الموضوع: انهى عربية توافق احتياجاتى اكتر من دول -طلب مساعدة-

بسم الله الرحمن الرحيم

اولا احب اشكر كل اعضاء المنتدى على كم المعلومات اللى فيه و الروح الطيبة
اختصار الموضوع انى محتار انهى عربية مستعملة تبقى مناسبة لظروفى و احتياجاتى
- انا بسافر على فترات يعنى تقريبا شهرين بره و شهر موجود او اكتر حسب ظروف الشغل و حاليا أكسيل اتوماتيك.

انا فكرت فى العربيات دى
- النترا الشكل اللى قبل الحالى مع تحفظى على الكورى نفسيا
- كورولا بس اكتر المعروض 1300 سي سي و ال 1600 غالى
- تيدا 1600
- صنى
- بيجو 406
- اوبل فكترا موديل 2000-2002
- هوندا سيفيك 92-94 انا بعشق الموديل ده بالرغم انى عارف انه مش مناسب ليا
- بي ام 318 موديل اخر التسعيينات

....ملحوظة ان خلال فترة سفرى العربية بتبقى معظم الوقت واقفه يعنى ممكن كل اسبوع تتحرك شوية وخلاص

محتاج الاتى فى العربية

- الميزانية 75 الف تقريبا.
- عربية تكنولوجيا يابانى او المانى
- صيانة سهلة عشان مش هينفع اقضى الاجازة فى التصليح.
- قطع غيار معمرة و متوفرة.
- مش مهم اقتصادية استهلاك البنزين تفضل ع الاقل 1600 او 2000 سي سي.
- مش هتفرق اتوماتيك انما يفضل عشان الزحمة لانى من القاهرة.
- التكييف ثم التكييف ثم التكييف يساوى عندى نص قيمة العربية.
- مش مهم شكلها ايه اى حاجة تمشي معايا.
- العربية مش ناوى ابيعها قبل خمس سنين.
- مناسبة للطرق بتاعتنا و مطبتنا (صعب الطلب ده) بس على الاقل عفشة ناعمة.
- الثبات مش هيفرق كتير لان اصلا مفيش مكان الواحد يعرف يجرى فيه جوه القاهرة.
- استخدامى خفيف و سواقتى متوسطة لا هى عنيفة و لا هى هادية.

محتاج منكم النصيحة عشان اعرف احدد ادور على ايه بفرض ان الحالة هى هى لكل العربيات.