلوكس متقفلة , هتركب عفشة محترمة و 2000 سي سي يعني استهلاك بنزين احسن والفتيس لو اوتوماتيك هيبقى 8 سرعات
احمد زونج ربنا يرزقك وتجيب اللى احسن منها
مودى اشكرك على ردك الجميل
ايه الجاب القلعه جنب البحر
مفيش اى وجه تشابه بين الاتنين . حضرتك ممكن تقارن ال x1 بال 318 لكن ملهاش دعوه بالفورتشنر خالص و انا عن نفسى افضل ال X1. اما بالنسبه الفورتشنر انا عن نفسى جربتها بره و ما عجبتنيش خالص و صعب تلاقى حد جرب اللى بتنزل هنا و علشان كده توقع انك مش هتلاقى معلومات مؤكده نتيجه لاختبار او تجربه فعليه
بص ال X1 لو شكلها عجبك هاتها احسن من التويوتا, التويوتا ممكن اللي يخدها يخدها عشان حجمها و انها 7 راكب, غير كدة انا شايف اي عربية في الفئة دي تتفوق علي الفورتشنر.
لو مش لازم حاجة 4x4 استني ال BMW 3 Series الشكل الجديد تقريبا قرب ينزل و هيبقي حكاية.
لو حضرتك غاوي قصص ال 4X4 و بتطلع offroad فكدة ال X1 مش هتنفعك. بص علي الرانجلر أو الشيروكي
Mujaz.me | بي ام دبليو تطلق الفئة الثالثة الجديدة كلياَ قريباَ في مصر - التوكيل
البي إم طبعا، هانهزر:8941[1]:
البي ام بدون اسباب
اشكركم يا جماعة فعلا على الردود واتمنى مزيد من الردود علشان اقدر اكون راى
الفورتشنز وحش على الطريق ، عربية ضخمة 4 باى 4 ، 7 راكب ، شنطة واسعة
هتبقى مميز جدا فى الطريق لقلة انتشار العربيات الضخمة فى مصر
لكن علامة البي ام دبليو لها بريق أخر
أحيانا الواحد يقارن بين سيارتين المشترك ما بينهم الفئة السعرية
يعنى بي ام 316 نفس رينج سعر بيجو 508 وكيا سبورتيج
لكن طبعا فروق كبير ما بين كل سيارة
علشان ترتاح حاول تشوف انت متطلباتك ايه
موضوع ال 7 راكب ده هيفرق معاك ولا لا
برده شوف موضوع تكلفة الترخيص هتبقى كام وحطه فى الاعتبار
طبعا كنعومة وراحة ركوب البي ام x1 هتبقى افضل من الفورتشنز
لكن تبقى علامة التويوتا أسرة لقلوب المصريين وعقولهم
السلام عليكم,
الحقيقة واضح ان حضرتك وضعتهم في مقارنة عشان تقارب السعر فقط , لأنهم فئتين مختلفتين تماما و يوجد فارق تكنولوجي رهيب بينهم لصالح البي ام , خاصة ان تويوتا مصرة ترجع بالزمن للخلف بتقديم سيارة من القرن الماضي زي ديه و للتوضيح هذكر بعض النقاط:
1) المساحة و الحجم : لو ده هو احتياجك فقط و اكرر فقط تبقى متضر تجيب الفورتشنر لانها اوسع فعلا
2) المحرك : تويوتا نازلة بمحرك عتيق 2700 سي سي بيطلع 158 حصان فقط !! ,, مع استهلاك وقود عالي لانه تصميم قديم طبعا ; بي ام x1 محرك 2000 سي سي 150 حصان و استهلاك 6 لتر لكل 100 كم على طرق السفر و حوالي 8 لتر في المدينة رغم ان ده مش احدث محركات بي ام لكن تكنولوجي الحقن و تكنولوجيا سحب الهواء عن طريق Valvtronic في بي ام تقلل الاستهلاك
3) الثبات والاداء: طبعا لا يوجد مقارنة بين اداء بي ام و ثباتها مع اي منافس , لما هو معروف من طابعها الرياضي و تعليفها المتميز فممكن تجري و تناور على اي سرعة و انت مطمن.
4) عوامل الامان: في بي ام عوامل امان ثابتة في كل السيارات و هي 6 وسادات , dsc و ده نظام الثبات الاليكتروني , ABS + CBC و ده نظام الفرامل + نظام تحكم الفرامل في المنحنيات + DTC و ده نظام منع الانزلاق . تويوتا مفيهاش غير الABS و 2 او 4 وسائد هواء فقط
5) تجهيزات و كماليات : فورتشنر زي اي سيارة تويوتا موديل 10 سنين فاتو مفيهاش اي جديد , يمكن التكيف التوتش اقصى اختراع فيها . بي ام مجهزة بتكييف 2 زون اوتوماتيك , كمبيوتر للاعطال لو حتى لمبة اتحرقت بيقولك + كمبيوتر للصيانة و مواعيدها زي امتى تغير تيل امامي امتى تغير زيت و ده بيعتمد على اسلوب القياده يعني condition based مش مجرد جدول مواعيد + شاشة الidrive و ده كمبيوتر لكل وظائف العربية و يبعطيك كل المعلومات السابق ذكرها , اه كنت حنسى : مقاس الزيت بيطلع لك على الشاشة كمان يعني مش محتاج تفتح الكبوت و تقيس الزيت ,, تكنولوجيا المانية بقى و دي لعبتهم
6) تكاليف الترخيص و الصيانة : بالنسبة للتويوتا عشان معدية ال2000 سي سي حتدفع حوالي 6000 ج في السنة , بي ام حتدفع 1000 ج في السنة , بس قطع غيار بي ام سعرها مرتفع نسبيا (متنساش انها سيارة ماركة فخمة ) بس معمرة و لو قارنت سعر قطعة الغيار بالاداء حتلاقي ان الموضوع يستاهل. يعني تيل الفرامل بحوالي 1000 ج و بيعد في حدود 30000 كم و بيوفرلك امان و قوة اداء عاملة ازاي.
انا كنت في توكيل بي ام من قريب. و هناك نصحوني اني انتظر شوية لان في شكل جديد بموتور جديد اسمه f10 نازل من x1 و دة الموتور اللي موجود دلوقتي في الفئة الخامسة الجديدة بقوة حصان ٢٤٥ و عزم ٣٥٠
تحياتي
+111
الراجل اللى مختفى من زمااااااااااااان جاب من الآخر.. :B4_033:
وLike أوى حته لو قارنت سعر قطعة الغيار بالاداء حتلاقي ان الموضوع يستاهل
ومثال تيل الفرامل ده فـ الجون،
أعمل أيه بتيل فرامل رخيص (أو بيعيش) وأداؤه سىء وفرامل العربية ضعيفة،
لأ.. أنا أفضل التيل اللى بيقعد 20 ألف كم، بس أدااااااااء الفرامل 100%.
خدها قاعدة فـ الأوروبى، Rule of Tumb كده (للقطع الإستهلاكية فقط)،
لكن القطع الـLong-run عمرها الإفتراضى أطول، فعلا تركبها وتنساها.. :penguin4:
ده الموتور الـN20، هيبقى 2000cc تربو وفعلا 245 حصان (تقريبا موتور التويوتا Fortuner بيطلعهم من 6-سلندر 4000cc).. ههههههههههههههه :grin28:
أصدقاء فـ البافارية من فترة قالولى انهم بيجربوه على الـX3 نفسها..؟؟!!!
وبيقولوا فرق الأداء عن الموتور الـin-line6 3000cc مش كبير، على الأقل فـ الـLow-to-Mid range ؟؟!!! :go:
فـ مابالك بموتور بيجر الـX3 بكفاءة.. هيعمل أيه لما يركب عـ الـX1؟!!
أعتقد انهم كمان (بالموتور الجديد) ممكن يعملوها X-drive دفع-رباعى بدل الـRWD اللى فـ الـX1 2000cc دلوقتى..؟؟!!!
Regards،
فـ مابالك بموتور بيجر
فخامه وبرسيتيج ومتعه وراحه ووسائل امات يبقي اكيد بي ام
طبعا مش هقدر ازود على كلام اخواتى هنا :D
بس الفورتشنر اوسع بكتير
7 ركاب
دفع رباعى
ال resale أعتقد هيبقى احسن من الىbmw
قطع الغيار هتبقى ارخص نسبيا
اعطال اقل لقله التكنولوجيا
البي ام يا ريس
There is no doubt that BMW is far superior than Toyota, there is no comparison between them, even then Toyota Fortuner is a nice vehicle in it price range. BMW is expensive vehicle but it is worth it.
بجد يا جماعة اشكركم جداا جدا جداا انا بجد سعيد بكل الناس الجميلة اللى اخدت من وقتها علشان ترد عليا وردود محترفين بجد الكلام ده ماكنتش حلاقى حد يقولهولى بجد شكرا جزيلا
انا معاك بس في مسألة الوسع , ان لو كل هدفك حاجة تشيل عدد و خلاص هات الفورتشنر
- الدفع الرباعي ملوش اي ميزة عن الخلفي على الاسفلت بالعكس
-الresale مش حيكون كويس عشان ترخيص التويوتا عالي جدا
-قطع غيار ارخص طبعا :: كله بتمنه , الاداء و زغابة التكنولوجيا مش ببلاش
-موضوع اعطال اقل عشان مفيش تكنولوجي :: هو انا رايح ادفع 300000 الف ج عشان اشتري صفيحة من الالفية اتانية ليه ؟ ,, اللي دافع مبلغ زي ده من حقه ينبسط و يدلع و يلاقي تكنولوجيا تبرد قلبه على اللي دفعه , مش كده برده
-صدقني لما تكون حتدفع مبلغ كبير في عربية لازم حتزغلل عينك الماركات الفخمة لما فيها من اختراعات مش حتفكر في علبة كبييييييييييييرة و خلاص
البي ام مش عاوزة كلام الا لو انت بتمشي في طرق
وعرة جبال و كل الكلاكيع ده يبقى الفورتشنر
[QUOTE=formulator;3874324644]+111
الراجل اللى مختفى من زمااااااااااااان جاب من الآخر.. :B4_033:
وLike أوى حته لو قارنت سعر قطعة الغيار بالاداء حتلاقي ان الموضوع يستاهل
ومثال تيل الفرامل ده فـ الجون،
أعمل أيه بتيل فرامل رخيص (أو بيعيش) وأداؤه سىء وفرامل العربية ضعيفة،
لأ.. أنا أفضل التيل اللى بيقعد 20 ألف كم، بس أدااااااااء الفرامل 100%.
خدها قاعدة فـ الأوروبى، Rule of Tumb كده (للقطع الإستهلاكية فقط)،
لكن القطع الـLong-run عمرها الإفتراضى أطول، فعلا تركبها وتنساها.. :penguin4:
:N_no[1]: براحه علينا شويه يا بشوات :B4_095: تيل ايه ده اللى بالف جنيه و يقعد 20 او 30 الف كم علشان الاداء !!!!!!!!!!!
ده انا مغير التيل بتاعى ابو 250 جنيه على 45 الف و كان لسه فيه و محدش يقولى اتاخرت عليه او الاداء ضعيف او عربيتك مانيوال الفرق مش هيبقى كده :019F3B~14:
x1 طبعا! دي بي إن يا راجل. تويوتا مين اللي تتقارن بيها. إلا لو محتاج الحجم بتاع التويوتا