الزواج الثاني ..... حل و لا مشكلة ؟

**amr.elsayed** · 22-05-2012 05:14 AM

المشاركة الأصلية كتبت بواسطة mazagangee

ليه الربط بين الزوجة التانية مع وجود مشكلة او عيب في الزوجة الاولى ؟
حتة الجمال راح دي مش منطقية .... ما هوه برضه بقى اقرع و بكرش و مش قادر يطلع السلم

انا قصدى ان فى قصور عند الزوجة الاولى وبالتالى الزوج بيبحث انه يعوض القصور دة بزوجة تانية اى كان القصور دة شكله ايه
لو من غير قصور يبقى دة اسمه ايه يا باشا .. ازاى ابقى بحب زوجتى والست مش مقصرة معاية
واروح اتجوز واحدة تانية وابقى عارف اد ايه دة حيسبب لها ضرر نفسى كبير جدا ...
بصراحة انا مش مقتنع ان اتجوز تانى بدون سبب مقنع وملح ... يمكن انا دى نظرتى علشان لسة ماتجوزتش اصلا
الله اعلم بحال المتزوجين اكيد بيكون لهم وجه نظر اوسع من وجه نظرى

**MaZaGAngeE** · 22-05-2012 05:32 AM

مادام انت مش متجوز اصلا يبقى صعب انك تتناقش في الجواز التاني ..
ده موضوع اقدر ناس تناقشه المتزوجون و على الاقل مدة سنتين او تلاتة ...

طيب السيدات في المنتدى موقفهم ايه ؟

**minicooper20** · 22-05-2012 05:47 AM

المشاركة الأصلية كتبت بواسطة mazagangee

مادام انت مش متجوز اصلا يبقى صعب انك تتناقش في الجواز التاني ..
ده موضوع اقدر ناس تناقشه المتزوجون و على الاقل مدة سنتين او تلاتة ...

طيب السيدات في المنتدى موقفهم ايه ؟

ده كلام ده ليا انا

**MaZaGAngeE** · 22-05-2012 06:18 AM

المشاركة الأصلية كتبت بواسطة minicooper20

ده كلام ده ليا انا

لا
ده كلام عام مش لحد معين
الكلام عن الزواج التاني
و هيبقى صعب انك تكون راي عنه و انت مش متجوز اولاني
و لكن ليك مطلق الحرية انك تقول رايك لكن هيكون نظري اكتر منه راي عملي او من خلال تجربة شخصية

و تسعدني مشاركتك معانا في مناقشة الافكار اللي الواحد يخاف انه حتى يفكر فيها ( مش يناقشها ) في البيت

**Screenplays** · 22-05-2012 08:14 AM

الجواز التاني في مصر حتي لو صح هيجيب بلاوي و بعدين انا مش فاهم يعني ايه الواحد يتجوز تاني ؟ حتي لو مبيخلفوش ما يرضوا بنصيبهم و خلاص ؟ لازم نعد نخترع يعني ههههههههههههه لازم

**mohamedbook** · 22-05-2012 09:55 AM

طيب السيدات في المنتدى موقفهم ايه ؟

سيدات مين الي موقفهم ايه
ده مجرد فتح الموضوع بالنسبالهم جرم لا يغتفر وخيانة عظمي

**Screenplays** · 22-05-2012 09:59 AM

المشاركة الأصلية كتبت بواسطة mohamedbook

سيدات مين الي موقفهم ايه
ده مجرد فتح الموضوع بالنسبالهم جرم لا يغتفر وخيانة عظمي

و هتلاقي السكانين بتتسن و الاكياس البلاستيك بتجهز ... استر يا رب

**mbx4e** · 22-05-2012 10:19 AM

المشاركة الأصلية كتبت بواسطة mazagangee

عايزين نفترض ايه الحالات اللي يكون الزواج الثاني فيها مقبولا من الزوجة الاولى ؟

انا سمعت راي بيقول ان الزوجة يكفي عليها من 3 الى 4 اطفال و لو الزوج عايز اطفال اكتر هيكون محتاج انه يتجوز تاني

ياراجل اه منك يامزاجنجي تصدق انت فتحت موضوع شائك ومشوك وكله الغام وديناميت
( هي طالبه معاك انت كمان ولا ايه لا وايه حجه جديده عايز تخلف ياراجل اطلع من دول يامعلم )
بص الحل في فيلم احمد زكي ( امرأه واحده لاتكفي) بس خللي بالك النسوان انواع زي الفاكهة ممكن تجرب نوع يجب لك حساسيه وحكه في الدماغ والافكار

**mbx4e** · 22-05-2012 10:26 AM

المشاركة الأصلية كتبت بواسطة hossam_elwani

ومن ضمن اسباب الزواج الثاتى زيادة الفحوله عند الرجل عن العادى ....

فحولت ايه ياريس بس دا الراجل رغبته بتقل بعد التلاتين مابالك في شباب مابيجوزوش غير في الاربعينات تقولي فحوله

الزواج التاني دا حوااااااااااااااااااااااا ااااااااااار
وعايز ترتيب معلمين ومش اي راجل يقدر يجوز اتنين في وقت واحد وكمان مصريات يالهوووي اعوذ بالله

**M.Zaher** · 22-05-2012 10:28 AM

بعد 5 سنين جواز تلقائي هاتلاقي نفسك عايز تتجوز اتنين كمان مش واحدة

الحمد لله كنت فاكرني لوحدي كده طلعت مش لوحدى

المشكله مش في راي الراجل او تفكيره ايه

المهم في الموضوع ازاي هايقنع الاولى بالكلام ده

وللعلم كل الحجج مابيقتنعوش بها نهائي