الموضوع: الزواج الثاني ..... حل و لا مشكلة ؟

النهاردة ............. ضربت شريط برشام شجاعه و في ساعة روقان كده :::: قلتلها :

تصدقي الجماعة بتوع نايل موتورز لقيتهم بيتكلموا عن الزواج التاني و هل مشكلة و لا حل و لقيت ان الاغلبية من الرجالة رافضينه و الستات معترضة و قليليين قوي اللي موافقين عليه ( يحسن تمنعني من دخول المنتدى و اهه تامين برضه ) , بس فيه نقطة محيراني :: قالت ايه ؟
قلتلها : ان الاغلبية رابطين الزواج التاني بمرض الزوجة او عدم الخلفة او عدم التوافق ... ليه ميكونش زواج طبيعي هدفه تكوين اسرة اكبر ؟
و يا راجل عينك ماتشوف الا النور لقيت عينيها احمرت و بصتلي بصة نشفت في مكاني و كنت عايز اقوم اجري ... و قالت : و انت راي سيادتك ايه بقى ؟ ( طبعا واضح كده الريح رايحة على فين ) قلتلها : انا لقيت الناس بتتكلم فبناقش الموضوع من باب الفضول مش اكتر ....
قالت : ايوة يعني انت عايز تتجوز تاني و لا ايه ؟
قلتلها : انا بس بناقش الاسباب و الفكرة و ده لا يعني قبولي او رفضي للزواج التاني .. ده نقاش مش اكتر .. ( اكل العيش مر اساحبي )
لما اطمنت شوية قالت : دي خيانة و موقف مرفوض و الراجل اللي يعمل كده مش كويس لأنه بيخون مراته اللي اديتله عمرها و ...... و كلام كتير كل اللي تفهمه منه ان الستات بتضحي بكل شيء و لا كان الراجل بيديها بيته و حياته و فلوسه و عياله و ..... اكتر بكتير جدا من اللي هيه قدمته للحياة الزوجية دي ...
طبعا لما لقيت ان الهوا مش جاي سوا ... رحت مغير الموضوع على امل فتح الحوار في وقت اخر يمكن تكون اكتر تقبلا للفكرة ..

الظاهر يا رجالة الموضوع مش هيكون بالساهل ...

المشاركة الأصلية كتبت بواسطة Karim_Monir

انا الفكرة بتشعشع جوايا من فترة برضه :-) محدش يزق
ده رايي وحر فيه
هانفذه امتي بقي يتوقف على حاجات كتير
لكن الفكرة موجودة اه موجودة :-)
:-)

ربنا يسامحك يا أ/ Karim_Monir - بالشكل دا أنت هتشجع كل رجال المنتدى " إذا كان رب البيت بالدف ضارب فشيمة أهل البيت ..... " - وأنا جوزي من أهل المنتدى .

المشاركة الأصلية كتبت بواسطة karim_monir

شوف انا فاتح الموضوع بقرا كل يوم مشاركة مثلا عشان الليزك وممنوع من الكمبيوتر كتير
لكن لغاية عندك انت وكملت
نيهههههه
لقيت فين البرشام ده وشكلك ضربت كرتونة مش شريط

عامة انا الفكرة بتشعشع جوايا من فترة برضه :-) محدش يزق
ده رايي وحر فيه
هانفذه امتي بقي يتوقف على حاجات كتير
لكن الفكرة موجودة اه موجودة :-)
الحمد لله ان مفيش انترنت في البيت
ربنا يديمها نعمه :-)

يا كبير لازم نعمل ثورة على الانظمة المنزلية بس اهم حاجة نفضل في الصالة لحد ما تنجح لأن لو دخلنا الاوضة من غير ما نكمل ثورتنا هنلاقي شفيق طالع من الدولاب و المشير ماسك ساطور و عنان مجهز الاكياس و عمرو موسى بشد نفس و يشرب كاس على ارواح الرجالة ....


بجد بقى انا كل فترة هزن كده لحد ما ربنا يهديها و توافق بكيفها و بمزاجها ...

المشاركة الأصلية كتبت بواسطة احمد المصرى

معلش يا استاذ كريم انا هخرج بره الموضوع هو انت عملت عمليه الليزك

الف سلامة يا استاذ كريم ..... هيه الليزك دي ايه ؟