محتار بين مستعمل مثل جولف او بولو و بين جديد مثل بيكانتو ايه الحل فى هذه الحالة جديد او مستعمل !!؟
مع الاعتبار ان المستعمل يكون بحالة جيده جداً افتونى جازكم الله خير
محتار بين مستعمل مثل جولف او بولو و بين جديد مثل بيكانتو ايه الحل فى هذه الحالة جديد او مستعمل !!؟
مع الاعتبار ان المستعمل يكون بحالة جيده جداً افتونى جازكم الله خير
حسب احتياجك
عايز عربية جرايه خليك في الجولف بس استحمل قطع الغيار ( عندي واحد صاحبي بيبع عربية جولف 4 2300 سي سي ممتازة )
عايز تريح بالك خليك في البيكانتو
البولو لا افضلها ابدا !!!
مستعملة و لا جراية و لا حاجة و قطع غيار غاليه
-لو لك خبرة فى المستعمل شراؤة وصيانتة و سكك قطع غيارة ..... يبقى مستعمل افضل
-لو عايز تركب و تمشى و ماتعرفش اية اللى بيحصل تحت الكبوت ... يبقى زيرو افضل
ولو عايز تدرس الموضوع و تكون فكر
اقرا الموضوع دة
خواطر..فى الاختيار بين الزيرو والمستعمل
ربنا يوفقك ان شاء الله
لاحول ولا قوة الا بالله , البولو مش جراية؟مين اللى فهمك كدة؟اتوكل على الله يا fox وخليك فى الجولف او البولو عربيات ممتازة.
مستعمل احسن
زيرو بدون تفكير
أنا عندي جولف2 جايبها من سنة وكانت نظيفة جداً
وأنا الآن أتعجب من مجموع ما صرفته عليها خلال السنة (حوالي 5000 في بند الصيانة) رغم إن حالتها نظيفة جداً
طبعا الجولف لا يعلى عليها لكن برضه بتصرف مثل أي سيارة مستعملة
كأنك مشتري زيرو والصيانة بتدفعها بدل القسط
ولو عاد بي الزمان للخلف سنة كنت سأدفع ثمنها مقدم في سيارة زيرو وأقسط الباقي ولكن كنت سأشترط أن تكون الزيرو بنفس وسع صالون الجولف2 (وسع الصالون أساسي عندي)
لكن لو مش فارق الوسع قوى معاك يبقى البيكانتو ممتازة وضمان خمس سنوات عظمة على عظمة
ممكن نحصر الاختيار ما بين جولف 3 او بولو 2000 او اعلى او بيكانتو جديد ؟
ايوة كده انا اقدر افتيك
جولف 3 ابعد عنها مهما كانت الحاله
عربيه اكتر من ممتازة جري ثبات و تحمل بس تعالى يا قمور في قطع الغيار هاتجيبها منين و لو لقيتها هاتبى بكام و خدبالك ان دي موديلاتها اخره 96 يعني 12 سنه على الاسفلت كمان لما تيجي تحت تبيع تقيله و هاتضر تخسر علشان خاطر تبيع
نيجي للبولو و البيكانتو
الاتنين مايفرقوش عن بعض البيكانتو الزيرو و البولو المستخدم
لو شاطر تعرف تشتري عربيه لقطه و تصبر لما تلاقيها يبقى طبعا البولو عربيه اوسع من البيكانتو شكلها محترم قطغ غيار موجوده و متوافره مش غاليه الي في دماغك و حموله حمل شقى و مرمطه
البيكانتو زيرو بس خد بالك من حاجه كوووووووووووووووووووووري يعني مش هاتبقى حمل شقى بس قطع غيار متوفره توكيل محترم
شوف انت بقى و قولنا
بص لو عايز تعرف معني التحمل بجد ما بين الجولف و البولو يبقي استبعد البولو لانها اقل من الجولف 100 مرة الجولف كمكونات ميكانيكية مصممة للاستعمال الرياضي الشاق العنيف اما البولو استخدام شغل عادي مش غباوة يعني انت لو نفسك في حته جولف(معلش يا مودكس الجولف 5 سلندر 2300 سي سي عربية وحش بس جوان وش السلندر ب 500 جنيه:)) لو عايز جولفاية جامدة هاتها استيراد هتجيلك حالة ممتازة و قطع غيارها موجودة جديد و استيراد و صيني كمان لو عايز ده غيرالتحمل المرعبببببب و الصالو الواسع بالنسبة للهاتش باك و الثبات بتاع الجولف مش هتلاقيه الا في الاتي(جولف ابيزا بولو و البولو اقلهم لكن ثباتها ممتاز ) عربية معدية من الاخر و تضرب اي عربية زيرو بالنار لو حالتها حلوة اما لو حالتها واقعه يبقي هتصرف عليها بالهبل و هتضلعك في المصاريف لو عايز جولف هاتها استيراد هات مثلا جولف 3 1600 سي سي و حاجتها موجودة كلها او جولف 2 1600 او ابيزا 94 1300 الثلاثة ممتازين و انا سالك في قطع غيارهم و اما الزيرو ليه حلاوته طبعا بس صدقني لو جبت جولف استيراد مش هتبقي ماشية كتير و سعرها هيكون حنين يعني الجولف 3 موديل 95 1600 سي سي عاملة 50 الف كيلو دخلت معاقين وقفت ب 55 الف جنيه لو جولف 2 ابيزا 94 هيبقوا اقل في السعر و شوف احتياجاتك و خد قرارك
و الله لو موضوع اسعار قطع الغيار مش موضوع كبير ليك يبقى طبعا عليك و على الجولف او اختها الصغيرة البولو...انما لو مهم ابعد تمااااااااااااااااااااااا ااااماً لان قطع الغيار الاصلية اللى بتعيش يعنى مولعة ناااااااااار(غيرت سنسور فى بولو ب 1000 ج و طقم اسلاك بوجيهات ب 300ج و بوجيهات ب 350 ج طبعا كل ده اصلى تماما) انما البيكانتو معايا حاليا عربية ممتازة جدا بس يعيبها طبعا انها وزنها خفيييييييييف و صاجها خفيف..لكن صالونها محترم جدا مش ضيق خالص..و بعدين فى الاخر..المقارنة من الاول بين المانى و اسبانى و كورى صعبة حبتين