المشاركة الأصلية كتبت بواسطة tito29
الأم زد ياه ياه...................... فكرتني بالذي مضي
حقيقي أحلي أيام عمري الثمانينات و أول التسعينات
ما أعتقدش أن فيه لسه الموديلات دي علشان نادر جدا أما بأشوفها في الشارع و أعتقد أن قطع غيارها معادتش موجودة أصلا
الموديلات الصيني كلها أستنساخ من موديلات ياباني قديمة زي ال CG 125 و برضه ال honda 145 و خلافه بس بجودة أقل شوية
الفسبا الصيني في منها أشكال جميلة جدا و منها كمان أتوماتيك بس مش بتاعة شغل و بهدلة يعني حاجة كده للدلع و المشاوير البسيطة و برضه مش حاتخلص من الأعطال
الفسبا الهندي الثنائية الأشواط (2 stroke ) زيت علي بنزين أثبتت كفاءة و جدارة غير عادية يعني مشاوير و مرمطة للصبح و تكاد تكون منعدمة الأعطال تماما
يعني لو أنت مشاويرك بسيطة و بتحب المنظر الجميل يبقي تجيب الصيني
و لو أنت عملي و مش بتحب الأعطال و مش فارق معاك المنظر يبقي توكل علي ألله و هات الهندي (طبعا مستعملة علشان منعوا أستيرادها من الخارج)
و في جميع الأحوال أنسي خالص موضوع الأداء و القوة في رنج السعر ده